Ijoovu 5:20 - IWE ỌNỊNỊ

²⁰ O vee sere wụ dị ụngwẹ ọ yị wụ wụ ini ụmẹ ụngwẹ. O vee sere wụ dị ịrẹkụ ẹ yị rị wụ.

Ijoovu 5:20 ပူးပေါင်းရင်းမြစ်များ

Oyinyima 45:7

Ọ kà Ohomorihi o yi sì ka ụngwẹ ọ̀ wụ̀ wa hụụnị ẹhẹ. Agụvị avọọ ọ tụ́ ọnị dọ ọvịdị ẹnịnị vẹ ịzẹnị ka ọnị ọ̀ va mẹ ka asị ẹ ta hụụnị ẹhẹ nị, dị aza ẹ̀ zụ ha ini oze ene hi ọza irenu.

1 Ohinọyị 17:6

Dị ọrụ nịnị aa sị ịsọyịrị ọnịrị uye vaa yọ ẹnẹnẹ ọnịrị oruva nị. Dị ahịka enyi ini orosi ọnọọ ee hú nị.

Ahẹ Ụgama 118:18

Ẹnẹyịmavara ộ tana ụvọ za mị ẹtẹẹtẹrẹ, ama ọ rẹ vaa zẹẹ ka me sú.

Ahẹ Ụgama 144:10

Ẹwaa mẹ ka ohinọyị nịnị ẹ̀ huna ọnịvị ẹnịnị nị, dị ụ dọ Idevidi ozi ahụ awụ tụ́ ka asị a wụ ọ nị.

Ahẹ Ụgama 27:3

Òo zee e eyi ịrẹkụ ò jesi kara mị me yi vee hí angwa Mị ka aa daka kụ́ ịrẹkụ ve tù mị ayị amị o yi vee zizi.

Ahẹ Ụgama 33:19

Ọ yị vaa navọ ka ịsụ ọ̀ sị wa, ẹnịnị vaa há ịnị ụmẹ ụngwẹ

Ahẹ Ụgama 37:19

Ịjị ụmẹ ọ̀ọ katẹngụ, ẹnịnị ẹ yị vaa rị ụya. Ụngwẹ ọ̀ọ daka hi ẹtẹ ẹnịnị emi vee re ịsaa rị dị ịnẹ há wa.

Ahẹ Ụgama 49:7

Nyị ọza ana nyẹngụ sị ẹkẹhị hị́ ụhwẹ ọyịnyara anị Ọ za o yi si ụta ụhwẹ ọza yị Ohomorihi,

Ụhịrẹyị 10:3

Ẹnẹyịmavara ọ yị vaa zẹ ka ụngwẹ ọ kụ aza ọyịza, ama ọ yị vaa zẹ ka ọza ọhịmị ọ re ịsị e yee si.

Ayịsaya 33:16

Ẹngụ aza ẹnẹnị ẹ va zụụ há nị. Vị ẹ vaa sị mẹ anka ọza ana na vaka tụ́ aha ịzị ẹ̀ yị nyị ịsị ẹ zụ kanyị ọ avọọ nị. E vee re ịsaa rị, e re vee re enyi hú.

Ijeremaya 37:21

Ịzẹyịza, dị Ịzẹdẹkaya ka è nee gu oze hi ọnị ohweje ohinọyị nị. Dị ọnị yà ịzọọ nị. Eyinị-eyinị dị aa sị ịbụrẹdị ikonyi ikonya hụụ ịdị aza anaā mẹ ịbụrẹdị vaa yị ọnị nị. Avọọ á mẹ sị yị ọnị pooro ne tu ụmẹ ọnị ịbụrẹdị ta hụụ ịdị aza anaā mẹẹ nị.

Ijeremaya 39:18

Ka, ịzẹyịza ọnị vaa dọ ụ ha. Ịrẹkụ ẹ́ yị vaa rị ụ. Ọ kà ụ vaa ha agụvị ka waa sị ayị tụra ọnị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Ihabaku 3:17

Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Imatiwu 24:6

Ụ vaa wụ́ ekuku ịrẹkụ nịnị ọnịrị ụha ịrẹkụ nịnị, ama asị ụ zẹẹ ka ayị awụ nịnị ọ̀ vazi! Ẹ yị zụ nyị ka ọ yị vavọọ yà, ama ẹzẹtẹ ẹhẹ ọọ̀ yị vẹ.