22 Uye ịnị avị e yi vee chire wu angwa. Ẹwụ vene vee nyinyi ịnị ụmẹ ọnị ọzọza ee hí angwa ụngwẹ ọnịrị ezigi.
Ẹnẹyịmavara kà, Anijerusarẹmị vee nyí wu unyi, ẹwụ Isenakeribi, dị ẹẹ sị wụ mẹ ịyẹyẹ.
Ibiridadi ka Ohomorihi vaa mẹ ka Ijoovu oo nyii dị ọọ jẹ.
Ụ maanị vaa kụ́ ahụ hi iku irenyi-irenyi ọnịrị ẹwụ edivi irenyi-irenyi, dị waa na haara kẹnẹ.
We yi re ve hí angwa ụkụ anaā ngụụ tụ̀ ọza ịrahụ ọnịrị ụkụ edivi anaā wụ̀ azaa ha ụmẹ ọọdụ.
Ẹ yị vaa nyị Idu ịzọọ. Ẹ yị rẹ nyị uye odivi ọnyọọnyị ana vaa vatụra oze ọnọọ. Aza oni Ohomorihi sị hị́ varẹma kẹnẹ ẹ vaa vatụra oze ọnọọ nị.
Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.
Ọnị vaa mẹ eto beri wa, dị ẹ̀ nyị ẹngwọọrọ. Ọnị vaa dụ avaba uye edivi-edivi hụụnị ẹtẹ ẹnịnị agụvị ẹ̀ẹ yaa sụ̀ ara ịnị avị ọnịrị ịnị ụnọmị, asị a nyị ịsị ẹ mẹ̀ wa.
Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.