Ijosuwa 11:8 - IWE ỌNỊNỊ

⁸ Ịzẹyịza, dị Ẹnẹyịmavara za isoja ẹnẹẹ chire Anisirẹrị ụvọ, Ẹnịnị e huuna wa, dị ẹ dụ wa na ngụ oze Ịsịdọnị ọbanyị ọnịrị oze Imisirehwoti-Imayimi, huu na ngụ inozi Imizipe; va nyị ọza ana ha ịnị ẹnịnị vụrụ-vụrụ.

Ijosuwa 11:8 ပူးပေါင်းရင်းမြစ်များ

Oyinyima 10:15

Ezi ọnị Ikanaani ma yị. Ozi ọzọkụ anị ọ̀ vị Ịsịdọnị nị. Ana vọ ẹ vị Iheti,

Oyinyima 49:13

Izeburuni, ẹwụ vị ana vaa ra ụtọ okù. Ịnị ụtọ okù ọnị ụ ra ẹpa nịnị vaa jẹẹ nị. Ẹhwị ẹtẹ awụ vee tù Ịsịdọnị.

2 Ịsamụwẹrị 24:6

Ẹ mẹ̀ hụụ ịzọọ, dị ẹ na ngụ Anigiriyadi ọnịrị Ikadesi ịnị ẹtẹ Anihiti-Ihadasayi nị. Ẹ rẹ na ngụ Ịdaanị-Ijaani ọnịrị ẹkara-ẹkara Ịsịdọnị.

Ayịsaya 23:4

Ẹwụ nịnị Anisidoni, ụhị ọ sị wụ nịnị nyị, ẹwụ ana vị ẹkụra ịrẹsụ enyi ana vịdị vị ohirẹsụ avaba ẹkụra. Enyi ọ sị ọ kà ka ọnị ọ yị hyakụ barẹẹ da dị ọ̀ va ma ozi. Ọ kà ọnị ộ yị pa ozi da.

Ịzakaraya 9:2

Ọ kà Ihamati ana gụrị Ihadiraki rẹ vị anị. Avọọ ẹkụra Ịtaya ọnịrị Ịsịdọnị beri eyohweyi anị.

Iwe Ọhụhị Imosiisi ana aa hị́ Ọyịvatụrọda 7:2

Ịjị Ẹnẹyịmavara Ohomorihi ẹnịnị ọ̀ọ sị anẹkụra ẹnẹẹ yị wa, dị ẹ nyị ẹbẹẹba ẹnịnị, ẹ wụ̀ avaba ẹnịnị ha bemi-bemi. Asị a nyị ọza ọnị ẹ vayị anị, dị asị a nyị oto ọnị ẹnịrị wa mẹ̀ yị ẹngụ.

Iwe Ọhụhị Imosiisi ana aa hị́ Ọyịvatụrọda 9:3

Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ.

Ijosuwa 10:20

Ijosuwa ọnịrị aza anị vana nyayịnẹ wụ̀ wa ẹnẹmẹhị, dị ahịka aza che ẹnịnị ẹ javọ ịrẹsụ-ịrẹsụ na ngụ ẹkụra ẹnịnị nị.

Ijosuwa 11:3

Ọ hị́ Anikenaani eyi ẹnyị ọsa, Anamọrị, Anihiti, Aniperizi Anijebusi ịrẹsụ ataba, ọnịrị Anihivi akẹtẹ Ihamọnị ịnị ẹtẹ Imizipa.

Ijosuwa 11:7

Dị Ijosuwa ọnịrị isoja anị na sụ wa avavoo ịzị e hi ọgụrị enyi Imeromi nị.

Ijosuwa 13:6

Ẹnẹyịmavara kà a ọnị vaa dụ avaba Anisidoni ene hi ịnị ẹkụra ana ya ịrẹsụ ataba ịnị akakana Ịrẹbanọnị na ngụ Imisehwoti Imayimi eyi Anisirẹrị nịnị. Ọ kà Ijosuwa o re ka ọnị ọ ga ẹtẹ ọnọọ yị Anisirẹrị nịnị anka ọnị mẹ ka yọ.

Ijosuwa 19:28

Ẹhwị ẹtẹ ẹnịnị ô tu Ebironi, Ịrẹhọbị, Ihamọnị, Ikana, huuu na ngụ Ịsịdọnị ana nyị ụbanyị.

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.