Ijosuwa 15:1 - IWE ỌNỊNỊ

¹ Ẹtẹ ana a ga tu Ijuda, abara-abara vị ana na ngụ ụvẹtẹ ẹtẹ Edomi huu ne tù ụnọmị Izini eyi ụvẹtẹ kere-kere.

Ijosuwa 15:1 ပူးပေါင်းရင်းမြစ်များ

Oyinyima 35:23

Ezi ọnị Ijekọvụ ma vị ẹwụrẹva Ezi Iriya ẹ vị: Irubẹnị (ozi Ijekọvụ ana vị ọzọkụ), Isimiyọnị, Ireevi, Ijuda, Iisaka ọnịrị Izeburuni.

1 Ohinọyị 8:65

Ụmẹ ọnọọ vị ụmẹ oni Isoromọnị sị rị eche. Dị avaba Anisirẹrị wara gụ pè e tatarata nị. Ẹnịnị ệ wara hụrẹ Irabohamati huu na ngụ ini okuha Ijipiti va gụ ọvịdị Ẹnẹyịmavara Ohomorihi ayị. Ẹnịnị ệ vavọọ hi ịzọọ mẹ ẹkụhị ịhịmba. Ịrẹma ẹkụhị ịhịmba ọnọọ, dị ẹ rẹ mẹ ẹkụhị ịhịmba ọsa nị. Avaba ẹkụhị ẹnị ẹ mẹ ịzọọ vị ẹkụhị ẹwụrẹna.

Ezikẹẹrị 47:19

Eyi ụvẹtẹ vị ọnị ẹtẹ awụ nịnị vaa kwẹẹtẹ ẹ hụrị Ịtama na ngụ ịnị enyi ene hi ịzị aā hị́ Imeribati-Ikadesi; dị ọ vavọọ vatụra ẹhwị ẹtẹ Ijipiti na ngụ ịnị Òkū Imeditareniya.

Ezikẹẹrị 48:7

di o ve tu Ezi Ijuda nịnị nị. Ẹtẹ avaba ẹnịnị vị ana hụrẹ eyi ọnị ọyịị̄ zị vẹ na ngụ eyi ọnị ọọ̄ zị naa ngụ ẹtẹ.

Ịrịka 20:16

Ịjị ụya sị hụ ẹnị, dị ẹnị nowu na za Ẹnẹyịmavara, dị ọ wụ́ orere ẹnịnị, dị ọ tụ́ anggẹẹrị anị ana kụ ẹnị jịnẹ hụrị ẹtẹ Ijipiti nị. Booro aanị ẹnị ya ịzị aa hị́ Ikadesi ẹhụ ẹgẹ ẹtẹ ẹnịnị.

Ịmaakị 3:8

Aza ẹ rẹ hụrẹ Ijerusarẹmị ọnịrị Idumiya vẹ, ẹ rẹ hụrẹ akẹnẹ Okuha Ịjọdanị vẹ, dị ẹ rẹ hụrẹ ọgụrị ẹkụra Ịtaya ọnịrị Ịsịdọnị vẹ bẹẹ nị. Avaba aza ẹnẹnị ệ ká Ijeesu vẹ, agụvị ka ệ vịdị wụ́ ịsa ọnọọ mẹ.

Iwe Ọhụhị Imosiisi ana aa hị́ Ọyịvatụrọda 32:51

Ẹnẹyịmavara kà ọnị ọ vavọọ mẹ̀ wa agụvị ka ẹ jị ọnị ịrẹka aha enyi Imeribaana gụrị Ịkẹdẹsị ịnị ụnọmị Izini. Ẹnịnị ẹ yị sị ụbanyị yị ọnị eyi aza.

Ijosuwa 14:2

Ẹtẹ ọnọọ vị ana a ga yị ẹnị ịrẹsụ ịhịịna rị ẹjịjị ana vọ anka Imosiisi mẹ vịdị ka tịtẹ.

Ijosuwa 15:2

Ẹhwị ẹtẹ ẹnịnị vi ene nyima hụrị ụtọ enyi ana ya eyi ụvẹtẹ irehu Anọ,

Ijosuwa 18:5

Ẹ ga ẹtẹ ọnọnị hi oze ịhịmba. Ijuda vaa ya ịzị ọ ya eyi ụvẹtẹ, dị anovwoovu Ijosẹẹhụ ẹ ya eyi ẹbẹẹba.