Ijosuwa 1:6 - IWE ỌNỊNỊ

⁶ Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ijosuwa 1:6 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

2 Ịsamụwẹrị 10:12

Dị ọ rẹ ka, “Asị u hí angwa, vẹ ya sị ọtụtụrụma kụ̀ ịrẹkụ agụvị ẹkụra ayị ọnịrị agụvị ẹkụra Ohomorihi ayị. Ẹnẹyịmavara vaa mẹ̀ ịsa ene zee e eyi.”

1 Ohinọyị 2:2

“Ee vee tù ka ma nọ ịda ohiku amị. Re ka wâ nyị ụkata dị wa vị ọnọrụ.

1 Ịtọpa 22:13

Ọ kà Isoromọnị ọ̀ọ saasa avaba ọda ọnị Ẹnẹyịmavara sị tu Imosiisi hi Anisirẹrị nịnị, vị o vee zee yọ nị. Ọ̀ sị tụ ọtụtụrụma, dị ayị anị ọ̀ nẹtẹ. A sị ọ zẹẹ ka ịsa ọnyọọnyị o chire ọnị angwa.

1 Ịtọpa 28:10

Idevidi ka Isoromọnị ọ̀ yẹ ka Ẹnẹyịmavara ộ nyị ọ ka ọ̀ dà irehi oni Ohomorihi yị ọnị. Ọyaanị, ò re ka ọnị ọ́ọ sị vụrị dị ọ̀ dà a.

1 Ịtọpa 28:20

Idevidi ộ kà a ozi anị Isoromọnị ka: Ayị anị ọ̀ nẹtẹ, di ò tenyi ẹngụ anị. Ọ kà ò nyima ụkọrọ a sị ọ zẹẹ ka ịsa ọnyọọnyị ọ̀ za ọnị jẹẹ. Ẹnẹyịmavara Ohomorihi ọnị ọnị aa hẹkẹ vaa yà a ịrẹma. Ọ kà ẹ yị vaa và ịrẹma anị, ama ọ́ vaa yaa pe e pooro dị ọ̀ dà irehi Ohomorihi ọnọọ ta nị.

2 Ịtọpa 15:7

Ọ kà Asa ọ̀ sị tụ ayọvị, à sị ọ hụrẹ ayịnẹ ka ọ vaa rị ọgụ ụkọrọ ana aa mẹ aanị

2 Ịtọpa 20:11

Aanị ẹ mẹẹ si Anisirẹrị nịnị atọ nị. Ẹnịnị vị ana vaa dụ ẹnị jịnẹ hụụnị ẹtẹ ọnị Ohomorihi sị yị ẹnị.

2 Ịtọpa 20:7

Ọnị ọ vị Ohomorihi ẹnịnị ịjị aza anị Anisirẹrị ngụ ịnị ẹtẹ ọnọọ dị ộ dụ aza ene hi ịzọọ jịnẹ tụ́ ẹhẹ yị evere Abụrahamị ana vị ọta anị, dị ụ sị yị wa ka ọ vị ẹnịnị pooro zịna-zịna.

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Ịdanịyẹrị 10:19

Dị ộ ka, Ohomorihi ọ da sị ịrẹyị anị kẹnẹ, agụvị avọọ a sị ọnị hí angwa, ẹngwọọrọ ọ̀ sị vị aanị. Ộ ka, ọnị ọ sị tụ ọtụtụrụma dị asị ọnị va ẹngụ hi ẹtẹ. Ịdanịyẹrị ka ịjị ọ maanị sị ka yị ọnị, dị ọnị sị ụkata nyị huna avọọ nị. Dị ọnị ka, aarịhịnị ịsị ọ̀ọ nyị ọ yị ka ọ̀ kà a yị ọnị agụvị ka ọ ra mệ ka ọnị ọ nyị ụkata booro aanị nị.

Ịhagayị 2:4

Ama dị Ẹnẹyịmavara, Ochẹtẹẹngụ ka yị Izerubabẹrị ọnịrị Ijosuwa ne beri avaba anẹkụra ka ẹ sị ayị za, dị ẹẹ mẹ̀ ụkọrọ ka ọnị vaa ya pe wa.

