Ijoovu 5:12 - IWE ỌNỊNỊ

¹² Ohomorihi oō du eto aza ana mẹ ọbọ hi wa ụvọ dị asị ẹ zụ mẹ ịsị ọnị e yee si nị.

Ijoovu 5:12 ပူးပေါင်းရင်းမြစ်များ

Oyinyima 31:22

Ọ sị mẹ ẹkụhị ẹẹta di a va kà a yị Ịrabanị ka Ijekọvụ o si zwe.

2 Ịsamụwẹrị 11:9

Dị ahịka enoze irehi ohinọyị Uriya sú pè avaba ezi ahụ Idevidi ọga anị nị. Uriya ọ yị nọ ini eehi anị.

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

2 Ohinọyị 6:9

Ama Erisa ộ tụ na kà ohinọyị Ísirẹrị ọnọ ka a sị ọ zị avọọ o; agụvị ka Anisiriya nịnị ẹ na sị tẹ hi ịzọọ.

Inehemaya 4:15

Ịjị Ọnịvị ẹnịnị sị yẹ ka iruvo ẹnẹnị ọ sị tụ ẹhẹ. Ohomorihi ọ raà gara eto odivi ẹnịnị ha. Agụvị avọọ, dị Anisirẹrị ọzọza varẹma nọ aha anị nee tenyi ọvọ ene wu tụra nị.

Inehemaya 4:9

Ama dị ị mẹ̀ aduwa hị́ Ohomorihi ayị, dị ị nyị aza enee sere ẹtẹ ọọdụ ọnịrị ịrahụ agụvị ẹnịnị nị.

Ijoovu 15:5

Ịrẹyị irenu anị aa sị ebira odivi anị zụ. Vị a sẹ̀ ịrẹkarenu da ọbọ dọ ẹngụ anị tụ kẹnẹ nị.

Ahẹ Ụgama 21:11

Ẹnịnị vaa gẹ eyi, di e yee sì oze ka ẹnị ẹ̀ mẹ wụ́ ịrẹyị odivi ama ẹnịnị ẹ yị va zụụ mẹ̀ ẹ.

Ahẹ Ụgama 37:17

Ẹnẹyịmavara vaa dọ aza edivi ụkata ẹnịnị, ama dị ọ mẹ ọgụvọ yị ọza ana aa mẹ̀ ebira ana vọrọ.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ụhịrẹyị 22:12

Ẹnẹyịmavara vị eneē sere ọza anaa mẹ ịzẹyịza ama enevene nịnị vị ọnị ọọ̄ mẹ̀ ụhị nyị.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Ijeremaya 8:8

Ọ kà, ụ mẹ mẹ zụ kà a ka waa yẹ ịrẹyị nịnị, ọnịrị ka waa yẹ ọda anị nịnị? Re, ọzwọzọda nịnị ẹ raa sị irikichi vara ọda anị.

Ọbadaya 1:8

Ẹnẹyịmavara kà, ịhị ọnị àa pa ịva yị Anedomi aanị, dị ọnị wụ̀ avaba ọyẹrẹyị ẹnịnịị vaa ha. Ẹ yị kụkụ vaa nyị ọza ọnị eyi anị hweyi tụ́ ịrẹsụ ataba ịzị evere ẹnịnị ra hi.

Odeyi 12:11

Dị Ipita sị yẹ ịsị ẹ mẹ, dị ọ ka, “Booro aanị, ma sị yẹ ka ịzẹyịza yọ. Ananyị yị ọ raà tụ́ anggẹẹrị anị ka ọ̀ va dọ mị hụụnị ụvọ Ịhẹrọdị ọnịrị avaba ịsa ana Aniju nịnị ro ka ẹnị vaa mẹ.”

1 Ịsamụwẹrị 23:13

Di Idevidi ọnịrị aza anị sị hụrẹ Ikeyira, dị ẹ yaa ngụ ọ zị nị. Aza Idevidi vị ẹnị akata. Dị a rẹ na sị ọ kà yị Ịsọọrụ ka Idevidi o si zwe hụrẹ Ikeyira nị. Dị Ịsọọrụ ọ̀ yị kụkụ nọ ịzọọ nị.