Ijoovu 5:19 - IWE ỌNỊNỊ

¹⁹ Ọ vaa dọ wụ tụ ụpẹtụrụpẹ agụvị asị a nyị ịsa ana mẹ wụ.

Ijoovu 5:19 ပူးပေါင်းရင်းမြစ်များ

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ahẹ Ụgama 34:20

Ẹnẹyịmavara vi ana nyayịnẹ sere e, ọ yị hyakụ zẹẹ ka ẹchụkụ anị ikonya ò che.

Ahẹ Ụgama 66:12

Wâ zẹẹ ka ọnịvị ayị ẹ̀ za yị, dị ẹ̀ mẹ̀ yị sẹkẹ-sẹkẹ. Ẹ yị nyị ụya ọnị yẹ̀ yị sị rị; ama wa vị va raà sị yị va ngụ ịzị ị yà dị ẹngụ ayị ee hunẹnẹ.

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ụhịrẹyị 24:16

Ọnịzẹyịza ọ̀ọ hyẹdụ pooro, ọ vaa kwẹẹtẹ ama akanya vi ene vee vu ọza ọhịmị ẹtẹ.

Ụhịrẹyị 6:16

Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ijeremaya 39:17

Ẹnẹyịmavara kà, ama, ọnị vaa dọ ụ ha. Ọza ẹ́ yị vaa sị ụ chire aza ọnị wee hí angwa anị aanị ụvọ.

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

Ịdanịyẹrị 3:25

Dị ọ rẹ họ̀ wa ka, sị ẹ vẹ dị ọnị vee ré ka aza ẹnị ẹẹna aa zị ụsẹ ịnị ịra nị? Ọ kà ịsa a sị sụ wa ọ sị ngwara, ẹ yị rẹ nyị ịsa ana sị zụ ka aa kata wa ẹngụ, dị ọnị ọhụna ẹnịnị sị mẹẹ anka anggẹẹrị avọọ nị.

Ịdanịyẹrị 6:16

Ịzẹyịza dị ohinọyị mẹ ọda, dị ẹ na sị Ịdanịyẹrị, dị e ne e ngụ ịnị ụsị idu nịnị nị. Dị ohinọyị kà a yị Ịdanịyẹrị ka, Ohomorihi anị ọnị ọ sị ịzẹyịza aa hẹkẹ ọ̀ va dọ ọ ha nị.

Ịdanịyẹrị 6:17

Dị ẹnịnị zịna ịrẹta ọbanyị dị ẹ sị gu ụsị ọnọọ irenu nị. Dị ohinọyị ọnịrị ẹnị ọdọvịdị ẹkụra na mẹ apọtẹrẹwa ẹnịnị tụ ịnị ịrẹta ọnọọ agụvị asị a nyị ọza ana nọ ịzọọ na mẹ ịsọnyị-ịsọnyị hi Ịdanịyẹrị nị.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

2 Anịkọrịntị 1:8

Ẹwụ nịnị ẹyịnyara amị, yee sì ka ya kà a wụ nịnị ịrẹyị ene tù yi ẹkụra Esiya. Ịrẹyị ene tù yi ô chì yi ẹngụ pooro, ne tù ka ya kụkụ raà hụrẹ eyi ka yee wusu.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.