Ijosuwa 3:11 - IWE ỌNỊNỊ

¹¹ Avọọ apoti oto Ananyị yị ana nyị avaba ẹhẹ vaa dọ ọvịdị ẹnịnị na gụ irehu Ijodani.

Ijosuwa 3:11 ပူးပေါင်းရင်းမြစ်များ

1 Ịtọpa 29:11

Wáa banyị, dị ụ nyị ụkata nị. Wáa nyị ụbanyị, wée zoza, dị ụ vị ohinọyị nị. Ẹwa nyị avaba ịsa ene hi ẹbẹẹba ọnịrị ẹhẹ nị. Ẹwa vị ohinọyị ene hu anaa mẹ ohinọyị tụra avaba anẹhẹ ịrẹsụ nị.

Ijoovu 41:11

Ẹnẹyịmavara kà, ẹnẹ ẹ sị ịsa yị ọnị, ana zụ kà a ka ọnị ọ sị ụta varẹma? Ẹ́ yi nyị ọza ana hụ avọọ ịnị ọ sị ụta varẹma?

Ahẹ Ụgama 24:1

Ẹnẹyịmavara ọ nyị ẹhẹ, ọnịrị avaba ịsa ene hi ini anị nị. Ọnị ọ rẹ nyị aza ene hị́ ịnị anị nị.

Ahẹ Ụgama 97:5

Ẹnẹyịmavara ana nyị avaba ẹhẹ mẹ̀ jẹẹ, ataba nịnị vị ana maanị nā anka ụsụ avọọ.

Ayịsaya 3:12

Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịzakaraya 4:14

Dị anggẹẹrị kà, aza ẹnị ẹ ẹẹva ọnị Ohomorihi nyị ka ẹẹ hẹkẹ ọnị ana nyị avaba ẹhẹ nị.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

Iwe Ọhụhị Imosiisi ana aa hị́ Ọyịvatụrọda 9:3

Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ.

Ijosuwa 3:13

Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị.