Ijosuwa 15:7 - IWE ỌNỊNỊ

⁷ Ẹhwị ẹtẹ ẹnịnị ộ hụrị ịzọọ na ngụ Idebiri hụrị inozi Enirogeri va hịrẹ ne tụ́ Igirigari ana va eyi ka oze ọbanyị Adumimi eyi ụvẹtẹ osuusu. Ẹtẹ ọnọọ ọ vavọọ hụrị ịzọọ na ngụ ịnị enyi Enisemesi, dị ọ jịnẹ tù ẹhẹ Enirogeri,

Ijosuwa 15:7 ပူးပေါင်းရင်းမြစ်များ

2 Ịsamụwẹrị 17:17

Ijonatani ọnịrị Ahimaazị ẹnị vi ene hi ịzị aā hị́ Enirogeri. Dị a ka à tụ́ ozi ahụ ọnya ana vị ọnẹẹ hi wa, dị ẹnị ẹ̀ na kà a yị Idevidi ana vị ohinọyị nị. Ijonatani ọnịrị Ahimaazị ẹ yị nyayịnẹ nọ ịnị ẹkụra ka e ve re ẹnị.

1 Ohinọyị 1:9

Di Adonija kụ́ atẹmẹ ọnịrị ụnọ ne beri ịsụpa ana a pá dị ẹ banyị, dị ọ kụ́ na mẹ̀ ịsọvọ ịnị ịrẹta Izohẹrẹtị ana yà ịnị aha enyi ịzị aā hị́ Ẹnị-Irogeri. Dị ọ hị́ avaba ezi ohinọyị ana vị ẹyịnyara anị nị ne beri avaba Anijuda ana vị, ezi ahụ ohinọyị.

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ijosuwa 10:43

Ịrẹma ịrẹkụ ẹnẹnị, dị Ijosuwa ọnịrị avaba Anisirẹrị nịnị vavẹ Igirigari ịzị e hi nị.

Ijosuwa 15:15

Ijosuwa ộ hụụ ịzọọ kụ́ ịrẹkụ ne tu aza ana ra hi ịzị aā hị́ Idebiri. Ẹkụra ọnọọ aā vịdịị hị́ Ikiriyati Isehwa nị.

Ijosuwa 15:6

dị ọ vavọọ hụụ ịzọọ na ngụ Ịbẹtị Ihogira, ne tu eyi ẹbẹẹba Ịbẹtị Araba na ngụ ịrẹta Ibohani ana vị ozi Irubẹnị.

Ijosuwa 18:17

Ộ hụrị ịzọọ vẹ eyi ẹbẹẹba na ngụ Enisemesi ne tu Igeriroti ana va eyi ka oze Adumimi. Ẹtẹ ọnọọ ộ vavọọ chi na ngụ ịrẹta Ibohani, (Ibohani vị ozi Irubẹnị)

Ijosuwa 4:19

Ẹkụhị ọnị Ezi Anisirẹrị maanị sị jịnẹ irehu Ijodani vị ẹkụhị ẹẹwụ ịnị ụhwẹ ịpaapa ịrayị ẹnịnị. Ụhwẹ ọnọọ aa sị tamayị ụmẹ ọnị ẹ sị jịnẹ hụrẹ Ijipiti nị. Ẹ mẹ jịnẹ Ijodani, dị ẹ kụ́ udi tụ́ Igirigari, eyi ịzị ọyị zị vẹ Ijeriko.

Ijosuwa 7:24

Ijosuwa ọnịrị Anisirẹrị ana vọ za Eekani ozi Ịzẹra, dị ẹ kụ́ isiriva, achị, ọchị igooru beri ezi Eekani anọrụ ọnịrị anẹẹ, imaaru, ịkẹrịkẹtẹ, atẹmẹ ọnịrị ajẹngụ beri avaba ịsa ana vị anị na tụ́ inozi Akọ.

Ijosuwa 7:26

Dị e gu ịrẹta ẹnẹ ẹ sị wụ̀ wa ku wa ịrẹsụ, dị ọ nẹba ẹtẹẹtẹrẹ nị ịrẹta ẹnẹẹ hi hi ịzọọ booro ve tu ajịnị. Agụvị avọọ aa hị́ ịzọọ inozi akanya.