Ijosuwa 24:2 - IWE ỌNỊNỊ

² Dị Ijosuwa ka ọzọza batọ dị ọ wụ enube hụụnị ụvọ Ẹnẹyịmavara ana vị Ohomorihi Anisirẹrị. Dị ọ ka, ịnị ịyẹẹyẹ ohiku ẹnịnị vị ana ra akẹnẹ Okuha Iyuhwireti, dị ẹ yaa mẹ̀ ori ene hi ịzọọ. Avọọ ẹnịnị mẹ mẹẹ pooro ve tu Ịtẹra ọnịrị ezi anị ẹẹva Abụrahamị ọnịrị Ịnahọ̀.

Ijosuwa 24:2 ပူးပေါင်းရင်းမြစ်များ

Oyinyima 11:22

Iserugu mẹ̀ sị gụ ịrayị ohurẹẹwụ (30) dị ọ ma Inahọ̀ nị.

Oyinyima 11:24

Ịnahọ̀ mẹ̀ sị gụ ịrayị oohu tụra ịhịmba, (27) dị ọ ma Ịtẹra nị.

Oyinyima 11:26

Ịtẹra mẹ̀ sị gụ ịrayị ẹtarẹwụ, (70) dị ọ ma Abụramị, Ịnahọ̀ ọnịrị Ịharanị.

Oyinyima 11:27

Aza ana chị hụụnị ịpa Ịtẹra m maa vaa hị́ aanị nị Ịtẹra ọ ma Abụramị, Ịnahọ̀ ọnịrị Ịharanị nị. Dị Ịharanị ọnị ma Ịrọọtị nị.

Oyinyima 31:19

Ịrabanị oni o si hu aa naa yẹrẹ ẹyị atẹmẹ anị, di Irechẹrị reè yi ori ene hi ini eehi ada anị nị.

Oyinyima 31:30

Dị ọ rẹ ka ọnị ọ yẹ ka o si hu agụvị ka eyi eehi ada anị aa tụra a ẹtẹẹtẹrẹ, ama sị ẹ vẹ di o yi ori anị?

Oyinyima 31:32

Ọ kà ọza oni oo re ori anị ịda anị, à wụ̀ ọ. Dị ọ rẹ ka Ini eyi anda ẹnịnị ene hi ịzẹnị aanị, ọ tana ụvọ hị́ ịsa anị ana vị Ịrabanị di ọ̀ sị ọ. Ama Ijekọvụ ọnị ọ yị yẹ ka Irechẹrị o reè yi ori ẹnẹẹ.

Oyinyima 31:53

Ohomorihi ana Abụrahamị hẹkẹ ọnịrị ori Ịnahọ̀, ẹ̀ mẹ̀ ọkarẹyị ịrẹyị ọnịrị ọ.” Di Ijekọvụ sị Ohomorihi ana Ayiziiki ada anị hí angwa anị hị́ eku nị.

Oyinyima 35:4

Ịzẹyịza dị ẹ kụ́ avaba ori ana yarị wa yị Ijekọvụ nị. Dị ẹ rẹ kụ́ ịsụtọ ẹnịnị ana vị ahọ̀nọ yọ nị. Di Ijekọvụ kụ́ wa chire ẹtẹ iruvo ọchị ana aā hi Era ana gụrị Ịsẹkẹmị nị.

1 Ịtọpa 1:27

ọnị Abụramị (ana a raa hị́ Abụrahamị).

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ezikẹẹrị 16:3

Ada awụ nịnị vị anẹkụra anaā hị́ Anamọrị, dị ọnyị awụ nịnị vị Anihiti nị. Ama ẹtẹ Ikanaani ẹ́ yà ma awụ nị.

Iruuku 3:34

Ijuda vị ozi Ijekọvụ, ana vị ozi Ayiziiki, ana vị ozi Abụrahamị. Abụrahamị vị ozi Ịtẹra, ana vị ozi Inahori,

Iwe Ọhụhị Imosiisi ana aa hị́ Ọyịvatụrọda 26:5

Vatụra ịrẹyị ẹnẹnị ọvịdị Ẹnẹyịmavara: Ohiku amị vị Anarami ana aa doodo zị, ẹ yị nyị irehi. Ộ kụ́ aza nọ ẹtẹ Ijipiti. Ẹnị chee ẹ vị ẹ mẹ ngụ ẹkụra ọnọọ nị. Ama ẹ vaa sị rụrụ, dị ẹ vị Anẹkụra ana nyị ụkata nị.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.