Ijosuwa 4:10 - IWE ỌNỊNỊ

¹⁰ Ẹnị ohirẹsụ irehi Ohomorihi ana za apoti oto ọnọọ vị ana saasa ọda Ẹnẹyịmavara ọnị Imosiisi ka yị Ijosuwa. Ẹnịnị vị ana a jẹẹ ịnị akakana irehu pooro dị avaba Anisirẹrị jịnẹ irehu ọnọọ ne tu akẹnẹ anị.

Ijosuwa 4:10 ပူးပေါင်းရင်းမြစ်များ

Ahẹ Ụgama 119:60

Obooboro mị vaa saasa ọda awụ nị, mẹ yị vaa za a tụra ẹtẹ.

Ọyịkụra 12:39

Di Anisirẹrị nịnị sị Ịbụrẹẹdị eni e pō ẹnị ẹ̀ yị nyị òwù ẹnẹ za hụrẹ Ijipiti, dị ẹ jị ọ dị ẹ̀ yị nyị òwù nị. A mẹ̀ dụ wa eyiha-eyiha hụrẹ Ijipiti, ẹnịnị ẹ yị vana nyị eyi tenyi ẹngụ ịsọyịrị. E yi re re oze jị akara ana nyị òwù.

Ụhịrẹyị 27:1

Asị ọza wo oto ịrẹyị ụhwọọ agụvị ka ọza ọ yị yẹ eyi ana vaa nị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

2 Anịkọrịntị 6:2

agụvị ka Ohomorihi ộ kà a ka: Ọnị ộ wụ́ ịpẹ awụ nịnị ịnị ụmẹ ene zé oni eyi; Ọnị ọ́ rẹ gụ wụ nịnị ụvọ ịnị ẹkụhị ẹdọha. Re, ọyaanị ọ vị ụmẹ ene zé Ohomorihi eyi nị; ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.

Iwe Ọhụhị Imosiisi ana aa hị́ Ọyịvatụrọda 31:9

Dị Imosiisi chẹrẹ ọda ẹnẹnị tịtẹ, dị ọ̀ sị yị ohirẹsụ irehi Ohomorihi nịnị ana vị ezi Ireevi, ana sị eyi pe apoti oto Ẹnẹyịmavara ọnịrị ọdọvịdị Anisirẹrị nịnị.

Ijosuwa 24:11

Ụmẹ ọnọọ ẹnịnị jịnẹ okuha Ijodani na ngụ Ijeriko ịzọọ Anijeriko, Anamọrị, Aniperizi, Anikenaani, Anihiti, Anigirigasi Anihivi ọnịrị Anijebusi gẹ ịrẹkụ tu wa nị. Ama dị Ẹnẹyịmavara za ẹnịnị chire wa ụvọ nị.

Ijosuwa 3:13

Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị.

Ijosuwa 4:11

Ịjị avaba aza raa jịnẹ ta, dị ẹnịnị ana za apoti oto vaa jịnẹ tụ akẹnẹ irehu nị.

Ijosuwa 4:9

Dị Ijosuwa rẹ kụ́ ịrẹta ẹwụrẹva gụ ịnị akakana irehu Ijodani ịzị ohirẹsụ irehi Ohomorihi ana za apoti oto jẹẹ ụmẹ ọnọọ nị. Ịrẹta ẹnẹẹ yị hị́ ịzọọ pooro vee tu ajịnị.