Ijosuwa 10:2 - IWE ỌNỊNỊ

² Ịjị Adonizedeki ọnịrị aza maanị wụ́ kẹnẹ, dị angwa ngụ wa ẹngụ agụvị ka Igibiyọnị vị ẹkụra ọdẹngụ. Ọnị ọ banyị hụụnị Eyayị ọnịrị ẹkụra ana vọ ana nyị ohinọyị nị. Anigibiyọnị nịnị vị ọkụrẹkụ ọkụmị-ọkụmị.

Ijosuwa 10:2 ပူးပေါင်းရင်းမြစ်များ

2 Ịsamụwẹrị 12:26

Ịnị ụmẹ ọnọọ, Ijowabi ọnịrị isoja Anisirẹrị nịnị ẹ raà rị Ịraba ana vi ohyẹtẹ ẹkụra Anamọnị nịnị ịzị ohinọyị ẹnịnị ra.

Ụhịrẹyị 10:24

Ịsa ọnị ọza odivi e hí angwa anị oo tụ́ ọ nị, ama Ẹnẹyịmavara vị ana a mẹ̀ ịsa ọnị ọnịzẹyịza e si.

Iwe Ọhụhị Imosiisi ana aa hị́ Ọyịvatụrọda 11:25

Ẹ yị nyị aza ana vaa zụ va eyi ịrazị ka wa. Ẹnẹyịmavara Ohomorihi vaa mẹ ka avaba aza ee hí angwa ẹnịnị anka ọ mẹ raà wo oto anị yị wa.

Iwe Ọhụhị Imosiisi ana aa hị́ Ọyịvatụrọda 2:25

Ẹnẹyịmavara kà ọnị vaa mẹ ka avaba aza ee hí angwa ẹnịnị. Ọza tụra ọza anaa wụ ịrẹha ẹnịnị kẹnẹ, dị ivóvó anị aa za a.

Iwe Ọhụhị Imosiisi ana aa hị́ Ọyịvatụrọda 28:10

Avaba anẹhẹ vee re e ka, Ẹnẹyịmavara ọ nyị wụ nịnị ka wa vị aza anị nịnị nị. Ẹnịnị vee hí angwa awụ nịnị.

Anihiburu 10:27

Ọza ana àa vavọọ aa mẹ, ò hí angwa, agụvị ka Ohomorihi vaa mẹ̀ ọkarẹyị yọ. Ịra gogogo vaa rị aza ana vị ọnịvị Ohomorihi ịra.

Anihiburu 10:31

Ọza ọ̀ọ hyẹdụ ne ngụ ịnị ụvọ Ohomorihi ana yára, ọza ọnọọ ọ sị dà.

Ijosuwa 2:24

Dị Ijosuwa ka ịzẹyịza, Ẹnẹyịmavara ọ raa sị ẹtẹ ọnọọ yị ẹnị nị. Agụvị avọọ angwa ẹnịnị e hi aza ẹnẹ ya ịzọọ nị.

Ijosuwa 9:24

Dị ẹ tụ Ijosuwa ohi ka agụvị ka â kà a yị ezi ahụ anị ka Ẹnẹyịmavara Ohomorihi anị ộ raà mẹ ọda yị Imosiisi ka ọ sị avaba ẹtẹ, dị ọ wụ̀ avaba aza ana ra ịnị ẹtẹ ọnọọ. Agụvị angwahi ụhwẹ ẹnịnị, ẹ vavọọ mẹ̀ ẹ nị.

Ijosuwa 9:3

Ịjị Anigibiyọnị wụ́ ịsa ọnị Ijosuwa mẹ̀ Anijeriko ọnịrị Aneyayị nịnị,

1 Ịsamụwẹrị 27:5

Di Idevidi va hị́ Akisi dị ọ ka, “Aarịhịnị, wèe nyị mi iyi, wụ navọ wa dà aha ọnyaa mị ịnị ẹkụra ene hi ịnị aarẹ avọọ dị ma ra ịzọọ. Taarụ, mẹ yị hụ ọ ẹnị ẹmịrị ẹwụ sịị ra aha ọnya ini ubooro ịzị ẹwụ ohinọyị yà.”