Ijosuwa 3:6 - IWE ỌNỊNỊ

⁶ Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị.

Ijosuwa 3:6 ပူးပေါင်းရင်းမြစ်များ

1 Ohinọyị 8:3

Ịzẹyịza dị avaba ọzọkụ Anisirẹrị vavọọ vẹ, dị ohirẹsụ irehi Ohomorihi nịnị sị apoti ọnọọ nị.

2 Ịtọpa 5:4

Ịjị avaba azọkụ Anisirẹrị nịnị sị gụ, dị Anireevi nịnị sị apoti oto ọnọọ nị.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 14:15

Booro aanị, Ẹnẹyịmavara ọ̀ọ wụ̀ avaba aza anị ẹnịnị va ha, sị avaba ẹkụra nịnị ana vịdị wụ́ ịrẹkụkụ anị vaa ka?

Anihiburu 6:20

Ijeesu ọ raà dọ ọvịdị na ngụ ịzọọ agụvị ayị, agụvị ka ọ sị vara ohirẹsụ ọbanyị irehi Ohomorihi pooro zịna-zịna anka Imerikizẹdẹkị.

Ijosuwa 3:3

Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa.

Ijosuwa 3:5

Dị Ijosuwa ka yị wa ka ẹnịnị ẹ za ịdo ana vaa sị wa ọnịnị agụvị ka Ẹnẹyịmavara vaa mẹ̀ ịvọpa ịnị akakana ẹnịnị eyinẹhẹ ịhị ọnọọ.

Ijosuwa 3:7

Dị Ẹnẹyịmavara kà yị Ijosuwa ka hụrẹ ẹkụhị ọnọọ tụ ọvịdị ọnị vaa sị ọ tu ẹba eyi Anisirẹrị nị ọzọza vaa yẹ ka ọnị ọ ya pe e anka ọnị mẹ vịdị jẹẹ pe Imosiisi avọọ.

Ijosuwa 6:6

Dị Ijosuwa ana vị ozi Inuni hị́ ẹnị ohirẹsụ irehi Ohomorihi nịnị gụ, dị ọ ka ẹnịnị ẹ sị apoti oto Ẹnẹyịmavara nị, dị ọ nyị ẹnị ịhịmba ka ọzọza ọ sị ọpanyị ịdẹba dị ẹ dọ ọvịdị nị.