Ijosuwa 1:9 - IWE ỌNỊNỊ

⁹ Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 1:9 ပူးပေါင်းရင်းမြစ်များ

Oyinyima 28:15

Di Ohomorihi rẹ ka ọnị ộ jẹẹ pè e, ọnị vee sere e aha tụra aha ọnị ọ̀ọ nọ. Ọ rẹ ka ọnị aa sị ọ vaa vẹ ịnị ẹtẹ ọnọnị. Avaba ịsị ọnị ka ọnị aa mẹẹ yọ aanị, à yị nyị ka ọnị ọ yị mẹ̀ ẹ, ka ọnị ẹ yị vaa va ịrẹma anị.

Oyinyima 39:2

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

Oyinyima 39:3

Ọga Ijosẹẹhụ ô re ka Ẹnẹyịmavara vị ana yà pè Ijosẹẹhụ. Ô re re ka Ẹnẹyịmavara vị ana mẹ ka ịsa tụra ịsa oni Ijosẹẹhụ ọ̀ọ sị ụvọ tụra vị eneē zoza.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

1 Ịtọpa 28:20

Idevidi ộ kà a ozi anị Isoromọnị ka: Ayị anị ọ̀ nẹtẹ, di ò tenyi ẹngụ anị. Ọ kà ò nyima ụkọrọ a sị ọ zẹẹ ka ịsa ọnyọọnyị ọ̀ za ọnị jẹẹ. Ẹnẹyịmavara Ohomorihi ọnị ọnị aa hẹkẹ vaa yà a ịrẹma. Ọ kà ẹ yị vaa và ịrẹma anị, ama ọ́ vaa yaa pe e pooro dị ọ̀ dà irehi Ohomorihi ọnọọ ta nị.

2 Ịtọpa 15:7

Ọ kà Asa ọ̀ sị tụ ayọvị, à sị ọ hụrẹ ayịnẹ ka ọ vaa rị ọgụ ụkọrọ ana aa mẹ aanị

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ayịsaya 8:12

ẹ̀ẹ yaa kà a ka vị aa gẹ eyi ọza nị, asị ẹmị rẹ na vavọọ ka. Ọ kà asị mi hí angwa ịsị èe yee hí angwa anị.

Ịdanịyẹrị 10:19

Dị ộ ka, Ohomorihi ọ da sị ịrẹyị anị kẹnẹ, agụvị avọọ a sị ọnị hí angwa, ẹngwọọrọ ọ̀ sị vị aanị. Ộ ka, ọnị ọ sị tụ ọtụtụrụma dị asị ọnị va ẹngụ hi ẹtẹ. Ịdanịyẹrị ka ịjị ọ maanị sị ka yị ọnị, dị ọnị sị ụkata nyị huna avọọ nị. Dị ọnị ka, aarịhịnị ịsị ọ̀ọ nyị ọ yị ka ọ̀ kà a yị ọnị agụvị ka ọ ra mệ ka ọnị ọ nyị ụkata booro aanị nị.

Ịhagayị 2:4

Ama dị Ẹnẹyịmavara, Ochẹtẹẹngụ ka yị Izerubabẹrị ọnịrị Ijosuwa ne beri avaba anẹkụra ka ẹ sị ayị za, dị ẹẹ mẹ̀ ụkọrọ ka ọnị vaa ya pe wa.

Ịhagayị 2:5

Dị ọ rẹ ka yị wa ka, asị ẹnịnị hí angwa agụvị ka ọnị vaa mẹ̀ ịsa ọnị ọnị ka yi wa ini ụmẹ ọnị ẹ yaa jịnẹ hụrẹ Ijipiti. Ọ kà ọnị vaa ya pe wa.

Odeyi 4:19

Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

Iwe Ọhụhị Imosiisi ana aa hị́ Ọyịvatụrọda 1:21

Dị Imosiisi ka yị wa, Ẹnẹyịmavara Ohomorihi ẹnịnị ọ raa sị ẹtẹ ọnọọ yị wa. Ẹnịnị ẹ na na dọ ẹtẹ asị e hí angwa.

Iwe Ọhụhị Imosiisi ana aa hị́ Ọyịvatụrọda 20:1

Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.

Iwe Ọhụhị Imosiisi ana aa hị́ Ọyịvatụrọda 31:23

Ẹnẹyịmavara ộ kà a Ijosuwa ozi Inuni ka, ọ nyị ọtụtụrụma, ayị anị ọ vị agụvị ka ọnị ọ vaa Anisirẹrị nịnị nọ ịnị ẹtẹ ọnị ọnị wo oto anị yị wa. Ọ kà ọnị vaa ya pe Ijosuwa.

Iwe Ọhụhị Imosiisi ana aa hị́ Ọyịvatụrọda 31:28

Imosiisi kà a hị́ avaba ọdọvịdị ịrẹsụ-ịrẹsụ ọnịrị ọdọvịdị ẹkụra nịnị gụ, ọvịdị anị dị ọnị ọ ka ịrẹyị ẹnẹnị yị wa. Ọnị vaa sị ẹbẹẹba ọnịrị ẹtẹ mẹ ivenu yị wa.

Ijosuwa 1:10

Ẹnẹyịmavara mẹ̀ vavọọ sị ka, di Ijosuwa va hị́ ohi-ohi aza ẹnẹẹ dị ọ mẹ̀ ọda yị wa ka

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.

Ijosuwa 1:18

Ẹ rẹ ka àa nyị ọza ọnyọọnyị ana kụ̀ hịrẹ Ijosuwa, dị ọ̀ yị saasa avaba ịrẹyị ọnị ọ kà yị ẹnị nị, vị a vaa wụ́ ọza ọnọọ nị. Ẹ ka ọ nyị nyị ọtụtụrụma kẹnẹ, dị ọ sị ayị vị ọnya.

Ijosuwa 10:25

Dị Ijosuwa kà yị wa ka asị e hí angwa, asị o hi wa eyi. Eyayị ẹnịnị ẹ vị, dị ẹ nyị ọtụtụrụma, ka avọọ Ẹnẹyịmavara mẹ vaa mẹ ọnịvị ẹnịnị ene beri wa kụ ịrẹkụ nị.

Ijosuwa 10:8

Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

Ijosuwa 3:7

Dị Ẹnẹyịmavara kà yị Ijosuwa ka hụrẹ ẹkụhị ọnọọ tụ ọvịdị ọnị vaa sị ọ tu ẹba eyi Anisirẹrị nị ọzọza vaa yẹ ka ọnị ọ ya pe e anka ọnị mẹ vịdị jẹẹ pe Imosiisi avọọ.

Ijosuwa 6:27

Avọọ Ẹnẹyịmavara mẹ ya pe Ijosuwa dị ọ ngụrẹyị tụ avaba ẹkụra nị.

Ijosuwa 8:1

Ẹnẹyịmavara ộ hị́ Ijosuwa, dị ọ̀ ka asị o hí angwa ọ kụ́ avaba isoja Anisirẹrị nọ ịrẹkụ Eyayị, ộ kà ọnị vaa za ohinọyị Eyayị ọnịrị aza anị chire wa ụvọ. Avọọ ọnị mẹ rẹ vaa dọ ẹtẹ ẹnịnị yị wa nị.

Ọdọvịdị 6:14

Dị Ẹnẹyịmavara ọnị ụvọta kà Igidiyọnị vaa nyị ụkata, agụvị avọọ ọnị aa gụ ọ ụvọ, dị ọnị sị ụkata yọ ka ọ sị dọ Anisirẹrị nịnị ha hụụnị ụvọ Animidiya.

1 Ịsamụwẹrị 10:7

Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.