Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ijosuwa 15:8 - IWE ỌNỊNỊ

8 ộ hụrị ịzọọ hịrẹ na ngụ inozi Iveni Ihinọmị ana ya eyi ụvẹtẹ ọvachi ẹkụra ọbanyị Anijebusi ana vị Ijerusarẹmị. Ẹtẹ ọnọọ ộ hụrẹ nọ ịrẹsụ ataba eyi ịzị ọyịị̄ ngụ ẹtẹ ịnị inozi Ihinọmị ana ya eyi ẹbẹẹba ẹtaha inozi Irehwayimi.

အခန်းကိုကြည့်ပါ။ ကော်ပီ




Ijosuwa 15:8
17 ပူးပေါင်းရင်းမြစ်များ  

Dị ọ vavọọ chi na ngụ ahẹtẹ ataba ana va eyi ka inozi Ihinọmị ẹtaha eyi ẹbẹẹba inozi Irehwayimi. Ẹtẹ ọnọọ ộ hụrị ịzọọ va chi zị oze inozi Ihinọmị, eyi ụvẹtẹ ụhwakọọrọ Ijebusi va ka eyi Enirogeri.


Ama Anijuda nịnị ẹ rẹ va nyẹngụ dụ Anijebusi nịnị; ọnị ọ mẹ̀ ka Anijebusi nịnị ẹ̀ ra beri Anijuda pooro tu ajịnị hi Ijerusarẹmị nị.


Ama ọnọrụ ọnọọ ọ yị kụkụ dọ ka ọnị ọ sụ ịzọọ, dị ọ kwẹẹtẹ dị ẹ va ngụ Ijebusi ana aā hị́ Ijerusarẹmị. Ọ sị ịkẹrịkẹtẹ ẹyịva ene kune ẹnya za ne beri onyeehi anị.


Ịzẹra, Ịharẹhwị, Ijebusi (Ijerusarẹmị), Igibeya, ọnịrị Ikiriyati-Ijeyarimi; Ẹkụra ẹbanyị-ẹbanyị ẹwụrẹna beri ẹkụra ana vọ ana kara wa. Ẹtẹ ọnọnị abara-abara ịrẹsụ Ịbẹnjamịnị dọ mẹ ogu ẹnịnị nị.


Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ.


Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.


Dị Ijeremaya varẹma hụrị Itohwẹtị ịzị ọ́ na kà ụtụ ọnị Ẹnẹyịmavara tụ ọnị nị. Ọ kà ọnị ộ na jẹẹ ịnị ohweje irehi Ẹnẹyịmavara, dị ọnị kà a yị aza ene hi ịzọọ ka,


Avọọ, ụmẹ aa vẹ ọnị ọza ẹ yị ma vana hị́ ịzị ẹnị Itohwẹtị à vị inozi Ihinọmị. Inozi ana a yaa wụ̀ ọza á vanaa hị́ ọ nị.


Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.


Ẹ vaa sị mẹẹ anka aarẹ ana a raà sẹ akụ anị, dị ọ tụ osusu anka aarẹ osusu ana raà tọ̀ ịzaha anị ene hi inozi Irehwayimi avọọ nị.


Ịnị ozi Ihinọmị ọ ya aa rị eturare ịra yị ori ẹnẹẹ nị. Ezi Anọrụ anị vị ọnị ọ hyakụ rị ịra ịnẹ ịsọvọ yị ori ẹnẹẹ. Ebira enyisi ọnị aza ọnị Ẹnẹyịmavara dụ kwooze yị Anisirẹrị nịnị aa saasa nị.


Ẹkụhị ọnya di Anihwirisiti nịnị rẹ vẹ, dị ẹ rẹ chaka hi ini ozi Irehwayimi nị.


Anihwirisiti mè tụ́ ịzọọ, dị ẹ̀ chaka hi ini ozi Irehwayimi nị.


Ịnị ọnọọ ọnyọọnya ezi Ijuda rẹ kụ́ ịrẹkụ ne tu Anijerusarẹmị dị rị ẹkụra ọnọọ nị. Dị ẹnịnị ệ sị ụ̀hwọ̀ wụ̀ aza ene hi ịzọọ ha, dị rị ẹkụra ẹnịnị ịra nị.


Idevidi ọnịrị avaba Anisirẹrị ệ kụ́ ịrẹkụ nọ Ijerusarẹmị. Ijebusi â hị́ ọ ịjọnọọ nị. Anijebusi nịnị ẹyị ra ịzọọ ụmẹ avọọ nị.


Izanowa, Adurami ẹnịrị ẹkụra eweyi-eweyi ẹnịnị, Irakisi ọnịrị aarẹ ene hi ịzọọ ọnịrị Azeeka beri ẹtẹ ana karaa. A vọ ẹnịnị mẹ ra hụụ hụrị Ịbẹẹsẹba na ngụ inozi Ihinọmị nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