Ijoovu 7:16 - IWE ỌNỊNỊ

¹⁶ Ẹhẹ amị aa nyị mị ịhyẹrẹ, àa yẹ me vene su. Navọ mị hẹẹ ka ẹhẹ amị aa tupe aanị.

Ijoovu 7:16 ပူးပေါင်းရင်းမြစ်များ

Oyinyima 27:46

Di Irebeka kà a yị Ayiziiki dị ọ ka, “Anẹẹ Anihiti ọnị Iisọ na nyị aanị ẹ raà kụ́ o du mi eyi. Ijekọvụ ọnị ọ̀ọ rẹ na nyị Anihiti ẹnẹnị ene hi ịzẹnị aanị, ẹ yị vi isu amị sị gụrị ẹtẹ avọọ?”

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ijoovu 10:1

Ijoovu kà ẹhẹ o si du ọnị eyi. Ọnị ẹ yị nẹngụ sị irenu anị kwooku. Ọnị aa ka a ịsị e du ọnị ayị.

Ijoovu 10:20

Ụmẹ ọnị ọnị aa ra ẹhẹ aa chee aanị. A navọ ọnị dị ọnị ọ hụụnị ẹhẹ dị ẹngụ anị o hi ahị.

Ijoovu 14:6

Avọọ Ohomorihi ọ navọ aza dị ẹ̀ hine ayị ịnị ụkọrọ ọnị ẹ ya ka ẹhị mi pooro kẹnẹ.

Ijoovu 6:9

Ọka, Aa yẹ Ohomorihi ọnị ụvọta anị ọ dọ ọnị ụhwẹ.

Ijoovu 7:15

Dị mị kụkụ ka, àa vana sị ụvọ hi mi ọbẹ di mi su nị, ộ dà mi hí huni ka ma maanị rị ụya nị.

Ijoovu 7:7

Ijoovu ka Ohomorihi ọ tamayị a ka ẹhẹ anị sị mẹẹ anka ụhwẹ ụpọnya ọnị ọza tụ́ avọọ nị. Ẹ yị vaa nyị ọza ọnị ọnị re vụrụ-vụrụ.

Ijoovu 9:21

Ịzị ẹhẹ o du ọnị eyi tu aanị, ẹ yị nyị ịzị ịhị ọyị rị kanyị ọnị.

Ahẹ Ụgama 144:4

Ọza vị ana sị mẹẹ anka ahị ana aa tụ́ụ parahu avọọ. Ẹhẹ ọza maanị aa kiiki aanị.

Ahẹ Ụgama 39:10

Navọ asị ụ rẹ kụkụ sị ụya rị mị ka ipono awụ aa vaa wụ̀ mị.

Ahẹ Ụgama 39:13

Navọ wa hụrẹ mị ụvọ dị ẹngụ amị ọ̀ daba rọ chee dị ma va sị ẹhẹ tịtẹ.

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Ahẹ Ụgama 78:33

Di Ohomorihi mẹ ka avaba ẹhẹ ẹnịnị ò vi osusu dị ẹ̀ẹ rị ụya nị.

Ahẹ Ụgama 78:39

Ohomorihi ộ yẹ ka ọzarẹyịrẹsụ ẹ vị nị. Vị ẹ sị mẹẹ ahị ana aa tụ́ parahu, dị ọ yị kụkụ vavẹ avọọ nị.

Ịrẹyị Ọzwọzịsa 2:17

Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị.

Ijeremaya 8:3

Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.