Ijosuwa 4:3 - IWE ỌNỊNỊ

³ Dị ọ̀ kà a yị wa ka ẹ kụ ịrẹta ẹwụrẹva hụrẹ ịnị akakana irehu Ijodani ịzị ohirẹsụ irehi Ohomorihi jẹẹ. Ọ̀ kà yị wa ẹ kụ ịrẹta ẹnẹẹ za na ngụ ịzị ẹ vaa sụ dị eyi ọ nị.

Ijosuwa 4:3 ပူးပေါင်းရင်းမြစ်များ

Oyinyima 28:22

Ịrẹta oni oni hì jẹẹ aanị ọ vị ịzị a vaa dà irehi Ohomorihii tụ́ nị. Avaba ịsị ọ̀ọ sị yị, ọnị vaa sị agẹẹwụ anịị yọ.

Ahẹ Ụgama 103:2

 vọrọ ka maa kụ́ Ẹnẹyịmavara, dị maa tamayị avaba ịsa ọnị ọ mẹ mị.

Ahẹ Ụgama 11:4

Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

Iruuku 19:40

Dị Ijeesu tụ́ ohi, dị ọ kà a yị wa ka, “Ẹma kà a wụ nịnị nị, aza ẹnẹnị èe kú irenu ẹnịnị, vị ịrẹta nịnị ee nowuu tụ́ ẹba nị.”

Ijosuwa 24:27

Dị Ijosuwa kà a yị wa ka, ịrẹta ọnọọ ọ vị onivenu ọnịrị wa nị. Ịrẹta ọnọọ ộ wụ́ avaba ịrẹyị ọnị Ẹnẹyịmavara kà yị ẹnị. Agụvị avọọ ọ vaa vị ivenu yị wa, dị ọ mẹ wa ka asị ẹ mẹ̀ akamawụ hi Ohomorihi.

Ijosuwa 3:13

Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị.

Ijosuwa 4:4

Ịzẹyịza, dị Ijosuwa nyị ọnọrụ ẹwụrẹva Anisirẹrị hụrẹ ịrẹsụ ọnyọọnya, dị ọ kụ wa gụ́,

Ijosuwa 4:8

Ịzẹyịza dị anọrụ ẹnẹẹ mẹ ịsị Ijosuwa ka yị wa nị. Dị ẹ kụ́ ịrẹta ẹwurẹẹva hụụnị akakana irehu Ijodani nị. Ịrẹta ọnyọọnya vị ana a jẹẹ yị ịrẹsụ ọnyọọnya ịnị ẹtẹ Isirẹrị anka Ẹnẹyịmavara mẹ mẹ̀ ọda yị Ijosuwa. Dị ẹ kụ́ ịrẹta ẹnẹẹ nọ ịzị ẹ sụ̀ ịrahụ ọnọọ nị. Dị ẹ da aha yọ ka a sị tamayị ịsa ana mẹ ịzọọ nị.

1 Ịsamụwẹrị 7:12

Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”