Ijosuwa 18:1 - IWE ỌNỊNỊ

¹ Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

Ijosuwa 18:1 ပူးပေါင်းရင်းမြစ်များ

2 Ịsamụwẹrị 7:6

Kà a ka m mẹ̀ hụrẹ kụ́ Anisirẹrị nịnị hụrẹ Ijipiti pooro ve tù ajịnị, mẹ yị yà ini irehi. Ma raà hụrẹ aha ẹnyị na ngụ aha ọsa ịnị ajẹngụ mị yị yà nị.

1 Ohinọyị 14:2

Di Ijerobowami kà a yi ose anị dị ọ ka, “Kwẹẹtẹ, di wa vara ẹngụ, dị asị ọza yẹ ka ẹwụ vị ose ẹmị Ijerobowami nị, dị wa nọ Isiro. Booro aanị Ahija ana vị ọnịsẹ yà ịzọọ. Ọnị ọ vịdị kà a mị ịhị ọnọọ ka ẹma vaa vị ohinọyị aza ẹnẹnị nị.

1 Ohinọyị 14:4

Ịzẹyịza dị ose Ijerobowami vavọọ kụ́ ịsa ẹnẹẹ, dị ọ kwẹẹtẹ, di o si hu aa nọ Isiro nị. Ọ na sị ngụ ini eehi Ahija. Ama Ahija oni o si bo, eyi anị o si hozi, o yi kuku zụ re ẹtẹ.

1 Ohinọyị 2:27

Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.

Inehemaya 9:24

Ẹnịnị ệ dọ avaba ẹtẹ Ikanaani, dị Ohomorihi nyị ẹbẹẹba aza ana ra ịzọọ nị. Ộ za Anikenaani ọnịrị Ohinọyị ẹnịnị chire wa ụvọ ka ẹ mẹ wa o mè ze wa eyi.

Ahẹ Ụgama 78:60

Ohomorihi ọ sị wa hụrẹ ụvọ tụ́ Isiro ịzị ẹnịrị wa vịdị kụ́ udi tụ́, dị ọ ra ịzọọ.

Ahẹ Ụgama 78:66

Dị ọ za ọnịvị anị dị ọ dụ wa varẹma, dị ahịka vị ụhị kụkụ aa nyị wa pooro-pooro nị.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 26:9

Ẹ ka, sị ẹ vẹ dị ọ ka Ẹnẹyịmavara ọ tụ ọnị ka ọnị ọ̀ kà a ka, irehi Ohomorihi ẹnịị vaa yà anka Isiro? Sị ẹ vẹ dị ọ ka e vee vu Ijerusarẹmị ẹtẹ dị ọza ẹ yị ma vana ra ịnị anị? Ijeremaya ka, dị aza họ̀gụ kara ọnị nị.

Ijeremaya 41:5

â nyị aza ẹnị ẹbẹẹna ana hụrẹ ẹtẹ Ịsẹkẹmị, Isiro ọnịrị Ịsamarịya vẹ. Ẹnịnị vị ana kụ́ ịrẹwa ẹnịnị, dị ẹ na awuru hi ẹngụ ẹnịnị ẹngụ, dị ẹ́ rẹ tọ̀ ẹngụ ụnava nị. Ệ kụ apaapa ọnịrị eturare aa vaa mẹ̀ ịsọvọ ịnị irehi Ohomorihi.

Ịrịka 32:22

Ịjị Ẹnẹyịmavara ọ́ raà gụ ẹnịnị ụvọ dị ẹ dọ ẹtẹ ta nị, di e re oze varẹma vẹ eehi agụvị ka ẹnịnị ẹ ra mẹ ịsị Ẹnẹyịmavara kà ọnịrị ịsị a vọrọ ka ẹ mẹ yị anda ẹnịnị Anisirẹrị. Ịjọnọọ, dị Ẹtẹ ọnọọ vaa vị ẹnịnị.

Odeyi 7:45

Ịrẹma ọnọọ, ada ayị ệ rẹ vana dọ ajẹngụ ọnọọ hụụnị ụvọ ohiku ẹnịnị. Dị ẹ za a, ẹ màa saasa Ijosuwa nị. Dị ẹ na dọ ẹtẹ hụụnị ụvọ aza irenyi-irenyi oni Ohomorihi sị dụ jịnẹ yị wa nị. Dị ajẹngụ ọnọọ yà ịzọọ pooro ne tù ụmẹ Idevidi nị.

Ijosuwa 18:2

Ama â nyị ịrẹsụ ịhịmba ịnị Anisirẹrị nịnị ọnị ọza ẹ yị ga ẹtẹ tù.

Ijosuwa 18:8

Dị anọrụ ẹnẹẹ va jịnẹ na zụ ụtụ ọnọọ, Ijosuwa ộ vatụra ọda ẹnẹnị ya wa: E chire ẹtẹ ahụ ne hu, dị ẹ chẹrẹ ẹ ẹtẹ mẹmẹ ya, dị ẹ vavẹ vee tu ọnị Isiro. Ọnị vee họ̀ use hụụnị ụvọ Ẹnẹyịmavara a mẹ vọrọ ka ọnị ọ ga ẹtẹ ọnọọ yị wa.

