Ijosuwa 1:5 - IWE ỌNỊNỊ

⁵ Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Ijosuwa 1:5 ပူးပေါင်းရင်းမြစ်များ

Oyinyima 39:2

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

1 Ohinọyị 1:37

Taarụ Ohinọyị, anka Ẹnẹyịmavara mẹ̀ yà pè, wụ avọọ ọ mẹ̀ rẹ vaa yaà pè Isoromọnị nị. Ẹnẹyịmavara vaa mẹ ka udi anị ọ̀ banyị huna udi awụ.”

1 Ohinọyị 11:38

Ọ kà ama ẹwàa wụ́ avaba ịrẹyị ọnị ọnị mẹ ọda anị wụ, di ewu ee hu ahụ ọnị ọnị sì nị, dị waa mẹ̀ ebira ana vọrọ ini eyi anị nị, dị ụ raa mẹ avaba ịrẹyị ọnị ọnị kà anka Idevidi ozi ahụ anị mẹ̀ mẹ nị, ọ ka ọnị vaa yàa pè wu. Ọ kà ọnị vaa mẹ ka ịpa awụ ọ̀ rị ohinọyị gọdọ anka ọnị mẹ mẹ̀ ẹ yị Idevidi. Ọ rẹ ka ẹwụ ọnị vaa sị Anisirẹrị yị nị.

1 Ohinọyị 6:13

Mị vaa yà ịnị akakana Anisirẹrị. Me yi vee yi Anisirẹrị aza amịị tịtẹ.”

1 Ohinọyị 8:57

Ẹnẹyịmavara Ohomorihi ayị vaa yà pè yi anka ọ mẹ̀ vịdị yà pe ohiku ayị. Ọ navọ kwogwo asị a nyị ụmẹ ọnị ọ sị navọ yị tịtẹ.

1 Ịtọpa 28:20

Idevidi ộ kà a ozi anị Isoromọnị ka: Ayị anị ọ̀ nẹtẹ, di ò tenyi ẹngụ anị. Ọ kà ò nyima ụkọrọ a sị ọ zẹẹ ka ịsa ọnyọọnyị ọ̀ za ọnị jẹẹ. Ẹnẹyịmavara Ohomorihi ọnị ọnị aa hẹkẹ vaa yà a ịrẹma. Ọ kà ẹ yị vaa và ịrẹma anị, ama ọ́ vaa yaa pe e pooro dị ọ̀ dà irehi Ohomorihi ọnọọ ta nị.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ọyịkụra 3:12

Di Ohomorihi ka Ọnị vaa jẹẹ ịrẹma anị. Ọ kà ọnọọ vaa sị zụ̀ ka ọnị ọ tụ́ ọ nị. Dị ọ rẹ ka ọ̀ọ raà kụ́ aza ẹnẹẹ jịnẹ hụrẹ Ijipiti, dị ọ̀ va hẹkẹ ọnị Ohomorihi ịrẹsụ ataba ọnọọ.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ijeremaya 1:8

Ẹnẹyịmavara kà, asị ọnị hí angwa ka ọnị vaa ya pe ọnị dị ọnị dọ ọnị tụ.

Ịdanịyẹrị 11:16

Anisiriya ana kụ ịrẹkụ vẹ vị ana vaa mẹ o me zee eyi kẹnẹ, dị ẹ yị nyị ọza ana zụ sị ụvọ jị. Ọ́ vaa jẹẹ ịnị ẹtẹ Isirẹrị ana maanị nyị ụbanyị aanị, dị aà mẹ ọda tụra avaba anị ịrẹsụ nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Aniroomi 8:37

Ịnị avaba ịrẹyị ẹnẹnị, ọza ene sì ịrẹyị ayị, aa mẹ ka yaa nyị ẹbẹẹba saka-saka.

Iwe Ọhụhị Imosiisi ana aa hị́ Ọyịvatụrọda 20:1

Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.

Iwe Ọhụhị Imosiisi ana aa hị́ Ọyịvatụrọda 20:4

Ẹnẹyịmavara ana vị Ohomorihi awụ nịnị vaa saasa awụ nị kụ ịrẹkụ dị ụ nyị ẹbẹẹba ọnịvị awụ nịnị.

Iwe Ọhụhị Imosiisi ana aa hị́ Ọyịvatụrọda 31:23

Ẹnẹyịmavara ộ kà a Ijosuwa ozi Inuni ka, ọ nyị ọtụtụrụma, ayị anị ọ vị agụvị ka ọnị ọ vaa Anisirẹrị nịnị nọ ịnị ẹtẹ ọnị ọnị wo oto anị yị wa. Ọ kà ọnị vaa ya pe Ijosuwa.

Iwe Ọhụhị Imosiisi ana aa hị́ Ọyịvatụrọda 4:31

Agụvị ka Ẹnẹyịmavara Ohomorihi ẹnịnị vị anayamva, ọ yị vaa yi wa tịtẹ, a vị ka o vu wa ẹtẹ. Ọ yị vee hi ayị oto oni o wo yi ohiku ẹnịnị, dị ọ hị́ eku tụra a ịrẹsụ.

Iwe Ọhụhị Imosiisi ana aa hị́ Ọyịvatụrọda 7:24

Ọ rẹ vaa sị ohinọyị ẹnịnị chere wụ ụvọ, dị ụ wụ̀ wa, dị ayị ẹnịnị hi ịnị ẹhẹ.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 10:8

Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Ijosuwa 3:7

Dị Ẹnẹyịmavara kà yị Ijosuwa ka hụrẹ ẹkụhị ọnọọ tụ ọvịdị ọnị vaa sị ọ tu ẹba eyi Anisirẹrị nị ọzọza vaa yẹ ka ọnị ọ ya pe e anka ọnị mẹ vịdị jẹẹ pe Imosiisi avọọ.

Ijosuwa 6:27

Avọọ Ẹnẹyịmavara mẹ ya pe Ijosuwa dị ọ ngụrẹyị tụ avaba ẹkụra nị.

Ọdọvịdị 2:18

Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa.

Ọdọvịdị 6:16

Dị Ẹnẹyịmavara kà a yị Igidiyọnị ka ọ zụ mẹ̀ ẹ agụvị ka ọnị vaa gụ ọ ụvọ. O vee huna Animidiya nịnị anka ọza rere ee tu ọza ịnya avọọ nị.

1 Ịsamụwẹrị 10:7

Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.