Ijoovu 40:13 - IWE ỌNỊNỊ

¹³ Ijoovu o nye wa dị ọ za wa tụ ineku agụvị asị ẹ zụ vaa vẹ ẹhẹ.

Ijoovu 40:13 ပူးပေါင်းရင်းမြစ်များ

Ẹsịta 7:8

Ohinọyị mẹ̀ và hụụnị ụbazị na ngụ ịzị ẹ yà ee hu eche, di o ve tù ka Ịhamanị ọ tana tụra aha ọyị yaatụ Ẹsịta nị. Dị ohinọyị ka, “oo! eyi amị ụ wa ngụ tù ose mi ịnị eehi amị bẹẹ nị!” Di ohinọyị wụsẹ mẹ̀ ọkarẹyị yọ, dị a wụsẹ sị ịsa ku Ịhamanị eyi nị.

Ijoovu 14:13

Ijoovu ka aa yẹ Ohomorihi ọ sị ọnị na tẹ̀ ịdaneku, ịjị ayị anị ọ sị nẹtẹ, dị ọ vaa tamayị anị.

Ijoovu 36:13

Ama ẹnị ana vị aza ọhịmị vi ene vee du ayị. Ẹnịnị e yi me si ọgụvọ aa tụ́ wa ịchẹkẹchẹkẹ.

Ijoovu 40:14

Ẹnẹyịmavara kà Ijoovu ọ̀ọ vavọọ zụ mẹ̀ ẹ, ọnị vaa ga a, dị ọnị dọ yọ ka ọ raa nyị ẹbẹẹba.

Ahẹ Ụgama 49:14

Ẹnịnị vi ene vee sú kẹnẹ anka atẹmẹ avọọ Di Iswọọza kụ́ wa aa nọ ini ikuta Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị Aza edivi vị ana vaa vụụ hi ini ikuta. Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.

Ayịsaya 2:10

Ẹnẹyịmavara aa vẹ. Ộ nyị ụbanyị ẹtẹẹtẹrẹ. Zwe na tẹ̀ ịnị ụtẹha à yị vị avọọ ụ chị ịsị tụ́ ịnị ẹtẹ dị wa ngụ ọ agụvị ka wẹ yị va zụụ jẹẹ re ụbanyị anị.

Ịjọọnụ 11:44

Dị ọza ọnọọ ene vịdị wusu jịnẹ vẹ, a mẹ̀ yị sị ịta sụ́ ọ ahụ ọnịrị ụvọ nị. Eyi anị vị ana a rẹ sị ịta para. Dị Ijeesu ka, “Ngwa a nịnị, dị ọ̀ọ na!”

1 Ịsamụwẹrị 2:9

Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.