Ijosuwa 4:22 - IWE ỌNỊNỊ

²² Dị ẹnịnị ẹ kà yị wa ka ịzọọ Ẹnẹyịmavara ya mẹ̀ ka Anisirẹrị nịnị ẹ jịnẹ ịrẹhụ Ijodani ịnị ẹtẹ ọyịwụ nị.

Ijosuwa 4:22 ပူးပေါင်းရင်းမြစ်များ

Ọyịkụra 14:22

Di Anisirẹrị zi oze ini òkū na para hu ịrẹsụ ẹtẹ ọyịwụ nị. Di enyi kà jẹẹ gụgụrụgụ eyi ụvọrị ọnịrị eyi ụvọha ẹnịnị nị.

Ọyịkụra 14:29

Dị Anisirẹrị nịnị ẹnị zi oze ini òkū ọnọọ, dị ahịka ịrẹsụ ẹtẹ ana wụ ẹnị zị na para hu nị. Di enyi maanị dà gụgụrụgụ jẹẹ eyi ụvọrị ọnịrị eyi ụvọha ẹnịnị nị.

Ọyịkụra 15:19

Umaata Ihwarawo ọnịrị ịkẹkẹ anị oni umaataā tura vi ene chì ngụ òkū. Dị Ẹnẹyịmavara mẹ ka enyi ọ̀ varẹma sì kú wa nị. Ama Anisirẹrị ẹnị vị ana zị ụsẹ na para hu ịrẹsụ ẹtẹ ọyịwụ.

Ayịsaya 44:27

Ẹ̀ma mẹ ọda ka òkù ọ̀ wụ nị. Mị vaa mẹ irehu awụ nịnị ẹ̀ wụ.

Ayịsaya 51:10

Ọnị ộ wụ̀ enyi ịnị oku, dị ọ tụ oze tụ ịnị akakana anị na jịnẹ agụvị aza ọnị ọ dọ ha ẹ zụ jịnẹ tụ akẹnẹ anị nị.

Ijosuwa 3:16

Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị.

Ijosuwa 3:17

Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.

Ijosuwa 4:21

Dị ọ kà yị Anisirẹrị ka ezi ịrẹma-ịrẹma ẹnịnị vaa họ̀ wa use ka ịsị ịrẹta ẹnẹẹ jị yị

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.