Ijosuwa 22:9 - IWE ỌNỊNỊ

⁹ Ịzẹyịza, ezi Irubẹnị nịnị, ezi Igadi, ọnịrị achẹva ezi Ịmanasẹ nịnị ệ varẹma aa nọ eehi ẹnịnị. Ẹnịrị Anisirẹrị nịnị ana vọ ệ hahi Isiro ịnị ẹtẹ Ikanaani, dị ẹyaa nọ ẹtẹ Igiriyadi nị. Ịzọọ ọ vị ẹtẹ ẹnịnị nị. Ẹnẹyịmavara ọ mẹ ọda yị Imosiisi ka ọ̀ sị ịzọọ yị wa nị.

Ijosuwa 22:9 ပူးပေါင်းရင်းမြစ်များ

2 Ịsamụwẹrị 2:9

Ọ mẹ̀ raà sị ọ vẹ, dị ọ sị mẹ ohinọyị tụra ẹtẹ Anigiriyadi ọnịrị Asuri ne beri Ijezirẹẹrị nị. Dị ọ ka ọnị ọ̀ rẹ vị ohinọyị Ehwireemi ọnịrị Ịbẹnjamịnị ne beri avaba Anisirẹrị nị.

1 Ịtọpa 5:9

Ẹnịnị ệ nyị ịsụpa tuturutu hi ẹtẹ Anigiriyadi, agụvị avọọ dị ẹnịnị ra hi ịzọọ nị. Ẹnịnị ệ ra hụrị eyi ọnị ọyị zịị hụrẹẹ vẹ huuu na ngụ oze ana a zịị̄ nọ irehu Iyuhwuretisi.

Ahẹ Ụgama 60:7

Ohomorihi rẹ ka ọnị ọ nyị Anigiriyadi, dị ọnị rẹ nyị Ịmanasẹ nị Ọ kà ẹkụra Ehwireemi vị ana jẹẹ yị ọnị anka amu enyusẹ-enyusẹ avọọ, di Ijuda jẹẹ yị ụkata anị nị.

Ịrịka 32:1

Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị,

Ịrịka 32:20

Dị Imosiisi tụ́ wa ohi ka, ẹ vavọọ dọ, ẹ kụ́ ẹnya ịrẹkụ ẹnịnị, dị ẹ na kụ́ ịrẹkụ yị Ẹnẹyịmavara kẹ.

Ịrịka 32:22

Ịjị Ẹnẹyịmavara ọ́ raà gụ ẹnịnị ụvọ dị ẹ dọ ẹtẹ ta nị, di e re oze varẹma vẹ eehi agụvị ka ẹnịnị ẹ ra mẹ ịsị Ẹnẹyịmavara kà ọnịrị ịsị a vọrọ ka ẹ mẹ yị anda ẹnịnị Anisirẹrị. Ịjọnọọ, dị Ẹtẹ ọnọọ vaa vị ẹnịnị.

Ịrịka 32:26

Ẹ kà ese ẹnịnị ọnịrị ezi ne beri ịsụpa ẹnịnị vee hi ini ubooro Igiriyadi.

Ịrịka 32:29

Ọ kà, avaba anọrụ Anigadi ọnịrị Anirubẹnị nịnị ana sị hụ ọ tụ́ ịrẹkụ ẹ̀ẹ saasa wa jịnẹ Okuha Ịjọdanị nọ ịrẹkụ. Ẹnẹyịmavara kà a sị ẹtẹ Igiriyadi yị wa ịjị Anisirẹrị nịnị ẹ raa dọ avaba ẹtẹ ta.

Iwe Ọhụhị Imosiisi ana aa hị́ Ọyịvatụrọda 3:18

Imosiisi me re jị uwe ẹtẹ ọnọọ ta, dị ộ ka yị evere Irubẹnị ọnịrị Igadi ne beri achẹva Ịmanasẹ ka: Ẹnẹyịmavara ana vị Ohomorihi ẹnịnị ộ raa sị ẹtẹ ọnọnị yị wa. Avaba Isoja ẹnịnị e tenyi ẹngụ zi ịrẹkụ ẹnịnị ẹ jịnẹ irehu Ijodani, Isoja nịnị e hi ọvịdị.

Iwe Ọhụhị Imosiisi ana aa hị́ Ọyịvatụrọda 3:20

Isoja ẹnịnị vaa saasa Anisirẹrị ana vọ pooro dị ẹnịnị ẹ dọ avaba ẹtẹ ọnị Ẹnẹyịmavara ana vị Ohomorihi ẹnịnị àa sị yị wa akẹnẹ irehu Ijodani eyi ọsa. Ịrẹsụ ọzọza ọ sị ẹtẹ nyị, dị isoja ọzọza vavẹ ịnị ẹtẹ anị.

Iwe Ọhụhị Imosiisi ana aa hị́ Ọyịvatụrọda 34:1

Imosiisi ộ hụrẹ inozi Imowabi hịrẹ nọ ịrẹsụ ataba Inebo na ngụ ịrẹsụ ataba Ipisiga ana va eyi ka ẹkụra ana aā hị́ Ijeriko. Ịzọọ Ẹnẹyịmavara ya sị avaba ẹtẹ Anisirẹrị zụ ọ nị Ẹtẹ ọnọọ ọ kwẹẹtẹ hụrị Igiriyadi va hịrẹ na ngụ ẹkụra ana aā hị́ Ịdaanị,

Ijosuwa 13:11

Ẹtẹ ọnọọ ộ za Igiriyadi ẹtẹ Anigesuri ọnịrị Animaaka, avaba ataba Ihamọnị beri avaba Ịbasanị huuu na ngụ Isareka.

Ijosuwa 13:25

Ẹtẹ ẹnịnị ộ za Ijazeri ọnịrị avaba ẹkụra ẹbanyị-ẹbanyị Igiriyadi, achẹva ẹtẹ Amọnị huu na ngụ Aroyeri ana ya eyi ịzị ọyịị̄ kwẹẹtẹ hụrẹ Ịraba.

Ijosuwa 13:31

Ẹtẹ ọnọọ ọ za achẹva Igiriyadi beri Asịtarọtị ọnịrị Edireyi ana vị ohyẹtẹ ẹkụra Ọgị ohinọyị Ịbasanị. Avaba ẹtẹ ẹnẹnị vị ana a sị yị achẹva evere Imakiri ozi Ịmanasẹ.

Ijosuwa 22:10

Ịjị ezi Irubẹnị nịnị ẹnịrị ezi Igadi, beri achẹva ezi Ịmanasẹ nịnị ve tu ịzị aā hị́ Igiriyọtị, ọ̀ sị gụrị Ijodani ịnị ẹtẹ Ikanaani, ẹnịnị ê hi ụta ọnya nyanggada aanị tụ ụtọ irehu ịzọọ.

Ọdọvịdị 20:1

Anisirẹrị nịnị hụrị ẹtẹ Ịdaanị na ngụ Ịbẹẹsẹba huu na ngụ Igiriyadi, dị ệ wárá ẹngụ gụ vabẹ ọvịdị Ẹnẹyịmavara ịzị aā hị́ Imizipa.

Ọdọvịdị 5:17

Ịrẹsụ Igiriyadi vị ana ya eyi ịzị ọyịị̄ zị vẹ akẹnẹ Ijodani, Ịrẹsụ Ịdaanị vị ana jẹẹ pe ẹpa enyi nịnị. Ịrẹsụ Aseri vị ana ya ụtọ enyi. Dị ẹ jẹẹ ụtọ enyi ịzọọ.