Ijosuwa 1:1 - IWE ỌNỊNỊ

¹ Â nyị ụmẹ ọnya aanị, ịnị ụmẹ ọnọọ Imosiisi ana vị ozi ahụ Ẹnẹyịmavara ó wusu. Â nyị ọnọrụ ọnya aanị ana vị ọnọgụvọ anị ana aā hị́ Ijosuwa. Ịrẹha ada anị ọ rị Inuni nị. Ẹkụhị ọnya Ẹnẹyịmavara ô pe e kà ịrẹyị.

Ijosuwa 1:1 ပူးပေါင်းရင်းမြစ်များ

1 Ohinọyị 19:16

Dị ụ rẹ sị angwẹ nyị Ijeehu ozi Inimisi dị ọnị ọ̀ vi ohinọyị Anisirẹrị. Dị ụ rẹ sị angwẹ nyị Erisa ozi Isahwati ana vi Anebẹrị Imehora dị ọ̀ vị ọnịsẹ dọ wụ ịrẹsụ.

2 Ohinọyị 3:11

Ohinọyị Ijehosahwati ộ họ̀ ka, áá nyị ọnịsẹ ịzẹnị ẹnẹ ẹnị nyẹngụ họ̀ use ka, Ẹnẹyịmavara mẹ̀ ka? Dị ọga isoja ohinọyị Ijorami ọnya tụ́ ohi ka, Erisa ozi Isahwati yà ịzẹnị nị. Ọ kà ozi ahụ Erija ụvọta ọ vị̀ nị.

Inehemaya 8:17

Dị aza ana hụrẹ Ịbabịrọnị vẹ eehi jị ajẹngụ ẹnẹ ẹ ra ịnị anị ẹkụhị ịhịmba nị, dị ọzọza aa jẹ nị. Anisirẹrị ẹ yị vana maanị rị eche Ijesuwa ozi Inuni me hụrẹ su.

Ọyịkụra 24:13

Di Imosiisi ọnịrị Ijosuwa ozi ahụ anị tenyi ẹngụ ẹnịnị, di Imosiisi hịrẹ ataba Ohomorihi na nị.

Ịrịka 11:28

Dị Ijosuwa ozi Inuni ana vị ozi ahụ Imosiisi hụụnị ozweyi na ka yị Imosiisi ka ọ za wa jẹẹ.

Ịrịka 12:7

Ama oze irenyi ọnịrị Imosiisi aa zị mẹ ụna nị. Imosiisi ọnị sị avaba irehi anị chire ụvọ nị.

Ịrịka 13:16

Ịrẹha ẹnịnị ẹ vị anọrụ ọnị Imosiisi tụ́ ne re ẹtẹ nị; Imosiisi vị ana sị Ijosuwa yị Ihoseya ozi Inuni.

Ịrịka 13:8

Ihoseya ozi Inuni hụụnị ịrẹsụ Ehwireemi

Iruuku 16:10

Ọza ana àa nyị ịzẹyịza tụ́ ịnị ịsa kiiki, ọ rẹ vaa nyị ịzẹyịzaa tụ́ ịnị ịsa ọbanyị. Ọza ana àa rẹ vị onirikichi ịnị ịsa kiiki, vị ọ raa yịị mẹ irikichi ịnị ịsa ọbanyị nị.

Odeyi 7:45

Ịrẹma ọnọọ, ada ayị ệ rẹ vana dọ ajẹngụ ọnọọ hụụnị ụvọ ohiku ẹnịnị. Dị ẹ za a, ẹ màa saasa Ijosuwa nị. Dị ẹ na dọ ẹtẹ hụụnị ụvọ aza irenyi-irenyi oni Ohomorihi sị dụ jịnẹ yị wa nị. Dị ajẹngụ ọnọọ yà ịzọọ pooro ne tù ụmẹ Idevidi nị.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Iwe Ọhụhị Imosiisi ana aa hị́ Ọyịvatụrọda 1:38

Ama Ijosuwa ozi Inuni ana vị ọnọgụvọ anị ọ vaa ngụ ịzọọ nị. Dị ọ ka Imosiisi ọ̀ tụ́ Ijosuwa ọtụtụrụma agụvị ka ọnị ọ vaa kụ Anisirẹrị na dọ ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 31:23

Ẹnẹyịmavara ộ kà a Ijosuwa ozi Inuni ka, ọ nyị ọtụtụrụma, ayị anị ọ vị agụvị ka ọnị ọ vaa Anisirẹrị nịnị nọ ịnị ẹtẹ ọnị ọnị wo oto anị yị wa. Ọ kà ọnị vaa ya pe Ijosuwa.

Iwe Ọhụhị Imosiisi ana aa hị́ Ọyịvatụrọda 31:3

Ama Ẹnẹyịmavara ana vị Ohomorihi ẹnịnị vaa dọ ọvịdị ẹnịnị jịnẹ tụ akẹnẹ. Dị ọnị ụvọta vu avaba anẹkụra ana ra hi ịzọọ ẹtẹ agụvị dị ọ dọ wa ẹtẹ yị Anisirẹrị nịnị. Ijosuwa ana vị ọdọvịdị ẹnịnị ọwọọwa vaa dọ ọvịdị ẹnịnị jịnẹ tụ akẹnẹ enyi anka Ẹnẹyịmavara mẹ kà a.

Iwe Ọhụhị Imosiisi ana aa hị́ Ọyịvatụrọda 33:1

Aanị Imosiisi, ọza Ohomorihi mẹẹ mẹ̀ aduwa yị Anisirẹrị nịnị dị ò ve su nị.

Iwe Ọhụhị Imosiisi ana aa hị́ Ọyịvatụrọda 34:12

Ẹ yị vana nyị ọnịsẹ ana nyị ụkata mẹ̀ ịsa ẹbanyị-ẹbanyị ene chire ọza angwa anka ịsị Imosiisi mẹ̀ eyi avaba Anisirẹrị.

Iwe Ọhụhị Imosiisi ana aa hị́ Ọyịvatụrọda 34:5

Ịzẹyịza, dị Imosiisi ozi ahụ Ẹnẹyịmavara su ịnị ẹtẹ Imowabi anka Ẹnẹyịmavara vịdị kà a ọnị vaa mẹ.

Iwe Ọhụhị Imosiisi ana aa hị́ Ọyịvatụrọda 34:9

Ẹnẹyịmavara ộ sị ịrẹyọyẹ yị Ijosuwa ana vị ozi Inuni ọnị Imosiisi nyị dọ ẹngụ aanị ịrẹsụ. Dị avaba Anisirẹrị sị ịrẹsụ yọ dị ẹ saasa ọda ọnị Ẹnẹyịmavara vịdị sị tụ́ Imosiisi hì wa.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

Ijosuwa 1:15

pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ijosuwa 1:2

Ộ kà, Imosiisi ana vị ozi ahụ anị mè wusu aanị, Ijosuwa ọ̀ kwẹẹtẹ dị ọ̀ kụ́ avaba Anisirẹrị jịnẹ Okuha Ịjọdanị na ịnị ẹtẹ ọnị ọnị aa sị wa.

Ijosuwa 12:6

Imosiisi ana vị ozi ahụ Ẹnẹyịmavara ọnịrị Anisirẹrị nịnị ẹ huna aza ẹnẹẹ nị. Dị Imosiisi ga ẹtẹ ẹnẹẹ yị ezi Irubẹnị ọnịrị Igadi ne beri achẹva ezi Ịmanasẹ nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.