Ijosuwa 3:16 - IWE ỌNỊNỊ

¹⁶ Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị.

Ijosuwa 3:16 ပူးပေါင်းရင်းမြစ်များ

Oyinyima 14:3

Ohinọyị ẹẹhị ẹnẹnị ẹnị ẹ rẹ vabẹ ini ozi ana aā hị́ Isidimi nị ịzọọ ọ kụkụ aa hị́ òkū anọ-anọ nị.

1 Ohinọyị 4:12

Ibaana ozi Ahirudi. Ọnị vị ana jẹẹ yị okokooro Itaanaki ọnịrị Imegido ne beri avaba Ịbẹtị Isini oze eyi Izaretani oze eyi ụvẹtẹ Ijezirẹẹrị, huu hụrẹ Ịbẹtịsani pooro na ngụ Ẹba Imehora dị à na para Ijokimimi hu.

1 Ohinọyị 7:46

Isoromọnị ohinọyị vi ana kà ka à mẹ avaba ịsa ịnị ẹngụhị ana yà ini ozi Ijodani. Dị ahịka ịnị ẹtẹ ụmọpa ana yà ịnị akakana Isukoti ọnịrị Izaretani a yà mẹ wa nị.

Ahẹ Ụgama 114:3

Ókū ịkịịkẹ mè re ka ẹ yaa vẹ, dị ọ kụ́ ahụ nya iruvo nị. Di Okuha Ịjọdanị ọnị rẹ sị varẹma nị.

Ahẹ Ụgama 114:5

Ẹwụ òkū, sị ẹ vẹ di wee zwe? Sị ẹ vẹ dị ụ sị varẹma, ẹwụ Ijodani?

Ahẹ Ụgama 29:10

Ẹnẹyịmavara vị ana yaayịtẹ tụra ịrẹsụ ọhaara enyi Ọnị ọ vị ohinọyị pooro zịna-zịna nị.

Ahẹ Ụgama 33:7

Ộ kụ́ enyi ini òkū gụ, ọgụgụrụgụ vene ataba Avaba enyi ini òkū, ọ wara gụ tụ́ aha ọnya nị.

Ahẹ Ụgama 66:6

Ộ mẹ ka òkū ọ̀ vara ẹtẹ ọyịwụ, dị aza anị sị ahụ na para hu ini okuha ọnọọ nị. Dị ị yà ịzọọ dị yaa jẹ agụvị ịsa ọnị ọ mẹ nị.

Ahẹ Ụgama 74:15

Ẹwa mẹ ka okuha ọnịrị orosi nịnị ee sì nị Dị ụ rẹ mẹ kà enyi eneē vidii sì pooro, ọ̀ wụ nị.

Ahẹ Ụgama 77:19

Wâ zị oze ini òkū, ana aa dà vụụ-vụụ dị ụ vavọọ há a na para hu nị, ama ọza o yi re ịpa ahụ awụ.

Ahẹ Ụgama 78:13

Ô che ẹngụ hi ẹẹva dị ọ mẹ ka enyi ẹ̀ kụ́ jẹẹ anka ọvọ avọọ nị, dị ọ kụ́ aza ẹnẹẹ zi oze ini òkū na para hu nị.

Ọyịkụra 14:21

Di Imosiisi tana ụvọ hi òkū nị. Ịnị avaba ịrahụ ịhị ọnọọ dị Ẹnẹyịmavara mẹ ka ahị ọbanyị ọ̀ tụ́ hụrẹ oze ọnị ọyịị̄ zị vẹ dị ọ kụ́ enyi varẹma dị ọ mẹ ka okuha ọ̀ wụ nị. Enyi o si cheva.

Ọyịkụra 14:22

Di Anisirẹrị zi oze ini òkū na para hu ịrẹsụ ẹtẹ ọyịwụ nị. Di enyi kà jẹẹ gụgụrụgụ eyi ụvọrị ọnịrị eyi ụvọha ẹnịnị nị.

Ọyịkụra 14:29

Dị Anisirẹrị nịnị ẹnị zi oze ini òkū ọnọọ, dị ahịka ịrẹsụ ẹtẹ ana wụ ẹnị zị na para hu nị. Di enyi maanị dà gụgụrụgụ jẹẹ eyi ụvọrị ọnịrị eyi ụvọha ẹnịnị nị.

