Ijosuwa 1:8 - IWE ỌNỊNỊ

⁸ Di Ẹnẹyịmavara rẹ ka asị ọ zẹẹ ka Iwe ọda ọnị ọnị sị yị ọ avọọ, ọ hụrẹ ẹ ụvọ o! Ọ kà ọ̀ sịị tụ́ irenu jị ahẹ pooro, ọọdụ ọnịrị ịrahụ, agụvị di ò si eyi pè e, dị ọ mẹ avaba ịsa ana a chẹrẹ hi ịnị anị. Ọ kà ịjọnọọ o vee ree mẹ ịnị ịsa ọnị ọ̀ọ ka ọnị aa mẹ nị, di ee zee yọ.

Ijosuwa 1:8 ပူးပေါင်းရင်းမြစ်များ

Oyinyima 24:63

Ụmẹ oruva dị ọ nọ ịnị aarẹ ka ọnị ọ̀ na tana ahụ nị. Ọ mẹ kana eyi tụ́ ẹba, di o re ka ịnyaakụmị nịnị aa vẹ nị.

2 Ịtọpa 26:5

Ịzakaraya ọ vị anajuwe anị nị. Pooro di o ve su, Uzaya vị ana sị ịzẹyịza hẹkẹ Ẹnẹyịmavara. Ẹnẹyịmavara ộ mẹ̀ ka o zee yọ ịnị ụmẹ ọnọọ nị.

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 119:15

Ọda awụ ọnịrị ịrẹyị ọnị ụ sị zụ̀ aza vị ọnị mịị̄ raa nọ ịnị anị.

Ahẹ Ụgama 119:97

Ẹnẹyịmavara, mâ dà sì ịrẹyị ọda awụ kẹnẹ. Mmiī roo nọ ịnị anị pooro nị.

Ahẹ Ụgama 119:99

Ọda awụ vị ọnị miī roo nọ ịnị anị pooro. Ẹ raà mẹ ka eyi amị ò hweyi tù ịsa huna aza ana hyakụ aa zụ̀ mị ịsa.

Ahẹ Ụgama 19:14

Ẹnẹyịmavara, ịda awụ mị vaka tụ́ nị Navọ wa dọ ịrẹyị ọnị maa kà ọnịrị ịrẹyị ọnị mee ro.

Ahẹ Ụgama 40:10

Maa kà a zị ka wâ dọ yị tụ Mị ka ọza ọ zụ sị ayị tụra awụ, ka ẹwaa dọ ọzaa há nị Aza ệ ta wara gụ dị maa kà a yị wa ka vi ụụ̄ sì ịrẹyị ọza pooro nị, We mē vene ọza.

Ụhịrẹyị 3:1

Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ.

Ayịsaya 59:21

Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Imatiwu 7:24

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

Ịjọọnụ 14:21

Ọza ana àa dọ ọda amị, dị ọ saasa a nị, oni o sì ịrẹyị amị nị. Ada amị oni re vee sì ịrẹyị ọza ene èe sì ịrẹyị amị. Ẹmị re vee sì ịrẹyị ọza ọnọọ, dị mị rẹ sị ẹngụ amị zụ̀ ọ.”

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Iwe Ọhụhị Imosiisi ana aa hị́ Ọyịvatụrọda 29:8

dị ẹnị dọ wa ẹtẹ ẹnịnị, dị ẹnị ga yị Evere Iruveni ọnịrị Igadi ne beri Ịmanasẹ nị.

Iwe Ọhụhị Imosiisi ana aa hị́ Ọyịvatụrọda 29:9

Avọọ ẹnịnị ẹ saasa avaba ịrẹyị oto ọnọọ, dị ò zee yị wa ịnị ịsa tụra ịsa ọnị ẹ yaa mẹ̀.

Iwe Ọhụhị Imosiisi ana aa hị́ Ọyịvatụrọda 30:14

Eyiye, ịrẹyị ọnọọ ya ịzẹnị pe wu. Waa yẹ ẹ, dị ụ zụ vatụra a ka nị. Agụvị avọọ saasa a.

Iwe Ọhụhị Imosiisi ana aa hị́ Ọyịvatụrọda 31:11

Za a ịrịka yị avaba Anisirẹrị ẹ̀ẹ va hẹkẹ Ẹnẹyịmavara Ohomorihi ẹnịnị ịzị a nyị ka aa ahẹkẹ ẹ.

Iwe Ọhụhị Imosiisi ana aa hị́ Ọyịvatụrọda 31:24

Imosiisi ộ chẹrẹ avaba ọda Ẹnẹyịmavara bemi-bemi tụ́ ịnị iwe.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Iwe Ọhụhị Imosiisi ana aa hị́ Ọyịvatụrọda 5:29

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 5:32

Sị eyi pe ẹtẹ dị ụ wa mẹ ịsị Ẹnẹyịmavara raa mẹ ọda yị wa. Asị ẹ mẹ akamawụ.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Ijosuwa 1:7

Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Ijosuwa 8:34

Ijosuwa ộ za avaba ize ọnịrị ozirenu ana ya ịnị iwe ọda ịrịka zụ wa.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.