Ijosuwa 2:9 - IWE ỌNỊNỊ

⁹ Dị ọ ka yị wa ka ọnị ọ yẹ ka Ẹnẹyịmavara ọ̀ raa sị ẹtẹ ọnọọ yị wa. Avaba ẹnịnị vị ene hí angwa, dị ivoovo sị ẹnị za.

Ijosuwa 2:9 ပူးပေါင်းရင်းမြစ်များ

Oyinyima 35:5

Ijekọvụ nịnị màa na, Ohomorihi ộ mẹ̀ ka ivóvō ọ̀ ngụ avaba anẹkụra ana kara wa ẹngụ. Ẹnịnị ẹ yị nyayịnẹ dụ wa.

2 Ịsamụwẹrị 17:10

Ọ̀ọ vavọọ yà isoja ana ayị vị hu keekere anka idu vị ana angwahi vaa ngụ ẹngụ. Avaba Anisirẹrị ệ yẹ ka ada awụ ọ zụ kụ̀ ịrẹkụ. Ẹ rẹ yẹ ka isoja ana yà pè e vị ana ayị ẹnịnị nyayịnẹ vị.

2 Ohinọyị 5:15

Ọnịrị aza ana saasa a ẹ vavẹ ve tu ọza Ohomorihi, dị ọ jẹẹ ọvịdị anị dị ọ ka: Ọnị ọ sị yẹ ka ẹ yị nyị ịzị Ohomorihi yà ọsa ịnị avaba ẹhẹ, ẹ̀ yị vị ẹtẹ Isirẹrị ọnịnya.

2 Ohinọyị 7:6

Ẹnẹyịmavara ộ mẹ̀ ka, Anisiriya nịnị ẹ̀ wụ́ ka â nyị ịsa aa sụrẹyịị vẹ. Ịsa ọnọọ vị ana sị mẹẹ anka ọkọnị isoja èe rere kụ umaata ọnịrị ịkẹkẹ ịrẹkụ aa vẹ avọọ. Ẹnịnị ệ kà a yị ẹngụ ka, vị ohinọyị Anisirẹrị nịnị na raà hị́ ohinọyị Anihiti nịnị ọnịrị ohinọyị Anijipiti ka è ve pe ẹnị kụ̀ ịrẹkụ anị nọ.

Inehemaya 6:16

Ịjị ọnịvị ayị nịnị ọnịrị avaba ẹkụra ana kara wa wụ́ ka ọvọ ọ sị jị, dị angwahi ngụ wa ẹngụ agụvị ka ệ yẹ ka Ohomorihi ộ gụ yị ụvọ da a nị, dị ụhị kụkụ aa nyị wa nị.

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Ahẹ Ụgama 112:10

Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.

Ahẹ Ụgama 115:16

Ẹnẹyịmavara ọ nyị avaba ẹbẹẹba nị. Dị ọ sị ẹhẹ dị ọ sị yị aza nị.

Ọyịkụra 18:11

Ma sị yẹ ka Ẹnẹyịmavara o huna avaba ori nịnị nị. Wéē re ịsị ọ mẹ aza ana aa chamayịị yị Anisirẹrị.”

Ọyịkụra 23:27

Avaba anẹkụra oni u ve nee tù nịnị, mị vaa dọ ọvịdị awụ nịnị dị mị na kụ́ angwahi hi wa ẹngụ, dị ayị ẹnịnị vazi agụvị awụ nịnị. Ọnịvị awụ nịnị vi ene vee zwee wụ nịnị.

Ịrẹyị Ọzwọzịsa 8:12

Ọ̀ọ daka vị ka ọza odivi mẹ̀ ebira odivi ụpẹ ẹchẹẹhị dị o ki ku orubo, ọnị ọọ yẹ ka ọza ene hí angwa Ohomorihi o vee zozaa yị hu nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 23:5

Ịhị Anijipiti ẹ̀ẹ wụ́ ịrẹyị ene tù Anitaya, ọ vaa kata wa ẹngụ.

Ijeremaya 27:5

ọnị Ẹnẹyịmavara kà ụkata anị ọnị sị tụ ẹhẹ ọnọnị beri aza ọnịrị uye ene hi ịnị anị nị. Ọza enee zee ọnị eyi kẹnẹ ọnị nyẹngụ sị wa chire ụvọ nị.

Ịnahụmị 2:10

Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ! Ayị ẹnịnị ọ́ sị sẹ̀ hi wa ẹngụ angwa mee hi wa; Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị; Dị eyi ẹnịnị aa hụrẹ ọvụ nị.

Ịrịka 20:14

Dị Anisirẹrị nịnị va hụrị Ikadesi, Imosiisi tụ́ aza ne tụ́ ohinọyị Anedomi ka, ẹnị Anisirẹrị ẹnị ẹnịrị wa vị ezi ẹyịnyara avọọ, ẹ tụ́ ve tụ́ wa nị. Ẹnịnị ẹ yẹ akanya ọnị ẹnị yaa ịnị anị booro aanị.

Ịrịka 20:24

ụmẹ o si tu ka Eerọnị ọ na yẹ ozu anị. Ọ kà ẹnị ẹyịva ẹ yị vaa ngụ ẹtẹ ọnị ọnị sị Anisirẹrị agụvị akamawụ ẹnị ẹ mẹ̀ ịzị ọnị yaa sị yị wa Imeriba.

