Ijosuwa 22:6 - IWE ỌNỊNỊ

⁶ Ijosuwa ộ mẹ̀ aduwa yị wa, dị ọ ka ẹẹ na nị, dị ẹnịnị và nọ eehi ẹnịnị nị.

Ijosuwa 22:6 ပူးပေါင်းရင်းမြစ်များ

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 47:10

Di Ijekọvụ kụ́ Ihwarawo, dị ọ hụụ ịzọọ nị.

Oyinyima 47:7

Di Ijosẹẹhụ rẹ sị Ijekọvụ ada anị na zụ̀ Ihwarawo nị. Di Ijekọvụ kụ́ Ihwarawo nị.

2 Ịsamụwẹrị 6:18

Ịjị Idevidi vavọọ sị ịsọvọ ẹnẹẹ mẹ, dị ọ ka Ẹnẹyịmavara Ochẹtẹẹngụ ọ̀ navọ ò zee yị aza ẹnẹẹ nị.

2 Ịsamụwẹrị 6:19

Di Idevidi gà ịsọyịrị yị avaba ọkọnị aza ẹnẹẹ nị. Ọnọrụ ọnịrị anẹẹ vị ọnị ọ gà ịsa yị. Ịbụrẹẹdị ọnịrị akara ana a sị ẹtụtụ ịvayịnị jị ne beri Ịbụrẹẹdị ana a sị ẹtụtụ agịga tụ́ ịnị anị ọ vavọọ gà yị wa nị. Ịjị ẹ sị mẹ ta, dị ọzọza aa nọ eehi anị nị.

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

1 Ohinọyị 8:66

Ịrẹma ẹkụhị ịhịmba ụpẹ ọhụva, ịhị ẹ tụ́ ọ ẹkụhị ịhịnta di ohinọyị mẹ̀ aduwa yị aza ẹnẹẹ dị ọ ka ẹ̀ẹ na nị. Ịzẹyịza dị aza ẹnẹẹ si hu aa naa ịnị ajẹngụ ẹnịnị nị. Ẹnịnị aa jẹ, ayị ẹnịnị ee hine agụvị avaba ịsa ozoza ẹnị Ẹnẹyịmavara mẹ yi Idevidi ozi ahụ anị ọnịrị Anisirẹrị ana vị aza anị.

2 Ịtọpa 30:18

Avọọ, aza ọrụrụ-ọrụrụ ana hụrị ịrẹsụ Ehwireemi, Ịmanasẹ, Iisaka ọnịrị Izeburuni ẹ yị zụ rị eche ọnọọ a mẹ vọrọ agụvị ka ẹnịnị ẹ yị za ido anaā sịị wa tụ́ irenyi. Avọọ di ohinọyị Ihezekaya maanị mẹ̀ aduwa yị wa nị:

Ọyịkụra 39:43

Di Imosiisi zama ụkọrọ ọnọọ re di o re ka vị ẹ mẹ̀ ẹ anka Ẹnẹyịmavara mẹ̀ kà a yị ẹnị nị. Dị ọ mẹ̀ aduwa ka ò zee yị wa nị.

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 24:50

Dị Ijeesu sị wa jịnẹ hụụnị ẹkụra huuu na ngụ oze Ịbẹtanị nị; dị ọ sị ụvọ tụ́ ẹba, dị ọ mẹ̀ aduwa yị wa nị.

Ijosuwa 14:13

Dị Ijosuwa mẹ̀ aduwa ka Ẹnẹyịmavara ọ gụ Ịkarẹbị ụvọ, dị ọ sị Ihebirọnị yị ọnịrị ezi anị.

Ijosuwa 24:28

Ịjị Ijosuwa raà kà ịrẹyị anị ta, dị ọ kà yị ọzọza ka ẹ varẹma ẹẹ nọ eehi ẹnịnị nị.

1 Ịsamụwẹrị 10:25

Dị Ịsamụwẹrị tangwa kà a yị aza ẹnẹẹ avaba ịsa ana a vọrọ ka ohinọyị ọ̀ọ mẹ nị. Ịjị ọ sị ọ kà yị wa, sị ọ rẹ chẹrẹ ẹ tụ́ ịnị ịsa, dị ọ sị tụ́ ini eehi Ẹnẹyịmavara nị. Dị Ịsamụwẹrị kà ọzọza ọ̀ọ nọ eehi anị nị.

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 2:20

Èe tù ịzọọ di Eri mẹ̀ aduwa yị Erikana ọnịrị ose anị, dị ọ ka Ẹnẹyịmavara ọ̀ navọ ose anị ọ̀ ma ezi ọsa dị ọ sị dọ ịrẹsụ ọnị ọ pa hụụnị ụvọ Ẹnẹyịmavara dị ọ rẹ varẹma sị yọ. Àa maanị sị aduwa mẹ̀ yị wa, dị ẹ rẹ yaa nọ eehi nị.