Ijosuwa 13:6 - IWE ỌNỊNỊ

⁶ Ẹnẹyịmavara kà a ọnị vaa dụ avaba Anisidoni ene hi ịnị ẹkụra ana ya ịrẹsụ ataba ịnị akakana Ịrẹbanọnị na ngụ Imisehwoti Imayimi eyi Anisirẹrị nịnị. Ọ kà Ijosuwa o re ka ọnị ọ ga ẹtẹ ọnọọ yị Anisirẹrị nịnị anka ọnị mẹ ka yọ.

Ijosuwa 13:6 ပူးပေါင်းရင်းမြစ်များ

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ịrịka 33:54

Ẹnẹyịmavara kà Imosiisi vaa ga ẹtẹ ọnọọ ịrẹsụ-ịrẹsụ ọnịrị a mẹmẹ rụrụ huu ẹngụ nị.

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ijosuwa 11:12

Avaba ẹkụra ẹbanyị-ẹbanyị ẹnịnị ẹnịrị ohinọyị ẹnịnị vị ọnị Ijosuwa vú ẹtẹ anka Imosiisi ọnụtụ Ẹnẹyịmavara mẹ vịdị ka tịtẹ. Ẹ yị nyị ịsa ana vọ ọnị Ijosuwa ẹ yị mẹ.

Ijosuwa 11:8

Ịzẹyịza, dị Ẹnẹyịmavara za isoja ẹnẹẹ chire Anisirẹrị ụvọ, Ẹnịnị e huuna wa, dị ẹ dụ wa na ngụ oze Ịsịdọnị ọbanyị ọnịrị oze Imisirehwoti-Imayimi, huu na ngụ inozi Imizipe; va nyị ọza ana ha ịnị ẹnịnị vụrụ-vụrụ.

Ijosuwa 13:7

Ọ ga ẹtẹ ọnọọ yị ẹnị ịrẹsụ ịhịịna beri achẹva ịrẹsụ Ịmanasẹ dị ọ vị ẹnịnị booro aanị.

Ijosuwa 23:13

Yẹ ka Ẹnẹyịmavara, Ohomorihi awụ nịnị ẹ yị kụkụ vaa dụ wa jịnẹ hụụnị ẹkụra ẹnịnị yị wụ nịnị ụ maa ngụ tù wa aanị. Asị ka ọnọọ, ẹnịnị vee divi yị wụ nịnị anka ịrẹpa a vị ẹtẹ ana a chị zi ọza avọọ nị. Ịsa ọnị ẹ vaa mẹ wụ nịnị vaa zị wụ anka èe rere tu ọza ịjapa, a vị igegenechi òo ka ngụ ọza eyi avọọ nị.

Ijosuwa 23:4

Dị ọnị raà ga ẹtẹ anẹkụra ene wusu ọnịrị ana yara yị ịrẹsụ-ịrẹsụ Anisirẹrị nịnị hụrị Okuha Ịjọdanị na ngụ Òkū Imeditareniya.

Ijosuwa 23:5

Ẹnẹyịmavara Ohomorihi awụ vaa dụ wa jịnẹ hụrẹ oze awụ nịnị. Ọ vaa tụ́ wa ụvọ jịnẹ eyi awụ nịnị, dị ụ dọ ẹtẹ ẹnịnị anka Ẹnẹyịmavara Ohomorihi awụ nịnị mẹ wo oto anị yị wụ nịnị.