Ijoovu 5:5 - IWE ỌNỊNỊ

⁵ Azẹnịsa kẹnẹ ọnị ụngwẹ ẹ vaa kụ ogu ọnị ọọ mẹ rị nị.

Ijoovu 5:5 ပူးပေါင်းရင်းမြစ်များ

2 Ịtọpa 33:11

Avọọ, dị Ẹnẹyịmavara navọ ka ọdọvịdị Anasiriya nịnị ệ kụ́ ịrẹkụ ngụ Ijuda. Dị ẹ za Ịmanasẹ, dị ẹ ka a ẹka, dị ẹ tụ wụ ịchẹkẹchẹkẹ, dị ẹ sị ọ na Ịbabịrọnị nị.

Ijoovu 1:15

anako nịnị hụrị ẹkụra Isabi ngụ tu ẹnị nị. Ẹnịnị ẹ ra wụ anụkọrọ ene hi ịzọọ dị ẹ kụ avaba ịsụpa anị nị. Ọnị ịnya kẹnẹ ọ ha ka ọnị ọ va ka enube yị ọ nị.

Ijoovu 1:17

Ịrẹyị anị ọ yị ta a ka, dị ozi ahụ anị ọhụta sị enube ọsa vẹ tu ọ nị. Dị ọ ka Anako irenu oze ẹẹta ệ hụrị ẹkụra Ikaridi va wụ ezi ahụ anị dị ẹ kụ ịnyaakụmị anị. Ọnị ịnya kẹnẹ ọ ha ka ọnị ọ va ka enube yị ọ nị.

Ijoovu 12:6

Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 20:15

Aza Odivi vị ana va hẹrẹ ogu ọza ene e yi.

Ijoovu 20:22

Obono tu dị ẹ̀ nyị ịsa, ayodu ọ ka wa vẹ.

Ijoovu 22:10

Avọọ aa va ịrẹpa kara wụ, dị angwa ee hi wu,

Ahẹ Ụgama 109:11

Navọ ahịka vị ọnụta va dọ ọ avaba ogu ọnị ọ nyị, dị azọga ẹva kú avaba ogu ọnị ọ sị ụvọ anị mẹ.

Ayịsaya 62:8

Ẹnẹyịmavara o reè wo oto ẹtẹẹtẹrẹ. Ọ vaa sị ụkata anị mẹ̀ ẹ. Ọnịvị Anisirẹrị nịnị ẹ yị kụkụ vaa sị akụ ẹnịnị mẹ ịsọyịrị ẹnịnị. Anikinami nịnị ẹ yị kụkụ vee hu eche ẹnẹ ẹnịnị ka ẹhị mi tụra ịrẹsụ.

Ijeremaya 51:34

Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Arụwẹ 2:16

Avaba ọnịvị Ijerusarẹmị nịnị vị ana kụkụ aa sị ọ mẹ enyinyi, dị ẹ kụkụ aa sị eyi oweyi re e nị. Ẹ kụkụ à jị aahị hi wa, dị ẹ yaa ka a ka imba ẹnị ẹ sị ọ vú ẹtẹ nị. Ẹ kà ẹkụhị ọnị ẹnị jẹẹ ee zí eyi yị.

Arụwẹ 2:5

Ánanyị yị kụkụ sị mẹẹ anka ọnịvị ẹnịnị avọọ nị. Ó reè vú Anisirẹrị ẹtẹ beri avaba irehi ohinọyị ẹnịnị. Ộ sị avaba aha ọnị ẹnịị̄ tẹ̀ jị eburu. Ộ mẹ ka avaba Anijuda nịnị ẹẹ jị òrèrè pooro kẹnẹ.

Ihoseya 8:7

Ẹnịnị ee chire ahị tụ ịnị aarẹ, okoruwa ọ vị ịsa ọyịna ọnị e vee re nị. Ọchị ihwiti ana aa jẹẹ vị ana vaa wụ̀, dị ẹ yị nyị ịsa, Ẹnịnị ẹ̀ẹ nyị ịsa ọyịna akụ, anikinami kẹnẹ aa rị ọ yị wa nị.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Iwe Ọhụhị Imosiisi ana aa hị́ Ọyịvatụrọda 28:51

Ẹnịnị vaa kụ avaba ịsụpa awụ nịnị ọnịrị ịsa ịnị aarẹ awụ nịnị, dị ụngwẹ wụ̀ wụ nịnị va ha.

Ọdọvịdị 6:11

Ẹkụhị ọnya, dị anggẹẹrị Ẹnẹyịmavara na yaatụ iruvo ọchị ooki ana ya ohwira. Ijowasi ana vị Anabiyeza ộ nyị ọchị ọnọọ nị. Ozi anị Igidiyọnị ô were-were ee tụ́ ihwiti ịnị ụkọ, agụvị asị Animidiya re e.