Ijosuwa 12:7 - IWE ỌNỊNỊ

⁷ Ọ vavẹ ịrẹma ọnọọ Ijosuwa ọnịrị Anisirẹrị nịnị rẹ nyị ẹbẹẹba aza ana ra eyi ịzị ọyị zị ngụ ẹtẹ akẹnẹ ọsa irehu Ijodani nị. Ẹtẹ ọnị ẹ dọ ọ hụrẹ Ịbaarị-Igadi ana ya ịnị inozi Ịrẹbanọnị na ngụ ataba Iharaki ana va eyi ka Ịsẹyị. Dị Ijosuwa ga a ịrẹsụ-ịrẹsụ yị Anisirẹrị nịnị nị.

Ijosuwa 12:7 ပူးပေါင်းရင်းမြစ်များ

Ijosuwa 11:17

Hụrị ịnị ataba Iharaki na ngụ Ịsẹyị huu ne tu Ịbaarị-Igadi inozi Ịrẹbanọnị ụvẹtẹ ataba Ihamọnị. Ijosuwa ộ za ohinọyị ẹnịnị dị ọ wụ̀ wa ha nị.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

Ijosuwa 3:17

Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.

Iwe Ọhụhị Imosiisi ana aa hị́ Ọyịvatụrọda 2:4

Dị ọ ka, Imosiisi ọ̀ ka yị wa ka è vee che Ịsẹyị ẹtẹ Anedomi ana vị anda ẹnịnị parahu. Aza ene hi ịzọọ vee hí angwa, ama asị ẹ va ẹngụ ha.

Iwe Ọhụhị Imosiisi ana aa hị́ Ọyịvatụrọda 2:1

Imosiisi ka, ịjị Anisirẹrị vavọọ raa vara eyi aa ngụ ụnọmị, dị ẹ vatụra oze ana na ngụ oku ịkẹ-ịkẹ anka Ẹnẹyịmavara mẹ mẹ̀ ọda yị wa nị. Dị ẹ kú ịzọọ ẹtẹẹtẹrẹ, ẹ maa va chị va hịrẹ ịrẹsụ ataba Ịsẹyị nị.

Oyinyima 36:30

Idisoni, Ezeri ọnịrị Idisani. Ịrẹsụ ene hi Ihori ẹ vị ẹnẹẹ nị. Ẹnị ẹnẹẹ e hi ịnị ẹtẹ Ịsẹyị nị.

Oyinyima 36:20

Aza ana vịdị ra hi ịnị ẹtẹ Ịsẹyị ẹnị ẹ rẹ nyị ịrẹsụ ẹnịnị nị. Ohiku ẹnịnị ọ vị Ịsẹyị ana vị Anihori nị. Aza ẹnẹẹ ẹ vị Irotani, Isobari, Izibeyọnị, Aana

Oyinyima 36:8

Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

Oyinyima 32:3

Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi.

Oyinyima 14:6

Ẹ rẹ rị Anihori ịnị ataba ịda ẹnịnị ana aā hị́ Ataba Ịsẹyị huu na ngụ Eriparani ana na gụrị ịnị ụnọmị.

Ahẹ Ụgama 135:11

Ẹnyị ini ohinọyị ẹnẹẹ ẹ vị Isihoni ohinọyị Anamọrị ọnịrị Oogi ohinọyị Anịbasanị ne beri avaba ohinọyị Anikenaani.