Ijosuwa 11:16 - IWE ỌNỊNỊ

¹⁶ Avọọ Ijosuwa mẹ dọ avaba ẹkụra ene hi ịrẹsụ ataba ọnịrị avaba Ịnẹgẹvị beri Igoseni ọnịrị inozi beri Araba huu na ngụ ịnị ataba ọnịrị inozi ẹtẹ Isirẹrị nị.

Ijosuwa 11:16 ပူးပေါင်းရင်းမြစ်များ

Ahẹ Ụgama 105:44

Ohomorihi ộ sị ẹtẹ anẹkụra ọsa yị wa, dị ahịka ẹnị ẹ vana kụ́ ogu ana aza ẹnẹsa re osiye anị nị.

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Ezikẹẹrị 17:23

Ọ kà ọnị vaa hị́ ọ tụ ịrẹsụ ataba ana nẹba hu kere-kere ẹtẹ Isirẹrị. Ọ vaa ha avọ, dị ọ tụ ẹtụtụ, dị ọ vara ọchị Isida ọyịza-ọyịza inomi irenyi-irenyi vaa mẹ ịrẹngwẹ tụ ọ, dị ẹ sị ịzọọ mẹ irehi.

Ezikẹẹrị 36:8

Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị.

Iwe Ọhụhị Imosiisi ana aa hị́ Ọyịvatụrọda 1:7

Dị ọ ka ẹnịnị ẹ kara ajẹngụ ẹnịnị, dị ẹẹ nọ ẹkụra Anamọrị ene hi ịrẹsụ ataba. Ẹ ngụ ẹkụra ene hi inozi, ọnịrị ịrẹsụ ataba ne beri iruvo ataba ne tu Ịnẹgẹvị ọnịrị avaba ẹkụra eni hi utenyi ana vị ẹtẹ Anikenaani. E avọọ va hịrẹ na ngụ Ịrẹbanọnị dị ẹ̀ hi ịzọọ na ngụ irehu Iyuhwuretisi.

Ijosuwa 10:40

Avọọ Ijosuwa mẹ vu avaba ẹkụra ene hi ịrẹsụ ataba va chi va ngụ Ịnẹgẹvị ọnịrị ẹkụra ene hi inozi. Ẹ yị nyị ọza ana ha anka Ẹnẹyịmavara mẹ mẹ ọda anị yị wa.

Ijosuwa 10:41

Ijosuwa vị ana wụ̀ wa hụrị Ịkẹdẹsị Ibaneya na ngụ Igaza ọnịrị avaba ẹkụra Igoseni na ngụ Igibiyọnị.

Ijosuwa 11:15

Ẹnẹyịmavara mẹ mẹ̀ ọda yị Imosiisi, avọọ ọnị mẹ rẹ mẹ̀ yị Ijosuwa, dị Ijosuwa vavọọ saasa a nị. Avaba ọda Ẹnẹyịmavara vị ọnị ọ sị ahụ ku.

Ijosuwa 11:2

Avọọ ọ mẹ rẹ hị́ avaba ohinọyị nịnị ana hi ịrẹsụ ataba eyi ẹbẹẹba nị. Ọ hị́ ohinọyị Anaraba eyi ụvẹtẹ Ichinereti, ohinọyị uruvo ataba eyi ịzị ọyịị̄ ngụ ẹtẹ ọnịrị ohinọyị Inahwoti Ịdọọ.

Ijosuwa 11:21

Ịnị ụmẹ ọnọọ Ijosuwa ộ na ne vu ajịmasị anọrụ ana aā hị́ Anakimi ana ra ịnị ẹkụra ene hi ịrẹsụ ataba anka Ihebirọnị, Idebiri, Anabi beri avaba ẹkụra ana vọ ịnị ẹtẹ Ijuda ọnịrị Isirẹrị. Ijosuwa vị ana wụ̀ avaba ẹnịnị bemi-bemi ẹnịrị ẹkụra ẹnịnị,

Ijosuwa 12:8

Ẹtẹ ọnọọ ọ za ịrẹsụ avaba ataba iruvo ataba ẹnẹẹ inozi ẹnịnị, okahi, ịnị ụnọmị ọnịrị ụvẹtẹ (Ịnẹgẹvị) Ijosuwa ọnịrị Anisirẹrị vị ana dọ ẹtẹ Anihiti, Anamọrị, Anikenaani, Ịpẹrẹzị, Ihivi ọnịrị Ijebusi. Aza ẹnịnị e vị ohinọyị ẹkụra irenyi-irenyi ene hi ịnị ẹtẹ Isirẹrị nị.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.