18 Aa sị ụya rị ọnị ka asị ẹngụ hi ahị.
Ụmẹ ọnị ọnị aa ra ẹhẹ aa chee aanị. A navọ ọnị dị ọnị ọ hụụnị ẹhẹ dị ẹngụ anị o hi ahị.
Avaba ịsa ọnị Ohomorihi chẹrẹ ka ọnị ộ mẹ̀ vị ịrẹyị odivi-odivi. Ịsa ọnị ọnị mẹ ịjị ọnị vị ozweyi vị oni Ohomorihi jị ịvị anị yị ọnị.
Ohomorihi Ochẹtẹẹngụ ana yara ọ yị mẹ̀ ebira ana vọrọ ka ọ̀ me hi ọnị. Di ọ navọ mị tụ ịnị ayodu nị. Dị ọ hị́ eku ka,
Ijoovu ka sị ẹ vẹ dị Ohomorihi navọ ọnị tụ ịnị ẹhẹ ụyụya dị ẹ yị dọ ọnị ụhwẹ?
Wẹ yi daba sị eyi hụrẹ mị ẹngụ chee? Wẹ yị navọ mị hẹẹ ma daba jị atẹ mụnẹẹ?
Navọ wa hụrẹ mị ụvọ dị ẹngụ amị ọ̀ daba rọ chee dị ma va sị ẹhẹ tịtẹ.
Ọyịkụ awụ ô chi mị ẹngụ, mẹ yị zụ sị ịrẹsụ dọ ọ.
Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.
Ohomorihi ọ raà dà ụya ana ngụ ajẹ yị ọnị rị, dị ọ sị àyodu mẹ enyi yị ọnị ka ọnị oo hú ọ nị.
Ộ tana ụvọ za ọnị ẹtẹẹtẹrẹ, dị ee tụ́ ọnị pooro kẹnẹ nị.
Ịnị ụmẹ ana àaa sịị sị ụyaa rị yị, o vee du yi ayị, yẹ yị vaa jẹ. Ama ọdịrẹma anị, ụyọrị ọnọọ vaa mẹ ka aza ana sị ẹngụ dọ ọ, ẹ̀ẹ mẹ̀ ịsa ana vọrọ, dị ẹ rẹ yaa mẹ̀ ebira ẹngwọọrọ.
Di Inawomi tụ́ wa ohi dị ọ ka, “Asị ụ rẹ kụkụ hị́ mị́ Inawomi nịnị. Waā hị́ mị Ọnyịrẹyị agụvị ka Ohomorihi Ochẹtẹẹngụ ọ raà mẹ ẹhẹ amị nyịrẹyị.
