Ijosuwa 10:10 - IWE ỌNỊNỊ

¹⁰ Dị Ẹnẹyịmavara sị angwahi va wa zịị, dị Anisirẹrị wụ̀ wa va ha ẹtẹẹtẹrẹ nị. Dị ẹ dụ wa va tụra oze na ngụ Ịbẹtị-Ihoroni, dị ẹ wụ̀ wa oze Azeeka ọnịrị Imakeda.

Ijosuwa 10:10 ပူးပေါင်းရင်းမြစ်များ

2 Ịsamụwẹrị 22:15

Ó mè ne ọpa ọ kụ́ ọnịvị anị gara, ịnyanya mẹ̀ rị dị ẹ và tụ́ echi nị.

1 Ohinọyị 9:17

Ịjị ọ vavọọ raà sị yị ozi anị, di Isoromọnị tenyi ẹkụra Ịgẹzẹrị dà nị. Dị ọ rẹ dà ẹkụra ana aā hi Ịbẹtị-Ihoroni ụvẹtẹ nị.

2 Ịtọpa 14:12

Ịzẹyịza, dị Ẹnẹyịmavara huna isoja Anisudani nịnị nị. Ịjị Asa ọnịrị isoja Anijuda jịnẹ tù wa, ẹnịnị zwe nị.

2 Ịtọpa 25:13

Isoja Anedomi ọnị Amaziya dụ varẹma ka asị ẹ saasa ọnị nọ ịrẹkụ aanị, vị ana va eyi ịrẹkụ tù anẹkụra Ijuda nịnị hụrị Isamariya na ngụ Ịbẹtị Ihoroni. Aza ẹnị akawụrakahị ẹ wụ́, dị ẹ kụ́ ogu ẹnịnị ẹtẹẹtẹrẹ nị.

Ahẹ Ụgama 18:14

Ịjị o ne ọpa anị, dị ịnyanya rị vee-vee ọ kụ́ ọnịvị anị gara hi, ẹnịnị ệ và tụ́ echi.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ahẹ Ụgama 68:14

Ịjị Ohomorihi Ochẹtẹẹngụ za ohinọyị ẹnẹẹ dị ọ gara wa ha vị ọ sị mẹẹ ata ihinẹba ene ee zina hụrẹ ataba Ịzarịmọnị avọọ nị.

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Ayịsaya 28:21

Ẹnẹyịmavara rẹ vaa kụ̀ ịrẹkụ anka ọ mẹ̀ vịdị kụ̀ ịrẹkụ ịnị ataba Iperazimi ọnịrị Igibiyọnị. Ọ vaa mẹ ịrẹyị ọnị ọza òó yi vịdị re da.

Ayịsaya 30:30

Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ.

Ijeremaya 34:7

Ụmẹ ọnọọ, isoja ohinọyị Ịbabịrọnị kụ ịrẹkụ ve tu Ijerusarẹmị ọnịrị ẹkụra ana vọ hi Ijuda nị. Ẹkụra ẹnẹẹ ẹ rị Irakisi ọnịrị Azẹka nị.

Ịzakaraya 14:3

Ẹnẹyịmavara vaa va eyi ịrẹkụ ka avaba anẹkụra ẹnẹẹ anka ộ vịdị mẹ̀ ẹ avọọ.

Iwe Ọhụhị Imosiisi ana aa hị́ Ọyịvatụrọda 7:23

Ọ vaa sị ọnịvị awụ nịnị chere ẹwụnị ụvọ, dị ọ tụ wa angwahi ne tu ụmẹ ọnị ụ vaa sị wụ̀ wa ha.

Ijosuwa 10:11

Anamọrị nịnị mẹ vavọọ e zwe hụrẹ Ịbẹtị-Ihoroni, dị Ẹnẹyịmavara zụ ịrẹta ọdẹngụ-ọdẹngụ hụrẹ ẹbẹẹba va wụ̀ wa ha nị. Isoja ẹnị ịrẹta wụ̀ ẹ rụrụ hụụnị aza ọnị Anisirẹrị sị ụ̀hwọ̀ wụ̀ nị.

