Ijoovu 40:9 - IWE ỌNỊNỊ

⁹ Ẹnẹyịmavara ộ họ̀ Ijoovu ka ọ́ọ́ nyị ụkata anka ọnị? Ọ́ọ́ nyẹngụ sị ọngwẹ anị ha apaana ihinẹba anka ọnị?

Ijoovu 40:9 ပူးပေါင်းရင်းမြစ်များ

Ijoovu 23:6

Ohomorihi ẹ yị vaa hụvị avọọ wure ọnị. Eyiyee, ọ vee batọ dị ọ wụ irenu anị.

Ijoovu 37:2

Avaba awụ nịnị ò batọ ọngwẹ Ohomorihi nịnị, wụ́ ịrẹyị irenu anị mẹ̀ sị mẹẹ anka apaana ihinẹba avọọ.

Ijoovu 9:4

Ohomorihi ọ yẹ ịrẹyị dị ọ rẹ nyị ụkata ẹnẹmẹhị nị.

Ahẹ Ụgama 29:3

Ẹnẹyịmavara mè kà ịrẹyị dị enyi dọ ọngwẹ dị apaana ihinẹba aa ha kẹnẹ nị Ohomorihi ana nyị ụbanyị ộ mẹ̀ ka apaana ihinẹba ọ̀ há, di enyi ẹbanyị-ẹbanyị aa sụ́ wụụrụ kẹnẹ nị

Ahẹ Ụgama 29:4

Aza mẹ̀ wụ Ẹnẹyịmavara màa kà ịrẹyị, ệ yẹ ka vị ọ nyayịnẹ nyị ụkata ọnịrị ụbanyị nị.

Ahẹ Ụgama 89:10

Wâ za Ịrahabị dị ụ gara a ha, dị ọ kụkụ tịtẹ anka eku avọọ nị. Wa raà sị ụkata gara ọnịvị awụ ha.

Ahẹ Ụgama 89:13

Wâ nyị ụkata ana banyị, ọza ọ yị zụ sị irenu kà a ịzị ụ nyị ụkata na za.

Ahẹ Ụgama 98:1

Waā jị ahẹ ọwọọwa gono Ẹnẹyịmavara nịnị, agụvị ka ịsa ọnị ọ mẹ ộ banyị. Ọ raà sị ụkata ẹngụ anị nyị ehuna.

Ọyịkụra 15:6

Ẹnẹyịmavara, ụvọrị awụ ộ nyị ụkata ọnịrị ụbanyị, Ẹnẹyịmavara, ụvọrị awụ ụ sị gara ọnịvị awụ ha nị.

Ayịsaya 45:9

O vee divi yị ọza ene beri ọza ana tụ ọ zune ụvọ. Ụnọkọ wéé beri ọza ana jị ọ nyị ahankata? Ụnọkọ wéé họ̀ ọza ana jị ọ ka sị aa mẹ? Ọ zụ kà a ka ọza ana jị ọnị e yi yẹ eyi ụkọrọ?

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ijeremaya 50:24

Ẹnẹyịmavara kà, ẹwụ nịnị Anibabironi, ịrẹpa ọnị ọnị và ee zi wu nịnị, o sị wụ nịnị za dị ụ va yẹ nịnị. Ê re wu nịnị, asị ụ nịnị za, agụvị ka waa kụ̀ hịrẹ ọnị nịnị.

Ezikẹẹrị 10:5

Aza ene hi ịnị ohweje ana á dà tụ ẹhẹ ệ wụ avaka ikerubi ẹnẹnị maa sụ́ ịrẹyị. Vị ịsị anaa sụ́ ịrẹyị sị mẹẹ anka Ohomorihi àa kà ịrẹyị avọọ nị.

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Ijosuwa 4:24

Ẹnẹyịmavara ana vị Ohomorihi ẹnịnị ọ vavọọ mẹ̀ ẹ agụvị dị anẹkụra ana vọ ẹ yẹ ụkata anị, dị Anisirẹrị ẹ zụ́ nyị angwahi anị pooro zịna-zịna.