Ijoovu 42:8 - IWE ỌNỊNỊ

⁸ Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ijoovu 42:8 ပူးပေါင်းရင်းမြစ်များ

Oyinyima 20:17

Di Abụrahamị va mẹ̀ aduwa hi Ohomorihi dị Ohomorihi va mẹ ka ẹngụ Abimẹrẹkị ọ̀ ta nị. Di Ohomorihi rẹ mẹ ka ose Abimẹrẹkị ọnịrị ezi ahụ anị anẹẹ ẹ̀ zụ ma ozi nị.

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

1 Ịtọpa 15:26

Ẹnịnị ệ wụ ụnọ ịhịmba beri ịdẹba ịhịmba ẹnẹ ẹ́ sị mẹ̀ ịsọvọ ka Ohomorihi ọ̀ mẹ ọgụvọ yị ẹnị Anireevi ana za apoti oto ọnọnị.

2 Ịtọpa 29:21

Ẹnịnị ệ sị ụnọ ịhịmba, ịdẹba ịhịmba, atẹmẹ ịhịmba, ịdẹ ịhịmba ka a sị mẹ̀ ịsọvọ yị avaba ẹtẹ, irehi Ohomorihi, ọnịrị Ijuda. Dị Ihezekaya mẹ ọda yị ohirẹsụ irehi Ohomorihi ana vị ezi Eerọnị ka ẹ kụ uye ẹnẹẹ mẹ̀ ịsọvọ ịrẹsụ ụta Ẹnẹyịmavara.

Ijoovu 1:5

Ịhị ẹnịnị ẹ̀ sị mẹ ta, dị Ijoovu kwẹẹtẹ ẹnẹnẹ eyinẹhẹ anị dị ọ mẹ̀ ịsọvọ ịrẹsụ ọzịnya-ọzịnya ẹnịnị. Ọ kà ọza ọ yị yẹ ẹnịnị ẹẹ mẹ̀ ebira ana zụ du Ẹnẹyịmavara ayị.

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 22:30

Ọ vaa dọ aza ana rị ịvị há agụvị ka ụvọ awụ ọ̀ nị.

Ijoovu 35:8

Aza anka ẹwụ, ịrẹyị ọhịmị awụ aa zama nị. Ọyịza ọnị ụ rẹ mẹ, ẹnị ẹ rị aha anị nị.

Ijoovu 42:9

Ịzẹyịza, dị Erihwazi Anitemani, Ibiridadi Anisuhi ọnịrị Izohwa Aninaama na mẹ̀ ịsa ọnị Ẹnẹyịmavara kà yị wa nị. Dị Ẹnẹyịmavara dọ aduwa ọnị Ijoovu mẹ̀ yi wa nị.

Ahẹ Ụgama 103:10

Ọ mā kà a ka ọnị aa mẹ ebiraa hi yi anka ebira odivi ẹnị ẹ yaa mẹ. Ọ yị kà ka ọnị aa sị ịvị ayịị sị yị ụta.

Ọyịkụra 18:12

Di Ijetiro ana vị ọyẹ Imosiisi sị ịsa vẹ ka à sị mẹ̀ ịsọvọ yị Ohomorihi dị à rị ọ ịra nị. Dị ọ rẹ sị ịsa ịsọvọ ọsa vaka a vẹ nị. Di Eerọnị ọnịrị avaba azọkụ Anisirẹrị vẹ ka ẹnịrị ọyẹ Imosiisi è dudu va rị ịsa ọnọọ ọvịdị Ohomorihi nị.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ijeremaya 14:11

Ijeremaya ka Ẹnẹyịmavara ộ ka ẹ yị ọnị ka asị ọnị mẹ̀ aduwa ka ọnị ọ̀ mẹ ọgụvọ yị aza ẹnẹnị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Ezikẹẹrị 45:23

Eyinị-eyinị ẹkụhị ịhịmba eche ọnọọ vị ọnị ọ vaa wụ̀ ụnọ ịhịmba ọnịrị ịdẹba ịhịmba ẹnẹ ẹ̀ yị nyị ịsaa zị, dị a sị mẹ̀ ịsọvọ hi Ẹnẹyịmavara, dị a rị wa ịra. Ọ rẹ vaa wụ̀ ịdẹ ikonyi ikonya eyinị-eyinị dị a sị mẹ̀ ịsọvọ agụvị ebira odivi aza.

Ịrịka 23:1

Ịbaraamị ộ ka yị Ịbarakị ka ọ hì ụta ịsọvọ ịhịmba tụ ịzọọ, dị ọ sị ụnọ ịhịmba ọnịrị ịdẹba ịhịmba vẹ.

Ịrịka 23:14

Avọọ, dị ọ Ịbaraamị nọ ịnozi Izohwimi na ngụ ịrẹsụ ataba Ipisiga nị. Dị ọ hi ụta ịhịmba, dị sị ụnọ ọnịrị atẹmẹ mẹ̀ ịsọvọ tụra ịrẹsụ ọnyọọnya nị.

Ịrịka 23:29

Dị Ịbaraamị kà a yị Ịbarakị ka o hi ụta ịhịmba tụ ịzọọ, dị ọ sị ụnọ ịhịmba ọnịrị atẹmẹ ịhịmba ana a sị mẹ̀ ịsọvọ.

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

2 Itimoti 4:14

Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị.

Anihiburu 10:4

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Ijemiisi 5:14

Àa nyị ọza ẹnẹ ẹngụ aa zị ịnị ẹngụ awụ nịnị, ọza ọnọọ ọ̀ hị́ azọkụ ịragụ Ohomorihi, dị ẹ va aduwaa yọ, dị ẹ̀ sị angwẹ sisi ọ ịrẹsụ ịnị ịrẹha Ananyị yị.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

1 Ịjọọnụ 5:6

Ijeesu Ikirisiti ọ vẹ ẹhẹ dị a sị enyi mẹ̀ ọyịhwọzenyi yọ nị, dị o re che anya anị sẹ ẹtẹ nị. Ẹ́ yị vị enyi kẹnẹ ọ sị vẹ, ama enyi beri anya. Ụhwẹ Ọnịnị ọ dọ ivenu tụ́ ọ nị, wáa yẹ ka Ụhwẹ Ọnịnị o mē cheeche.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.

1 Ịsamụwẹrị 25:35

Di Idevidi dọ ịsa ana Abigẹrị kụ́ va yọ, dị ọ ka ọ̀ọ nọ eehi ka ẹ yị kụkụ nyị ịrẹyị nị. Ọ kà ọnị ộ wụ́ ịrẹyị ana Abigẹrị kà, ọnị ọ rẹ dọ.