Ijosuwa 24:1 - IWE ỌNỊNỊ

¹ Ijosuwa ọ hị́ avaba ịrẹsụ-ịrẹsụ Anisirẹrị gụ dị ẹ gẹ Ịsẹkẹmị nị. Dị ọ hị́ aza ọkọọka Anisirẹrị nịnị, ọ hị́ azọkụ, ọnịrị ọmọkarẹyị ne beri ọdọvịdị nịnị ka ẹ hịrẹ va jẹẹ gụrị ajẹngụ Ẹnẹyịmavara.

Ijosuwa 24:1 ပူးပေါင်းရင်းမြစ်များ

Ijosuwa 23:2

Dị Ijosuwa hị́ avaba Anisirẹrị gụ beri azọkụ ọnịrị ohirẹsụ nịnị ne beri ọdọvịdị nịnị ọnịrị ọgọọga nịnị ana vọ. Dị ọ kà yị wa ka, ọnị o si bo.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

1 Ohinọyị 12:1

Ẹkụhị ọnya, Irehobowami ộ nọ Ịsẹkẹmị ịzị avaba Anisirẹrị kụ ẹngụ gụ ka ẹnị ẹ̀ na sị ọ rị ohinọyị.

Oyinyima 12:6

di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị.

Oyinyima 35:4

Ịzẹyịza dị ẹ kụ́ avaba ori ana yarị wa yị Ijekọvụ nị. Dị ẹ rẹ kụ́ ịsụtọ ẹnịnị ana vị ahọ̀nọ yọ nị. Di Ijekọvụ kụ́ wa chire ẹtẹ iruvo ọchị ana aā hi Era ana gụrị Ịsẹkẹmị nị.

Iwe Ọhụhị Imosiisi ana aa hị́ Ọyịvatụrọda 29:9

Avọọ ẹnịnị ẹ saasa avaba ịrẹyị oto ọnọọ, dị ò zee yị wa ịnị ịsa tụra ịsa ọnị ẹ yaa mẹ̀.

Ijosuwa 20:7

Dị Anisirẹrị nịnị nyị ẹkụra ẹẹta ene hi akẹnẹ irehu Ijodani eyi ịzị ọyị zị ngụ ẹtẹ ka ẹ vị aha ọyịtẹ̀ nị. Ẹkụra ẹnẹẹ ẹ vị Ịkẹdẹsị ịnị ẹtẹ Igariri ịrẹsụ ataba Inahwitari, ọnịrị Ịsẹkẹmị ataba Ehwireemi, ne beri Ikirati-Ariba ịnị ịrẹsụ ataba Ijuda, Ikirati-Arịba aa hị́ Ihebirọnị booro aanị nị.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

2 Ohinọyị 23:1

Ohinọyị Ijosaya ộ hị́ avaba ọzọkụ ene hi Ijuda ọnịrị Ijerusarẹmị nịnị gụ.