Ohomorihi ọnị ụvọta ọ vị ọdọvịdị ayị, dị ohirẹsụ irehi anị nịnị ya ịzẹnị beri ịkakanchị ẹnịnị. Ẹnịnị ee tenyi ẹngụ ka ẹnị ee hú ịkakanchị hị́ yị ka ya va eyi ịrẹkụ ka wụ. Anisirẹrị nịnị asị e va eyi ịrazị ka Ẹnẹyịmavara Ohomorihi ohiku awụ nịnị. Wẹ yị vaa zụ nyị ehuna.
Dị ọ kà, Tee! Ẹnẹyịmavara Ohomorihi ohiku ayị, aanịka ẹ yị vị ẹwa vị Ohomorihi ayị ana ya ẹbẹẹba? Ẹwụ aa mẹ ịjọva tụra avaba ẹhẹ ịrẹsụ nị. Avaba ụkata vị ana ya ịnị ụvọ awụ, ẹ yị nyị ọza ene zụ ziizi wu ụvọ.
Di Ihwarawo tụ́ aza ka ẹ̀ na zama ịsụpa Anisirẹrị re nị. Di e re ka ẹ yị nyị ịsụpa Anisirẹrị ikonya ene sú nị. Ama ayị Ihwarawo ọ sị sị kà geri-geri. Ọ yị zẹẹ ka aza ẹnẹẹ ẹ̀ na.
O vee divi yị ọza ene beri ọza ana tụ ọ zune ụvọ. Ụnọkọ wéé beri ọza ana jị ọ nyị ahankata? Ụnọkọ wéé họ̀ ọza ana jị ọ ka sị aa mẹ? Ọ zụ kà a ka ọza ana jị ọnị e yi yẹ eyi ụkọrọ?
Ẹnẹyịmavara kà, ẹwụ nịnị Anibabironi, ịrẹpa ọnị ọnị và ee zi wu nịnị, o sị wụ nịnị za dị ụ va yẹ nịnị. Ê re wu nịnị, asị ụ nịnị za, agụvị ka waa kụ̀ hịrẹ ọnị nịnị.
Ẹnẹyịmavara ọ yị mā hụra kụ́ ayị ama ọ nyị ụkata ẹnẹmẹhị. Ọ yị vaa navọ ka ọza ọ mẹ̀ ebira odivi, ọ mẹ̀ ẹ sị rị. Òo hu ahụ kẹnẹ dị okorowa ọnịrị opomi ana aa tụ́. Eguhi ọ vị edudu ahẹtẹ anị nị.
