Ijoovu 5:17 - IWE ỌNỊNỊ

¹⁷ Ọza ọ̀ọ mẹ̀ ebira odivi, asị ọ sị eyi wụ ohuvọ Ohomorihi Ochẹtẹẹngụ. A vọrọ ka o re e ịrẹsụ ọyịza yị ẹngụ anị nị.

Ijoovu 5:17 ပူးပေါင်းရင်းမြစ်များ

Ijoovu 11:13

Dị Izohwa ka Ijoovu o ro ịnẹ dị ọ da ịpẹ yị Ohomorihi.

Ijoovu 15:11

Ịrẹyị Ohomorihi ẹ́ẹ́ hụụ ọ sị ayị anị nẹtẹẹ, aa hyakụ vị ọnị ị sị ụmẹnụmẹnẹ ka yọ aanị?

Ijoovu 36:15

Ama Ohomorihi vị anaā dọ onosiye ha hụụnị ụya. Ẹngụkata ana aa kụ́ tu wa vị anaā sịị eyi ẹnịnị hweyi.

Ijoovu 36:16

Ohomorihi ộ sị wụ hụụnị akanya awụ. Agụvị ka ee sere wụ, dị ọ rọ̀ wụ ẹngụ nị, ộ kụ́ ịsọyịrị gụ aha ọyị rị ịsa awụ.

Ijoovu 8:5

Avọọ Ijoovu o ro ịnẹ dị pà ẹvagu hụụnị ụvọ Ohomorihi Ochẹtẹẹngụ yị wa.

Ahẹ Ụgama 118:18

Ẹnẹyịmavara ộ tana ụvọ za mị ẹtẹẹtẹrẹ, ama ọ rẹ vaa zẹẹ ka me sú.

Ahẹ Ụgama 94:12

Ẹnẹyịmavara, ọza oni u wèe nyị iyi tụ́ ohuvọ dị waa sị ọda awụụ zụ ọ nị, ọ̀ nyarị ịrẹsụ ọyịza.

Ijeremaya 31:18

Ẹnẹyịmavara kà ọnị ộ wụ́ Anisirẹrị nịnị mee du ayị dị ẹ ka, Ẹnẹyịmavara, vị́ ẹnị sị mẹẹ uye odivi avọọ nị, ama ọnị vị ana kọ ẹnị ka ẹnị ẹẹ saasa ịrẹyị anị. Ẹ ka ọnị ọ̀ kụ ẹnị vàka ẹngụ anị vẹ; ẹnị ee tenyi ẹngụ ka ẹnị aa vaa ka Ẹnẹyịmavara Ohomorihi ẹnịnịị vẹ.

Iwe Ọhụhị Imosiisi ana aa hị́ Ọyịvatụrọda 8:5

Tamayị ka Ẹnẹyịmavara ana vị Ohomorihi awụ nịnị vị anaā tụ ọza ohuvọ anka aza ana ma ọza avọọ.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.