Ịzakaraya 8:9

Ẹnẹyịmavara Ochẹtẹẹngụ kà: Ẹnịnị ana a wụ́ ịrẹyị ẹnẹnị ọnị ọnịsẹ nịnị kà aanị, ọnị o vi eyi anị ịjị e nyima e tenyi irehi Ohomorihi ẹ sị ayị nyị.

Ịrịka 26:53

ọ ga ẹtẹ yị avaba aza ana chẹrẹ ịrẹha ẹnịnị aanị.

Ịrịka 33:53

Dị ẹ dọ ẹtẹ ọnọọ, dị ẹ ra ịnị anị agụvị ka ọnị ọ ra sị yị wa ka ọ vị ẹẹnịnị.

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

Iwe Ọhụhị Imosiisi ana aa hị́ Ọyịvatụrọda 1:21

Dị Imosiisi ka yị wa, Ẹnẹyịmavara Ohomorihi ẹnịnị ọ raa sị ẹtẹ ọnọọ yị wa. Ẹnịnị ẹ na na dọ ẹtẹ asị e hí angwa.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 11:8

Imosiisi kà a sị ụvọ za avaba ọda ọnị ọnị aa sị yị wa ajịnị agụvị ẹ nyị ụkata na dọ ẹtẹ ana ya akẹnẹ enyi,

Iwe Ọhụhị Imosiisi ana aa hị́ Ọyịvatụrọda 31:23

Ẹnẹyịmavara ộ kà a Ijosuwa ozi Inuni ka, ọ nyị ọtụtụrụma, ayị anị ọ vị agụvị ka ọnị ọ vaa Anisirẹrị nịnị nọ ịnị ẹtẹ ọnị ọnị wo oto anị yị wa. Ọ kà ọnị vaa ya pe Ijosuwa.

2 Itimoti 2:1

Ozi emi, waa nyị ụkata ini oze ayamva oni Ijeesuū sịị yị aza ọnị ọnịrịị sị vị ọnya.

Ijosuwa 1:18

Ẹ rẹ ka àa nyị ọza ọnyọọnyị ana kụ̀ hịrẹ Ijosuwa, dị ọ̀ yị saasa avaba ịrẹyị ọnị ọ kà yị ẹnị nị, vị a vaa wụ́ ọza ọnọọ nị. Ẹ ka ọ nyị nyị ọtụtụrụma kẹnẹ, dị ọ sị ayị vị ọnya.

Ijosuwa 1:7

Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 10:25

Dị Ijosuwa kà yị wa ka asị e hí angwa, asị o hi wa eyi. Eyayị ẹnịnị ẹ vị, dị ẹ nyị ọtụtụrụma, ka avọọ Ẹnẹyịmavara mẹ vaa mẹ ọnịvị ẹnịnị ene beri wa kụ ịrẹkụ nị.

Ijosuwa 13:6

Ẹnẹyịmavara kà a ọnị vaa dụ avaba Anisidoni ene hi ịnị ẹkụra ana ya ịrẹsụ ataba ịnị akakana Ịrẹbanọnị na ngụ Imisehwoti Imayimi eyi Anisirẹrị nịnị. Ọ kà Ijosuwa o re ka ọnị ọ ga ẹtẹ ọnọọ yị Anisirẹrị nịnị anka ọnị mẹ ka yọ.

Ijosuwa 18:3

Agụvị avọọ Ijosuwa họ̀ Anisirẹrị ka, ịzị ẹ vaa jẹẹ tu di e vee nyima ọyị dọ ẹtẹ ọnị Ẹnẹyịmavara Ohomorihi ẹnịnị raà sị yị wa?

Ijosuwa 21:43

Ẹnẹyịmavara ộ sị avaba ẹtẹ ọnị ọ wo oto anị yị ohiku ẹnịnị ka ọnị aa sị yị wa. Ệ dọ ẹtẹ ọnọọ dị ẹ ra ịnị anị nị.

Ijosuwa 5:6

Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị.

1 Ịsamụwẹrị 4:9

Dị ọdọvịdị Anihwirisiti ka, “Ẹwụ nịnị anda ayị, asị u rè hí angwa nịnị. Waā kụ́ ịrẹkụ awụ nịnị anka ọnọrụ. Wẹ̀ yị nyị ọtụtụrụma nịnị, vi Anihiburu aa za wụ nịnị ọrịhị anka ị mẹ̀ vịdị za wa ọrịhị nị. Asị u hí angwa, wa kụ̀ ịrẹkụ awụ nịnị!”