Ijosuwa 10:4 - IWE ỌNỊNỊ

⁴ Adonizedeki ọ́ hị́ wa ka e beri ọnị wụ́ Anigibiyọnị ha agụvị ka ẹnịnị ẹ ra va ụvọ beri Ijosuwa ọnịrị Anisirẹrị.

Ijosuwa 10:4 ပူးပေါင်းရင်းမြစ်များ

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Ịjọọnụ 15:19

Àa vị áanẹhẹ ụ vị nịnị nị, anẹhẹ yaanị sì wu nịnị anka aza anị. Ama ẹwụ ẹ yị vị áanẹhẹ; ẹma sị ẹwụ nịnị nyị hụụnị ẹhẹ; agụvị avọọ ánẹhẹ aa nyị ịhyẹrẹ awụ nịnị nị.

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

2 Itimoti 3:12

Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa.

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

Ijosuwa 10:1

 nyị ọnọrụ ọnya aanị ọnị ịrẹha anị rị Adonizedeki. Ọnị ọ vị ohinọyị Ijerusarẹmị ịnị ụmẹ ọnọọ nị. Ộ wụ́ ọ ka Ijosuwa ọ ra rị Eyayị, dị ọ du ẹkụra ọnọọ ha nị. Dị ọ wụ́ ohinọyị ana ya ịzọọ anka ọ mẹ rẹ mẹ Ijeriko nị. Ama dị ọ Anisirẹrị ẹnịrị Anigibiyọnị dọ yị ẹngụ ka ẹnị ra vabẹ ịnị ẹngwọọrọ nị.

Ijosuwa 10:5

Dị ohinọyị ẹyịịhị ẹnẹẹ kụ isoja ẹnịnị vabẹ dị ẹ nọ ịrẹkụ Anigibiyọnị nịnị nị.

Ijosuwa 9:15

Dị Ijosuwa hị́ eku beri Anigibiyọnị ka ẹnị vaa beri wa za ọta dị ẹnị navọ wa ka ẹ ra. Ọdọvịdị Anisirẹrị wo oto ka ẹnị vaa sị́ ụvọ za eku ọnị ẹnịrị wa hị́ yị ẹngụ nị.

1Ipita 4:4

Ama booro aanị we yi kuku pe wa mẹ̀ ịsa edivi-edivi ẹnẹẹ nịnị. O si hí wa irenu, agụvị avọọ, dị ẹyaa kụ̀ wụ nịnị ụhụ nị.

Ẹtore 16:14

Ẹnị ẹ vị ụhwẹ echu ana aa mẹ̀ ụkọrọ ohyozirenu nị. Dị ụhwẹ echu ẹẹta ẹnẹẹ nọ ịda avaba ohinọyị anẹhẹ nịnị nị. Di eyee sì ka ẹnị ẹ̀ kụ́ wa gụ tịtẹ zí ịrẹkụ ana aa vẹ ịnị ẹkụhị ọbanyị Ohomorihi Ochẹtẹngụ nị.