Ọyịkụra 15:8

Ụ mẹ̀ tụ́ ahị hi òkū, di enyi anị kụ́ na jẹẹ gụgụrụgụ nị. Enyi ene vịdị ee sì vụ̀ụ́vụụ ộ kụ́ na jẹẹ anka ugene avọọ. Iruvo enyi ọ sị za tụ́ ịnị akakana òkū.

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ezikẹẹrị 47:8

Ezikẹẹrị ka ọnọrụ ọnọọ ộ kà a yị ọnị ka, ozi-ọza, aanị enyi ọnọnị mee sì zi oze eyi ọnị ọyịị̄ zịị vẹ naa ngụ ẹtẹ Ijodani nị, dị ọ hụụ ịzọọ na ngụ ịnị oku ọnị ịsaā sú vaa hi nị. Ịjị enyi ọnọnị òo tu ini òkū ọnọọ, dị ọ mẹ ka eni ini òkū ọnọọ ana vị anaanọ, ọ̀ vara enyi ọyịza.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

Ihabaku 3:8

Dị ọ họ̀ Ẹnẹyịmavara kà okuha ọ́ọ́ vị ana mẹ ayị kụ ọ nị, a vị oku o du ọ ayị nị? Eyiyee! Ẹnẹyịmavara ộ tụra eguhi anka umaata anị, dị eguhi ana da dụụmẹ vị ịkẹkẹ ịrẹkụ anị ọnị ọ sị nyị ehuna.

Ịrịka 34:3

Ẹhwị anị eyi ụvẹtẹ vaa hụrị ịnị ụnọmị Izini na ngụ akaha Edomi nyima hụụnị ẹtaha eyi ụvẹtẹ oku ịkẹ.

Iwe Ọhụhị Imosiisi ana aa hị́ Ọyịvatụrọda 1:1

 nyị ụmẹ ọ nya aanị ọnị Anisirẹrị nịnị sị jẹẹ tụ́ ụhwọ́ inozi ụnọmị Araba akẹnẹ irehu Ijodani. Ịzọọ ọ̀ gụrị Isuhwi ana ya ịnị akakana Iparani ọnịrị Ịtọhwẹrị. Ẹkụra ẹsa ana gụrị ịzọọ ẹ vị Ịrabanị, Ihazeroti ọnịrị Idizahabi. Ịzọọ Imosiisi ya pe Anisirẹrị nịnị kà ịrẹyị nị.

Iwe Ọhụhị Imosiisi ana aa hị́ Ọyịvatụrọda 3:17

Ẹtẹ ẹnịnị ọ za inozi ana kara Ijodani. Ẹgẹ anị eyi ịzị ọyịị̄ ngụ ẹtẹ vị Òkū Igariri na ngụ Òkū Anọ ana gụrị ataba Ipisiga eyi ịzị ọyịị̄ kwẹẹtẹ.

Ijosuwa 12:3

Isihoni ọ nyị ẹtẹ hụrẹ akẹnẹ oku Ichineroti vẹ va ngụ oze Ịbẹtị-Ijesimoti ana ya iruvo ataba Ipisiga wọrọ huu chi na ngụ Òkū Anọ nị.

Ijosuwa 15:2

Ẹhwị ẹtẹ ẹnịnị vi ene nyima hụrị ụtọ enyi ana ya eyi ụvẹtẹ irehu Anọ,

Ijosuwa 16:7

Dị ọ hụrẹ ịzọọ va chi na ngụ Ataroti ọnịrị Inaara, dị ọ va ka Ijeriko. Dị ọ hụ ịzọọ na za ẹtẹ Okuha Ịjọdanị.

Ijosuwa 3:13

Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị.

Ijosuwa 4:22

Dị ẹnịnị ẹ kà yị wa ka ịzọọ Ẹnẹyịmavara ya mẹ̀ ka Anisirẹrị nịnị ẹ jịnẹ ịrẹhụ Ijodani ịnị ẹtẹ ọyịwụ nị.

Ijosuwa 5:1

Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị.

Ọdọvịdị 7:22

Ịjị ịkakanchị akavarẹchẹhị ẹnẹẹ sụ ịrẹyị, dị Ẹnẹyịmavara mẹ ka isoja Animidiya nịnị ẹ sị ụhwọ vara eyi tu ẹngụ nị. Di e zwe zị eyi Izaretani na ngụ Ịbẹtị Isita, ne tu Ẹba Imehora ana gụrị Itabati.