Ijosuwa 18:3 - IWE ỌNỊNỊ

³ Agụvị avọọ Ijosuwa họ̀ Anisirẹrị ka, ịzị ẹ vaa jẹẹ tu di e vee nyima ọyị dọ ẹtẹ ọnị Ẹnẹyịmavara Ohomorihi ẹnịnị raà sị yị wa?

Ijosuwa 18:3 ပူးပေါင်းရင်းမြစ်များ

Ụhịrẹyị 10:4

Uworo vị ana a sị ọza re osiye ama ọza ana aa sị ụvọ anị mẹ vị ana aā nyị rị ụvọ.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Ụhịrẹyị 15:19

Onuworo vị anaā vị ọnịrị akanya pooro kẹnẹ, ama ọnịzẹyịza vị ọnị ẹhẹ anị zoza yị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ịzẹhwanaya 3:16

Ụmẹ aa vẹ ọnị a vaa kà yị Anijerusarẹmị ka asị ẹnịnị rẹ hụrẹ ayịnẹ, dị asị ẹ va ẹngụ hii.

Imatiwu 20:6

Ịnị ẹhụụ ụmẹ agogo ẹẹhị oruva, dị ọ rẹ jịnẹ nọ ẹhẹ, di o re ne tù aza ẹnyị ana jẹẹ kẹnẹ-kẹnẹ nị. Dị ọ rẹ kà a yị wa ka: ‘Sị ẹ vẹ dị ụ jẹẹ kẹnẹ-kẹnẹ hụrẹ ẹnẹnẹ nịnị?’

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ijosuwa 13:1

Ịnị ụmẹ ọnọọ, Ijosuwa ô si bo, dị Ẹnẹyịmavara kà yị ọ ka ô sị vịra ama ẹtẹ ọ vọ dẹngụ ọnị ẹnị ẹ yị dọ:

Ijosuwa 18:2

Ama â nyị ịrẹsụ ịhịmba ịnị Anisirẹrị nịnị ọnị ọza ẹ yị ga ẹtẹ tù.

Ijosuwa 18:4

Ộ ka ẹnịnị ẹ nyị aza ẹtẹẹta hụụnị ịrẹsụ ọnyọọnya vẹ. Ọnị aa tụ̀ wa ne re ẹtẹ, dị ẹ chẹrẹ ẹ tịtẹ ẹtẹ ọnọọ mẹmẹ ya ana vaa ga yị ịrẹsụ ọnyọọnya. Ẹ vavọọ sị ọ mẹ̀, dị ẹ varẹma vee tu ọnị.

Ọdọvịdị 18:9

Ẹnịnị anaa tụ jịnẹ ẹẹ ka yị aza ẹnịnị ka ẹ ụsẹ kwẹẹtẹ dị ẹnị ẹ kụ ịrẹkụ ne tu ẹkụra ọnọọ, agụvị ka ẹnị ê re ka ẹtẹ ọnọọ ozoza ẹtẹẹtẹrẹ. A vị ka ẹ yị nyị ịsị ụ waa mẹẹ tụ́ ọ nịnị? Asị ụ za a tura ẹtẹ nịnị. Ẹ ka ẹ kwẹẹtẹ na dị ẹ na dọ wa ẹtẹ ọnọọ.