Imatiwu 20:15

Aanịka me yi re oze sị ẹkẹhị amị mẹ̀ ịsa ene zé mi eyi? A vị agụvị ka mâ mẹ ẹyịza, áyị aa sịị kụ́ wụụ?

Iwe Ọhụhị Imosiisi ana aa hị́ Ọyịvatụrọda 11:25

Ẹ yị nyị aza ana vaa zụ va eyi ịrazị ka wa. Ẹnẹyịmavara Ohomorihi vaa mẹ ka avaba aza ee hí angwa ẹnịnị anka ọ mẹ raà wo oto anị yị wa.

Iwe Ọhụhị Imosiisi ana aa hị́ Ọyịvatụrọda 2:25

Ẹnẹyịmavara kà ọnị vaa mẹ ka avaba aza ee hí angwa ẹnịnị. Ọza tụra ọza anaa wụ ịrẹha ẹnịnị kẹnẹ, dị ivóvó anị aa za a.

Iwe Ọhụhị Imosiisi ana aa hị́ Ọyịvatụrọda 28:10

Avaba anẹhẹ vee re e ka, Ẹnẹyịmavara ọ nyị wụ nịnị ka wa vị aza anị nịnị nị. Ẹnịnị vee hí angwa awụ nịnị.

Iwe Ọhụhị Imosiisi ana aa hị́ Ọyịvatụrọda 32:8

Ẹnẹyịmavara ana nẹba hu keekere ộ sị ẹtẹ ọzọza yị wa nị ọnị ộ ka a ịzị anẹkụra irenyi-irenyi vaa ya ọnịrị ori ọnị ọzọza vaa kụ yị.

Anihiburu 11:31

Ịrahabị ọsẹrẹka ộ sị ayị tụra Ohomorihi. Ọnị ọ mẹ ka asị a wụ ọọ beri aza ana mẹ akamawụ hi Ohomorihi nị. Aza ene ne yi ẹtẹ ọnọọ re, ọ́ọ dọ wa pe ẹngụ tụ́ ịnị ẹngwọọrọ.

Ijosuwa 2:11

Dị ọ ka ẹnị mẹ maanị wụ́ ịvọpa ọnọọ kẹnẹ ayị ẹnịnị sụ́ ẹnyị hi ẹtẹ nị. Ẹ yị nyị ọza ọnị ayị anị vị ọyị nọ ịrẹkụ. Ẹnẹyịmavara ana vị Ohomorihi ẹnịnị ọ vị Ohomorihi ene hu keekere, Ọnị ọ nyị ẹba nyị ụvẹtẹ nị.

Ijosuwa 2:24

Dị Ijosuwa ka ịzẹyịza, Ẹnẹyịmavara ọ raa sị ẹtẹ ọnọọ yị ẹnị nị. Agụvị avọọ angwa ẹnịnị e hi aza ẹnẹ ya ịzọọ nị.

Ijosuwa 2:8

Ịrahụ ịhị ọnọọ, dị aza ene ve re ẹtẹ aanị vaa sụ́, dị Ịrahabị hịrẹ ne tu wa ịrẹsụ utu, dị ẹ ka ịrẹyị nị.

Ijosuwa 5:1

Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị.

Ijosuwa 6:2

Ama Ẹnẹyịmavara ọ kà a yị Ijosuwa ka, ọnị ọ ra sị Ijeriko ọnịrị ohinọyị anị ne beri ọkụrẹkụ ọkarị-ọkarị ẹnịnị chire wa ụvọ.

Ijosuwa 9:10

ọnịrị ohinọyị Anamọrị ẹẹva ana ya akẹnẹ Ijodani eyi ịzị ọyịị̄ hụrẹ vẹ. Avọọ ọ mẹ rẹ mẹ̀ Isihoni ohinọyị Ịhẹsịbọnị ọnịrị Ọgị ohinọyị Ịbasanị ana ra Asịtarọtị.

Ijosuwa 9:24

Dị ẹ tụ Ijosuwa ohi ka agụvị ka â kà a yị ezi ahụ anị ka Ẹnẹyịmavara Ohomorihi anị ộ raà mẹ ọda yị Imosiisi ka ọ sị avaba ẹtẹ, dị ọ wụ̀ avaba aza ana ra ịnị ẹtẹ ọnọọ. Agụvị angwahi ụhwẹ ẹnịnị, ẹ vavọọ mẹ̀ ẹ nị.

Ijosuwa 9:9

Dị ẹnịnị maanị pa ịta yị Ijosuwa nị: Ẹ kà aha onoze ẹnị hụrẹ vẹ nị. Ẹnị ệ wụ́ ịrẹyị Ẹnẹyịmavara ana vị Ohomorihi Anisirẹrị nịnị. Ẹ kà ẹnị ệ wụ́ avaba ịsa ọnị Ẹnẹyịmavara mẹ̀ Anijipiti nịnị,

Ọdọvịdị 7:14

Di isoja ọsa tụ ohi ka, Igidiyọnị ọdọvịdị isoja Anisirẹrị nịnị ụra ọnọọ za avọọ nị. Ohomorihi raà sị ụkata yị ọnịrị isoja anị ka ẹ̀ nyị ẹbẹẹba Animidiya ọnịrị avaba isoja ẹnịnị avọọ nị.