Ijosuwa 3:10 - IWE ỌNỊNỊ

¹⁰ Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

Ijosuwa 3:10 ပူးပေါင်းရင်းမြစ်များ

Oyinyima 15:21

Anamọrị, Anikenaani, Anigirigasi ne beri Anijebusi.

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

1 Ịtọpa 1:14

Ikenani ọ rẹ vị ohiku Anijebusi nịnị, Anaamori nịnị Anigirigasi nịnị nị.

Ahẹ Ụgama 42:2

Mee sì wu ẹtẹẹtẹrẹ Ohomorihi ana yàra Eyi awụ vị ana nyayịnẹ aa tụra amị Ohomorihi, ịhị ụ ka mee nee re oze dị ma vẹ ini eehi awụ dị ma va hẹkẹ wụ?

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ọyịkụra 17:7

Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ọyịkụra 33:2

Ẹnẹyịmavara kà ọnị vaa tụ́ anggẹẹrị anị dị ọ̀ tụ́ ọvịdị ẹnịnị na. Ọ rẹ ka ọnị vaa dụ anẹkụra ẹnẹnị hụụnị ẹtẹ ọnọọ yị wa. Anẹkụra ẹnẹẹ ẹ vị Anikenaani, Anamọrị, Anihiti, Aniperizi, Anihivi ọnịrị Anijebusi.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

Iwe Ọhụhị Imosiisi ana aa hị́ Ọyịvatụrọda 7:1

“Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Iwe Ọhụhị Imosiisi ana aa hị́ Ọyịvatụrọda 7:21

Agụvị avọọ asị ụ hí angwa aza ẹnẹnị agụvị ka Ẹnẹyịmavara Ohomorihi awụ nịnị ya pe wụ nịnị. Ọnị ọ banyị ana vọrọ ka eē hí angwa anị nị.

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Anihiburu 10:31

Ọza ọ̀ọ hyẹdụ ne ngụ ịnị ụvọ Ohomorihi ana yára, ọza ọnọọ ọ sị dà.

Ijosuwa 11:3

Ọ hị́ Anikenaani eyi ẹnyị ọsa, Anamọrị, Anihiti, Aniperizi Anijebusi ịrẹsụ ataba, ọnịrị Anihivi akẹtẹ Ihamọnị ịnị ẹtẹ Imizipa.

Ijosuwa 12:8

Ẹtẹ ọnọọ ọ za ịrẹsụ avaba ataba iruvo ataba ẹnẹẹ inozi ẹnịnị, okahi, ịnị ụnọmị ọnịrị ụvẹtẹ (Ịnẹgẹvị) Ijosuwa ọnịrị Anisirẹrị vị ana dọ ẹtẹ Anihiti, Anamọrị, Anikenaani, Ịpẹrẹzị, Ihivi ọnịrị Ijebusi. Aza ẹnịnị e vị ohinọyị ẹkụra irenyi-irenyi ene hi ịnị ẹtẹ Isirẹrị nị.

Ijosuwa 21:45

Ẹnẹyịmavara ộ mẹ̀ avaba ịsa oni o wo oto anị yị Anisirẹrị nịnị.

Ijosuwa 22:31

Ihwinihasi, ohirẹsụ irehi Ohomorihi, ozi Eriyaza ộ kà a yị wa ka. “Ya sị yẹ booro aanị ka Ẹnẹyịmavara ộ yà beri eyi. Wẹ yị kụ̀ hịrẹ ẹ nịnị. Wa raà mẹ nịnị ka a sị Ẹnẹyịmavara rẹ kụkụ sị ụya rị Anisirẹrị nịnị.”

Ijosuwa 24:11

Ụmẹ ọnọọ ẹnịnị jịnẹ okuha Ijodani na ngụ Ijeriko ịzọọ Anijeriko, Anamọrị, Aniperizi, Anikenaani, Anihiti, Anigirigasi Anihivi ọnịrị Anijebusi gẹ ịrẹkụ tu wa nị. Ama dị Ẹnẹyịmavara za ẹnịnị chire wa ụvọ nị.

Ijosuwa 3:9

Dị Ijosuwa hí avaba Anisirẹrị ka ẹ wụ́ ịsa ọnị Ẹnẹyịmavara Ohomorihi ẹnịnị ka ọnị vaa mẹ̀.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 26:6

Di Idevidi vẹ, dị ọ va hị́ Ahimẹrẹkị ana vị Anihiti ọnịrị Abisayi ozi Izeruya ana vị ọyịnyara Ijowabi nị. Di Idevidi ka ẹnị aā saasa ọnịị nọ udi Ịsọọrụ. Dị Abisayi ka ọnị aa nọ nị.