Ijosuwa 1:18 - IWE ỌNỊNỊ

¹⁸ Ẹ rẹ ka àa nyị ọza ọnyọọnyị ana kụ̀ hịrẹ Ijosuwa, dị ọ̀ yị saasa avaba ịrẹyị ọnị ọ kà yị ẹnị nị, vị a vaa wụ́ ọza ọnọọ nị. Ẹ ka ọ nyị nyị ọtụtụrụma kẹnẹ, dị ọ sị ayị vị ọnya.

Ijosuwa 1:18 ပူးပေါင်းရင်းမြစ်များ

Ẹzịra 10:4

Dị ọ kà a yị Ẹzịra ka ọ̀ kwẹẹtẹ ọ̀ mẹ ịsị a vọrọ ka ọ̀ mẹ, ka ọnị ịrẹyị ọnọnị ya ịnị ụvọ anị nị. Asị o hí angwa ka ẹnị vaa jẹẹ ịrẹma anị.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

Iwe Ọhụhị Imosiisi ana aa hị́ Ọyịvatụrọda 17:12

Ọza tụra ọza ene ro ka ọnị ọ zụ mẹ akamawụ hi ọmọkarẹyị, a vị ohirẹsụ irehi Ohomorihi nịnị, vị ana vaa wụ̀; agụvị ebira odivi ọ hụrẹ ẹtẹ Isirẹrị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 2:1

Ijosuwa ọ̀ tụ aza ẹnị ẹẹva hụụnị Anisirẹrị ene hi Akasiya ka e were-were ne re ẹtẹ ana ya akẹnẹ irehu Ijodani va ka yị ọnị nị. Dị ọ ka, ẹ zama ẹtẹ ọnọọ re jesi kara Ijeriko. Ịzẹyịza, dị ẹ kwẹẹtẹ dị ẹ na ngụ irehi ọsẹrẹka ọnya aanị ana aa hị́ Ịrahabị zi ẹ ya ịrahụ ọnọọ nị.

1 Ịsamụwẹrị 11:12

Dị Anisirẹrị kà a yị Ịsamụwẹrị dị ẹ ka ene ee họ̀ use ịhyọọ ka aanị ka Ịsọọrụ aa vaa vị ohinọyị ayị nị? Ẹ ka à kụ́ aza ẹnẹẹ vẹ ka ẹnị aa wụ̀ wa.