Ijosuwa 3:7 - IWE ỌNỊNỊ

⁷ Dị Ẹnẹyịmavara kà yị Ijosuwa ka hụrẹ ẹkụhị ọnọọ tụ ọvịdị ọnị vaa sị ọ tu ẹba eyi Anisirẹrị nị ọzọza vaa yẹ ka ọnị ọ ya pe e anka ọnị mẹ vịdị jẹẹ pe Imosiisi avọọ.

Ijosuwa 3:7 ပူးပေါင်းရင်းမြစ်များ

1 Ịtọpa 29:25

Ẹnẹyịmavara ộ mẹ̀ ka avaba Anisirẹrị ẹ̀ sị ụbanyị Isoromọnị ẹtẹẹtẹrẹ. Dị ọ mẹ ka ọ̀ nyị ụbanyị huna ohinọyị ọnyọọnyị ana rị Ísirẹrị da nị.

2 Ịtọpa 1:1

 nyị ụmẹ ọnya aanị ọnị Isoromọnị ana vị ozi Idevidi sị vị ohinọyị Isirẹrị nịnị. Agụvị ka Ẹnẹyịmavara ana vị Ohomorihi anị ộ jẹẹ ọ ịrẹma, dị ọ mẹ ka ọ nyị ụkata ẹtẹẹtẹrẹ nị. Dị ọ za avaba ẹtẹ ana aa mẹ̀ ịjọva yị ku nị.

Ijoovu 7:17

Sị aza rẹyịrẹsụ vana vị, dị ịrẹyị ẹnịnị maanị jị wụ areyi, dị ụ sị ayị tụ ịnị ịrẹyị ẹnịnị?

Ahẹ Ụgama 18:35

Ẹnẹyịmavara, ẹwụ ee sere mị di ụ dọ mị tụ́ nọ Ụkata awụ ụ sị za mị jẹẹ nị Mâ nyị ụbanyị agụvị ka waa tẹsị amị.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Anihwiripi 1:20

Ịsị mee sìi hu keekere di mi re si eyi tụ́, ọ vị ka asị ụhị nyị mị ini oze ọnyọọnyị nị. Ama mee sì ka ma nyị ọtụtụrụma ịnị avaba ụmẹ ọnịrị ọyaanị bẹẹ. Mee sì ka ma nyẹngụ sị avaba ayị amị sị ụbanyị yị Ikirisiti, màa daka sú, màa yára.

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 3:6

Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị.

Ijosuwa 3:8

Dị Ijosuwa ò ka yị ẹnịnị ana za apoti oto ka e maanị jị ahụ ngụ irehu kẹnẹ dị ẹ jẹẹ.

Ijosuwa 4:14

Ịhị ọnọọ, Ẹnẹyịmavara kà Ijosuwa hịrẹ eyi avaba Anisirẹrị nị. Dị ẹnịnị vana sị ụbanyị yọ anka ẹ mẹẹ sị ịrẹsụ Imosiisi nị.