Ijosuwa 11:12 - IWE ỌNỊNỊ

¹² Avaba ẹkụra ẹbanyị-ẹbanyị ẹnịnị ẹnịrị ohinọyị ẹnịnị vị ọnị Ijosuwa vú ẹtẹ anka Imosiisi ọnụtụ Ẹnẹyịmavara mẹ vịdị ka tịtẹ. Ẹ yị nyị ịsa ana vọ ọnị Ijosuwa ẹ yị mẹ.

Ijosuwa 11:12 ပူးပေါင်းရင်းမြစ်များ

Iwe Ọhụhị Imosiisi ana aa hị́ Ọyịvatụrọda 7:2

Ịjị Ẹnẹyịmavara Ohomorihi ẹnịnị ọ̀ọ sị anẹkụra ẹnẹẹ yị wa, dị ẹ nyị ẹbẹẹba ẹnịnị, ẹ wụ̀ avaba ẹnịnị ha bemi-bemi. Asị a nyị ọza ọnị ẹ vayị anị, dị asị a nyị oto ọnị ẹnịrị wa mẹ̀ yị ẹngụ.

Iwe Ọhụhị Imosiisi ana aa hị́ Ọyịvatụrọda 9:3

Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ.

Ijosuwa 10:20

Ijosuwa ọnịrị aza anị vana nyayịnẹ wụ̀ wa ẹnẹmẹhị, dị ahịka aza che ẹnịnị ẹ javọ ịrẹsụ-ịrẹsụ na ngụ ẹkụra ẹnịnị nị.

Ijosuwa 10:28

Ịhị ọnọọ ọnyọọnya, Ijosuwa vu ẹkụra ọbanyị ana a hị́ Imakeda ẹtẹ, dị ẹ yị nyị ọza ana ha ịzọọ anka ọ mẹ Ijeriko avọọ nị.

Ijosuwa 10:30

Ẹnẹyịmavara sị ẹkụra ọnọọ chi wa ụvọ, dị ẹ wụ̀ avaba aza ọnịrị isoja ẹnịnị ha nị. Ijosuwa ọnị ụvọta wụ ohinọyị Iribina anka ọ mẹ wụ ohinọyị Ijeriko avọọ nị.

Ijosuwa 10:32

Eyinẹhẹ ọnị ẹ ngụ ịzọọ, Ẹnẹyịmavara za wa chire Anisirẹrị ụvọ, di e vu wa ẹtẹ saka-saka anka Iribina nị.

Ijosuwa 10:35

Ẹkụhị ọnya ẹ sị rị wa, dị ẹ wụ̀ avaba aza ene hi ịzọọ ha anka ịsị ẹ mẹ Irakisi avọọ nị.

Ijosuwa 10:37

Dị ẹ sị ụ̀hwọ̀ wụ̀ ohinọyị ẹkụra ọnọọ ọnịrị avaba aza anị saka-saka, dị ọza ikonya ẹ yị ha anka Egirọnị avọọ nị.

Ijosuwa 11:13

Anisirẹrị nịnị ẹ yị rị ẹkụra ana sị ụvụ da jẹẹ ịra, ẹ vị Ịhazọ kẹnẹ ọnị Ijosuwa rị ịra.

Ijosuwa 11:15

Ẹnẹyịmavara mẹ mẹ̀ ọda yị Imosiisi, avọọ ọnị mẹ rẹ mẹ̀ yị Ijosuwa, dị Ijosuwa vavọọ saasa a nị. Avaba ọda Ẹnẹyịmavara vị ọnị ọ sị ahụ ku.

Ijosuwa 13:6

Ẹnẹyịmavara kà a ọnị vaa dụ avaba Anisidoni ene hi ịnị ẹkụra ana ya ịrẹsụ ataba ịnị akakana Ịrẹbanọnị na ngụ Imisehwoti Imayimi eyi Anisirẹrị nịnị. Ọ kà Ijosuwa o re ka ọnị ọ ga ẹtẹ ọnọọ yị Anisirẹrị nịnị anka ọnị mẹ ka yọ.

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Ijosuwa 8:31

Ô mẹ̀ anka Imosiisi ọnụtụ Ẹnẹyịmavara mẹ vịdị chẹrẹ ẹ tịtẹ ịnị iwe ọda, Ẹnẹyịmavara kà ọ kụ ịrẹta ọnị ọza ẹ yị ha hi ụta anị. Dị ẹ mẹ̀ ịsọvọ ọyị rịra ọnịrị ịsọvọ ẹngwọọrọ ịrẹsụ ụta ọnọọ.

Ijosuwa 8:8

Dị Ijosuwa mẹ ọda yị ẹnịnị ka ẹ sị ịra rị ẹkụra ọnọọ saka-saka ịjị ẹ sị ọ dọ ọ. Ẹnịnị saasa ịsa ọnị Ẹnẹyịmavara kà yị ẹnị.

Ijosuwa 9:24

Dị ẹ tụ Ijosuwa ohi ka agụvị ka â kà a yị ezi ahụ anị ka Ẹnẹyịmavara Ohomorihi anị ộ raà mẹ ọda yị Imosiisi ka ọ sị avaba ẹtẹ, dị ọ wụ̀ avaba aza ana ra ịnị ẹtẹ ọnọọ. Agụvị angwahi ụhwẹ ẹnịnị, ẹ vavọọ mẹ̀ ẹ nị.