Ijosuwa 1:16 - IWE ỌNỊNỊ

¹⁶ Dị aza ẹnẹẹ tụ́ Ijosuwa ohi dị ẹ ka avaba ịsị Ijosuwa ọ̀ọ kị kà yị ẹnị kẹnẹ, ẹnị vaa mẹ̀ ẹ, aha tụra aha ọnị ọ̀ọ tụ̀ ẹnị nọ, ẹnị aa na.

Ijosuwa 1:16 ပူးပေါင်းရင်းမြစ်များ

Ẹzịra 10:4

Dị ọ kà a yị Ẹzịra ka ọ̀ kwẹẹtẹ ọ̀ mẹ ịsị a vọrọ ka ọ̀ mẹ, ka ọnị ịrẹyị ọnọnị ya ịnị ụvọ anị nị. Asị o hí angwa ka ẹnị vaa jẹẹ ịrẹma anị.

Ịrịka 32:25

Ịjọnọọ dị Anigadi ọnịrị Anirubẹnị kà yị Imosiisi ka ẹnị vaa mẹ̀ ịsa ọnị ọ ka.

Ịrịka 32:31

Dị Anigadi ọnịrị Anirubẹnị nịnị tụ́ Imosiisi ohi ka, ẹnị vaa mẹ̀ ịsa ọnị Ẹnẹyịmavara kà nị.

Iwe Ọhụhị Imosiisi ana aa hị́ Ọyịvatụrọda 34:9

Ẹnẹyịmavara ộ sị ịrẹyọyẹ yị Ijosuwa ana vị ozi Inuni ọnị Imosiisi nyị dọ ẹngụ aanị ịrẹsụ. Dị avaba Anisirẹrị sị ịrẹsụ yọ dị ẹ saasa ọda ọnị Ẹnẹyịmavara vịdị sị tụ́ Imosiisi hì wa.

Iwe Ọhụhị Imosiisi ana aa hị́ Ọyịvatụrọda 5:27

Dị ẹ ka, Imosiisi ọ na wụ̀ avaba ịrẹyị ọnị Ẹnẹyịmavara ana vị Ohomorihi ẹnịnị ọ̀ọ ka dị ọ̀ ka enube yị ẹnị. Ẹnị vaa wụ dị ẹnị saasa a.

Ịtayịtọsị 3:1

Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ijosuwa 1:15

pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.