9 Ẹhẹ ọza aa chee aanị anka oziizi avọọ. Ẹ yị nyị ịsị ị yẹ.
Di Ijekọvụ ka, “Ịrayị ẹchịhịnọnyị tụra ẹẹwụ kẹnẹ ọnị mẹ ịnị ẹhẹ da nọ. Ọ kà ọnị ộ yị vịra, ẹhẹ anị vị akanya-akanya. Ọnị ệ yị hyakụ nyị ịzị ọnị tù ịnị ẹkụhị oni ohiku anị nịnị mẹ ịnị ẹhẹ.”
Ọ kà Ẹnẹyịmavara, wâ yẹ ka vi yee che oze parahu ịnị ẹhẹ anka ọzọga avọọ nị; avọọ ohiku ayị mẹ̀ ya nị. Ẹkụhị ayị ịnị ẹhẹ vị ana sị mẹẹ anka ụmọmọ avọọ, yẹ yị zụ mẹ ka ye yị vee sù.
Irehobowami ohinọyị ộ hị́ azọkụ ana vịdị vị anajuwe ada anị Isoromọnị gụ, dị ọ họ̀ wa ka sị ẹ vị ohi ọnị ọnị ọ̀ọ sị yị aza ẹnẹẹ.
Ẹhẹ ọnị ọza vẹ ẹ yị nyị ọ ya, dị ọ rẹ vị ọnịrị akanya-akanya kẹnẹ nị.
Ẹhẹ ẹyị ọza sị mẹ anka ododo ene e yi me ku di o su avọọ nị. Ọ ya viiri anka ụ̀mọ̀mọ́ ọza avọọ nị.
Ẹmị vị ana ka wa kà ịrẹyị nịnị, ẹwụ nịnị ọzọkụ ẹ sị ịrẹyọyẹ awụ nịnị zụ.
Ẹhẹ anị ọ sị da ẹjịjị tụ ịnị osusu kẹnẹ. Ẹhẹ anị vene e zwe echi anka ụsẹ mẹẹ̄ hụrẹ upechi ịra ịnị achị avọọ.
Ịrẹyọyẹ anịyẹẹyẹ ẹnẹẹ vaa sị ẹtohweyi yọ.
Ẹhẹ amị vị ana yà chee anka ụmọmọ ọnị ọzaā re oruva avọọ, ịsọnị-ịsọnị dị ộ ta anka avị avọọ.
Ẹnẹyịmavara ẹwa vị ohinọyị pooro zịna-zịna nị, aza vị ana vaa tamayị awụ pooro zịna-zịna.
Ọza vị ana sị mẹẹ anka ahị ana aa tụ́ụ parahu avọọ. Ẹhẹ ọza maanị aa kiiki aanị.
Wẹ yị mẹ ka ụhwẹ amị ọ̀ gọdọ vụrụ-vụrụ nyị ịsị ẹhẹ amị vị ini eyi awụ Ẹhẹ ọza maanị aa kiiki aanị,
Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ? Ụkọrọ odivi kẹnẹ ụ waa mẹẹ zị nịnị, wa sị ẹhẹ và ịrẹsụ chi nịnị.
Ịrayị akahị ini eyi awụ vị ana sị mẹẹ ẹkụhị ọnya avọọ, mị ka vị ọ sị mẹẹ anka ẹẹrị nị.
