Ijosuwa 22:5 - IWE ỌNỊNỊ

⁵ Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

Ijosuwa 22:5 ပူးပေါင်းရင်းမြစ်များ

Ahẹ Ụgama 106:3

Aza ẹnẹ ẹ̀ yị mā mẹ irikichi, dị ahịka ịsa ana vọrọ ẹẹ̄ mẹ pooro nị ẹ̀ nyarị ịrẹsụ ọyịza.

Ahẹ Ụgama 78:7

Ọnọọ vaa mẹ ka ẹ̀ zụ sị ayị tụra Ẹnẹyịmavara dị asị e hi ayị ịsa ọnị Ẹnẹyịmavara mẹ, dị ẹ̀ zụ sị ụvọ za ọda anị

Ọyịkụra 15:26

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Ọyịkụra 20:6

Ama ọza ene èe sì ịrẹyị amị, dị ọ jẹẹ pè ọda amị nị, emi re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Ọyịkụra 23:13

Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.

Ọyịkụra 23:25

Waa hẹkẹ ẹmị Ẹnẹyịmavara ana vị Ohomorihi awụ. Ịjọnọọ mị vaa mẹ ka wàa rị ịsa, wèe hú enyi, ò zee yị wụ. Mẹ yị vaa zẹẹ ka ụkụ ọ̀ za wụ nịnị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Ijeremaya 12:16

Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.

Imatiwu 22:37

Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ!

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Iruuku 1:74

ka ọnị vaa dọ yịị háa hụụnị ụvọ ọnịvị ayị, dị yaa hẹkẹ ọnị, dị asị i hí angwa;

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Aniroomi 1:9

Mâ sị Ohomorihi ọnị maa sị ayị ọnyaa hẹkẹ, ịnị ka maa kà enube ọyịza Ozi anị tẹ̀ ivenu, ka ẹ yị nyị ka maa mẹ̀ aduwa dị mẹ̀ yị tamayị awụ nịnị.

Aniroomi 12:9

Ayị ọnya a vọrọ ka ye sii sì ịrẹyị ọza nị. Waa nyị ịhyẹrẹ ịsa edivi, dụ wa sị ụvọ za ịsa ọyịza.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 11:1

Sì ịrẹyị Ẹnẹyịmavara Ohomorihi awụ nịnị, mẹ avaba ịsa ọnị ọ ka yị wụ, saasa avaba ọda anị ịnị ụmẹ tụra ụmẹ.

Iwe Ọhụhị Imosiisi ana aa hị́ Ọyịvatụrọda 11:13

Imosiisi kà ẹnịnị ẹ saasa ọda ọnị raà sị yị wa ajịnị. E sì ịrẹyị Ẹnẹyịmavara Ohomorihi ẹnịnị, dị ẹ sị avaba ayị ẹnịnị hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 11:22

Imosiisi ka ẹnịnị ẹ̀ẹ sị ịzẹyịza saasa avaba ọda ọnị ọnị aa sị yị wa aanị, èe sì ịrẹyị Ẹnẹyịmavara Ohomorihi ẹnịnị, ẹ̀ẹ sị ụvọ za ịrẹyị anị dị ẹ sị mẹ̀ ebira mẹ nị,

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 4:29

Ịnị ẹkụra ẹnẹẹ, ẹnịnị vee si Ẹnẹyịmavara Ohomorihi ẹnịnị, ẹ̀ ẹ sị avaba ayị ẹnịnị si ọ, e vee re e.

Iwe Ọhụhị Imosiisi ana aa hị́ Ọyịvatụrọda 4:4

Ẹwụ nịnị ana sị ịzẹyịza saasa a kẹnẹ ọ̀ yara ve tù ịhị ọnọọ nị.

Iwe Ọhụhị Imosiisi ana aa hị́ Ọyịvatụrọda 4:6

Ẹnịnị mẹmẹ sị ịzẹyịza saasa a ọ̀ vaa sị zụ anẹkụra ana vọ ka ẹnịnị ẹ yẹ ịrẹyị nị. Anẹkụra ẹnẹnị ẹ̀ wụ́ ịrẹyị ọda, dị ẹ yaa ga wa ka ẹ̀ nyị ịrẹyọyẹ ẹnẹmẹhị.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 5:10

Ama ọza ene èe sì ịrẹyị anị, dị ọ sị ụvọ za ọda anị nị, ọnị re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Iwe Ọhụhị Imosiisi ana aa hị́ Ọyịvatụrọda 6:17

Re ka, waa saasa ọda Ẹnẹyịmavara ana vị Ohomorihi sị yị wụ.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Ijosuwa 23:8

Asị ka ọnọọ, waa mẹ ịzẹyịza ka Ẹnẹyịmavara na anka ụ mẹ vịdị aa yị mẹ̀ pooro va ngụ ajịnị.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

1 Ịsamụwẹrị 12:20

Dị Ịsamụwẹrị va ohi yị wa ka asị e hí angwa. Ịzẹyịza ẹ raà mẹ̀ ebira odivi, ama asị ẹ kụkụ ha hụrẹ oze Ẹnẹyịmavara. Ẹnịnị ẹẹ sị ayị ọnyaa hẹkẹ ẹ.

1 Ịsamụwẹrị 12:24

Ama ẹwụ nịnị ò re ka wa nyị angwahi Ẹnẹyịmavara nịnị; dị waa sị avaba ayị awụ nịnị hẹkẹ ẹ. Tamayị ịsa ẹbanyị-ẹbanyị ọnị ọ mẹ̀ yị wụ nịnị.

1 Ịsamụwẹrị 7:3

Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.