Ijosuwa 10:8 - IWE ỌNỊNỊ

⁸ Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

Ijosuwa 10:8 ပူးပေါင်းရင်းမြစ်များ

1 Ohinọyị 20:13

Kẹnẹ dị ọnịsẹ ọnya vana kà pe Ahabị ohinọyị Anisirẹrị dị ọ ka, “Ẹnẹyịmavara kà ma kà a wụ ka wẹ́ẹ́ re otomiroku ẹnẹnị? Ọ kà wa yẹ ka ọnị ọ raà kụ́ wa chire wụ ụvọ ajịnị. Ọ kà ẹwụ vaa yẹ ka ọnị ọ vị Ẹnẹyịmavara nị.”

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Iwe Ọhụhị Imosiisi ana aa hị́ Ọyịvatụrọda 3:2

Ama dị Ẹnẹyịmavara kà yị Imosiisi ka asị ẹnịnị hí angwa anị, ka ọnị aa sị ọnịrị aza anị ne beri ẹtẹ anị yị ẹnịnị nị. Dị ọ kà ẹnị ẹ mẹ̀ wa ịsị ẹnị mẹ̀ Isihoni ohinọyị Anamọrị ana ya Ịhẹsịbọnị.

Iwe Ọhụhị Imosiisi ana aa hị́ Ọyịvatụrọda 7:24

Ọ rẹ vaa sị ohinọyị ẹnịnị chere wụ ụvọ, dị ụ wụ̀ wa, dị ayị ẹnịnị hi ịnị ẹhẹ.

Ijosuwa 10:25

Dị Ijosuwa kà yị wa ka asị e hí angwa, asị o hi wa eyi. Eyayị ẹnịnị ẹ vị, dị ẹ nyị ọtụtụrụma, ka avọọ Ẹnẹyịmavara mẹ vaa mẹ ọnịvị ẹnịnị ene beri wa kụ ịrẹkụ nị.

Ijosuwa 10:9

Dị Ijosuwa ọnịrị isoja anị nịnị sị ịrahụ hụrẹ Igirigari na ngụ Igibiyọnị ịzị ẹ hụrẹ na sụ Anamọrị avaavo.

Ijosuwa 11:6

Dị Ẹnẹyịmavara kà asị Ijosuwa hí angwa ẹnịnị agụvị ka ọnị a za wa chire Anisirẹrị ịnị ụvọ eyinẹhẹ anị, Anisirẹrị ẹ wụ̀ wa ha, dị ẹ tụ umaata ẹnịnị ọkụmị, dị ẹ rị ịkẹkẹ ịrẹkụ ẹnịnị ịra vaa ha.

Ijosuwa 8:1

Ẹnẹyịmavara ộ hị́ Ijosuwa, dị ọ̀ ka asị o hí angwa ọ kụ́ avaba isoja Anisirẹrị nọ ịrẹkụ Eyayị, ộ kà ọnị vaa za ohinọyị Eyayị ọnịrị aza anị chire wa ụvọ. Avọọ ọnị mẹ rẹ vaa dọ ẹtẹ ẹnịnị yị wa nị.

Ọdọvịdị 6:16

Dị Ẹnẹyịmavara kà a yị Igidiyọnị ka ọ zụ mẹ̀ ẹ agụvị ka ọnị vaa gụ ọ ụvọ. O vee huna Animidiya nịnị anka ọza rere ee tu ọza ịnya avọọ nị.

Ọdọvịdị 7:9

Ịrahụ ịhị ọnọọ, Ẹnẹyịmavara kà yị Igidiyọnị ka ọ̀ kwẹẹtẹ, ọ kụ́ ịrẹkụ ne tu wa ka ọnị aa sị wa chire e ụvọ.

1 Ịsamụwẹrị 17:47

Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”