Ijosuwa 19:51

Ẹtẹ ẹnẹnị ohirẹsụ irehi Ohomorihi ana aā hị́ Eriyaza, ọnịrị Ijosuwa ozi Inuni, beri azọkụ-azọkụ abara-abara Anisirẹrị nịnị ga nị. Dị ẹ va gà a, ẹnịnị ệ si iruvo anị hụụnị ụvọ Ẹnẹyịmavara, enoze ajẹngụ Ẹnẹyịmavara Isiro. Aanị ẹ mẹmẹ gà ẹtẹ ọnọọ ta nị.

Ijosuwa 21:2

Isiro ịnị ẹtẹ Ikanaani ẹ vavọọ ve tu wa nị. Ệ kà a Ẹnẹyịmavara ọ̀ vịdị kà yị Imosiisi ka a sị ẹtẹ yị ẹnị ịzị ẹ nyị avị ọnị ịsụpa ẹnịnị vaa rị.

Ijosuwa 22:12

Ịjị Anisirẹrị nịnị maanị wụ ọ, avaba ẹnịnị ệ wara gụ Isiro, dị ẹ ka ẹnị aa kụ́ ịrẹkụ nee tù wa nị.

Ijosuwa 22:19

Booro aanị, wèe ro nịnị ka ẹtẹ awụ nịnị ẹ yị wụra hẹkẹ Ohomorihi ịnị anị, wa vẹ ịnị ẹtẹ Ẹnẹyịmavara nịnị, dị à dà ẹtẹ yị wụ nịnị ịdị ayị. Ama navọ asị ụ kụ̀ hịrẹ Ẹnẹyịmavara, dị asị ụ rẹ kụ̀ hịrẹ yị, ịnị ụta ọnị ụ da yị ẹngụ awụ nịnị beri ụta Ẹnẹyịmavara Ohomorihi awụ nịnị aanị.

Ijosuwa 22:9

Ịzẹyịza, ezi Irubẹnị nịnị, ezi Igadi, ọnịrị achẹva ezi Ịmanasẹ nịnị ệ varẹma aa nọ eehi ẹnịnị. Ẹnịrị Anisirẹrị nịnị ana vọ ệ hahi Isiro ịnị ẹtẹ Ikanaani, dị ẹyaa nọ ẹtẹ Igiriyadi nị. Ịzọọ ọ vị ẹtẹ ẹnịnị nị. Ẹnẹyịmavara ọ mẹ ọda yị Imosiisi ka ọ̀ sị ịzọọ yị wa nị.

Ọdọvịdị 18:31

Ori ọnọọ ọnị Imika bẹ yị ẹngụ anị aza Ịdaanị vana hẹkẹ pooro ịnị ụmẹ ọnị irehi Ohomorihi sị yị ẹkụra Isiro nị.

Ọdọvịdị 21:12

Ịjị isoja nini ẹnẹẹ tu Ijabesi-Igiriyadi ẹnịnị e re ezi anẹẹ akava ẹnẹẹ yị yẹ ọnọrụ. Dị ẹ kụ ozwoorihi ẹnẹẹ vẹ ịzị ẹ kụ udi tụ ẹkụra Isiro ana yị nị ẹtẹ Ikanaani nị.

Ọdọvịdị 21:19

Ịjọnọọ dị e sị iwọjị vẹ ka a nyị eche Ẹnẹyịmavara anaa rị ịrayị-ịrayị enee ve tu Isiro eyi akẹba Ịbẹtẹrị, eyi ọnị ọyị azị hụrẹ akaha oze ọbanyị ọbanyị ẹkụra ana hụrị Ịbẹtẹrị hịrẹ na ngụ Ịsẹkẹmị, dị ọ ya akẹtẹ Irebona nị.

1 Ịsamụwẹrị 1:24

Ísamuwẹrị mẹ̀ sị jị ịrẹva dị ọ yị vị ozweyi, dị Ịhaana sị ọ dị ọnịrị ọ zị nọ ịda Ẹnẹyịmavara Isiro nị. Ọ́ màa na, ộ sị imaaru ịrayị ẹẹta ne beri ayị ọgụvọ ẹẹhị ọnịrị eche okoko ọnya za nị.

1 Ịsamụwẹrị 1:3

Erikana vị ana aā hụrẹ ẹkụra anịị nọ Isiro ịrayị-ịrayị naa hẹkẹ Ẹnẹyịmavara Ochẹtẹẹngụ dị ọ rẹ mẹ̀ ịsọvọ. Eri ọnịrị ezi anị ẹyịva ana aā hị́ Ihohwini ọnịrị Ihwinehasi vị ohirẹsụ irehi Ohomorihi.