Ijoovu 7:2 - IWE ỌNỊNỊ

² Ọ sị mẹẹ anka ọnụkọrọ ene zi ụmẹ ana na tụ́ ụhwọ́, a vị ụmẹ ana a dọ ẹkẹhị anị avọọ nị.

Ijoovu 7:2 ပူးပေါင်းရင်းမြစ်များ

Oyinyima 34:8

Di Ihamori ee pè waa kà ịrẹyị dị ọ ka, “Ayị Ịsẹkẹmị ozi anị ọ sị yà ịnị ịrẹyị ozi ẹnịnị, aarịhịnị ẹ̀ navọ ẹ sị gà a dị ọ̀ nyị ọ.

Ijoovu 7:1

Ẹhẹ ọnị ọza vẹ ịnị anị vị ẹhẹ akanya. Ịrẹvụrẹkụ yọ pooro nị. Ọ sị mẹẹ anka ọza anaa dọ ụkọrọ avọọ nị.

Ijoovu 7:3

Ohomorihi ọ raa mẹ ẹhẹ anị osusu ụhwẹ ẹnyị na ngụ ọsa, dị avaba ịrahụ anị vị ayodu kẹnẹ nị.

Ahẹ Ụgama 119:131

Mè sì ọda awụ ẹtẹẹtẹrẹ mâ mẹ kaakara agụvị anị pooro, ma kụkụ si irenu há ha, maa tụ́ hụụ-hụụ.

Ahẹ Ụgama 143:6

Ẹnẹyịmavara, maa tụ́ ụvọọ yị wụ. Eyi awụ aa tụra mị anka eteesu mèe sì enyi ịnị ọhahị avọọ.

Ijeremaya 6:4

Ẹnịnị vaa kà a ka, è tenyi ẹngụ dị ẹnị ẹ kụ ịrẹkụ ne tu Ijerusarẹmị ọọdụ. Ama dị ẹ ka ụmẹ ọ sị para hu, ẹtẹ ọ sị nyima ee hozi.

Ireevi 19:13

Ọ kà à sị ẹ mẹ ẹvaya yị ọnọhụva ẹnịnị à vị ka ẹ̀ mẹ akoo yị ọ. Ọza ọnị ẹ̀ẹ dọ ka ọ̀ mẹ̀ ụkọrọ yị ẹnị, à sị ẹ́ za a ku tu eyinẹhẹ anị dị è si ọ ụta.

Ijona 4:6

Dị Ẹnẹyịmavara Ohomorihi mẹ̀ ka avị ẹnya ọ̀ chị, dị ọ̀ hụ, di ò tura ku ajẹngụ anị, dị ọyị e yị kụkụ rị ọ nị. Di uhuhu avị ọnọọ hine ayị ẹtẹẹtẹrẹ nị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Iwe Ọhụhị Imosiisi ana aa hị́ Ọyịvatụrọda 24:15

Sì anụkọrọ awụ ụta dị ẹtẹ o vee hozi agụvị ka ọnị ẹ sị eyi tụra ka ẹnị ẹ sị mẹ ẹhẹ nị. Ẹ yị vị avọọ èe jị òrèrè hị́ Ẹnẹyịmavara ẹngụ ụ wa rị ịvị.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.