Ijosuwa 10:28

Ịhị ọnọọ ọnyọọnya, Ijosuwa vu ẹkụra ọbanyị ana a hị́ Imakeda ẹtẹ, dị ẹ yị nyị ọza ana ha ịzọọ anka ọ mẹ Ijeriko avọọ nị.

Ijosuwa 10:9

Dị Ijosuwa ọnịrị isoja anị nịnị sị ịrahụ hụrẹ Igirigari na ngụ Igibiyọnị ịzị ẹ hụrẹ na sụ Anamọrị avaavo.

Ijosuwa 11:8

Ịzẹyịza, dị Ẹnẹyịmavara za isoja ẹnẹẹ chire Anisirẹrị ụvọ, Ẹnịnị e huuna wa, dị ẹ dụ wa na ngụ oze Ịsịdọnị ọbanyị ọnịrị oze Imisirehwoti-Imayimi, huu na ngụ inozi Imizipe; va nyị ọza ana ha ịnị ẹnịnị vụrụ-vụrụ.

Ijosuwa 12:16

Ohinọyị Ịmadọnị ọnịrị Ịbẹtẹrị

Ijosuwa 15:35

Ijarimuti, Adurami, Isoko, beri Azeka

Ijosuwa 15:41

Igederoti, Ịbẹtị-Ịdagọnị, Inaama, ọnịrị Imakeda-avaba anị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ana kara wa.

Ijosuwa 16:3

Dị ọ vavọọ va chi na ngụ ẹtẹ ezi Ijapireti, Dị ọ hụ ịzọọ chi na ngụ ụvẹtẹ Ịbẹtị-Ihoroni chi ne tu Ịgẹzẹrị. Dị ẹ nyị ọ chị na ngụ Òkū Imeditareniya nị.

Ijosuwa 16:5

Ịrẹsụ Ehwireemi vị ana a sị ụvẹtẹ ẹtẹ yị. Ẹtẹ ẹnịnị ọ nyima hụrẹ Ataroti-Ada na ngụ ẹbẹẹba Ịbẹtị-ihoroni.

Ijosuwa 21:22

Ikibizayimi, Ịbẹtị-Ihoroni ọnịrị ẹtẹ ọyị kụ́ ịsụpa rị anị,

Ọdọvịdị 4:15

Ẹnẹyịmavara ộ va Isisera ọnịrị isoja ana kụ ịkẹkẹ ịrẹkụ ne beri avaba isoja anị zi nị. Ịjị Isisera re ka ẹtẹ ọ sị va zi, di o ji hụụ ịrẹsụ ịkẹkẹ ịrẹkụ anị ee zwe nị.

Ọdọvịdị 4:16

Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi.

Ọdọvịdị 5:20

Hụrị ẹbẹẹba ụzọmị nịnị kụ ịrẹkụ nị Ẹbẹẹba ẹ ya va eyi ịrazị ka Isisera nị.

1 Ịsamụwẹrị 13:18

dị oze ọsa ẹnị zi oze Ịbẹtị-Ihoroni nị. Oze ọhụta vị ana zi oze ụtọ ẹtẹ ana maanị và eyi kà ini ozi Izeboyimi ana và eyi ka ụnọmị.

1 Ịsamụwẹrị 17:1

Ụmẹ ọnya yà ịzọọ dị Anihwirisiti nịnị kụ́ isoja ẹnịnị gụ ka ẹnị ẹ̀ na kụ̀ ịrẹkụ nị. Ẹnịnị vị ana kụ́ gụ ịzị aā hị́ Isukutu ịnị ẹtẹ Ijuda. Dị ahịka ịnị akakana Isukutu ọnịrị Azeeka ịnị ẹtẹ Apesidamimi ẹ́nịnị kụ́ udi tụ́ nị.