Ijoovu 40:11 - IWE ỌNỊNỊ

¹¹ Ọ kà Ijoovu ọ kana eyi di o re aza ana sị ẹngụ ẹnịnị tụ ẹba, ọ kụ ayị hi wa dị ọ ka wa chi deere.

Ijoovu 40:11 ပူးပေါင်းရင်းမြစ်များ

Ijoovu 20:23

Navọ wa ẹ rị ịsa o me zee wa eyi, dị Ohomorihi ọ va sị ọyịkụ-ọyịkụ pa ịva yị wa.

Ijoovu 21:30

ka aza edivi ẹ mā rị ụya Ohomorihi aa kụ ayị.

Ijoovu 27:22

Ahị ọnọọ ẹ yị vayị ẹnịnị ẹ̀ẹ daka aa sị vụrị ka ẹnị è zwe yọ.

Ijoovu 4:9

Ohomorihi ọọ ha iduma kẹnẹ dị aza edivi nịnị ee vú ẹtẹ nị. Ọ tụ ahị kẹnẹ dị ẹ ta hi ẹtẹ.

Ijoovu 9:5

Ọ̀ọ kụ ayị, ẹ yị nyị ka ọ ka dị ọ tụ́ ataba ụvọ hi ẹtẹ.

Ahẹ Ụgama 144:6

Tụ́ apaana ihinẹba dị wa sị gara ọnịvị awụ ha. Ne ọpa awụ hi wa, vi ẹ kụ́ ahụ nya iruvo.

Ahẹ Ụgama 94:2

Ẹwụ Ohomorihi ana aā mẹ̀ ọkarẹyị anẹhẹ, navọ ahịka ebira odivi ana aza edivi aa mẹ u si si wa atọ nị. Ịsa ene e sì ọ vị ọnọọ nị.

Ọyịkụra 15:6

Ẹnẹyịmavara, ụvọrị awụ ộ nyị ụkata ọnịrị ụbanyị, Ẹnẹyịmavara, ụvọrị awụ ụ sị gara ọnịvị awụ ha nị.

Ọyịkụra 18:11

Ma sị yẹ ka Ẹnẹyịmavara o huna avaba ori nịnị nị. Wéē re ịsị ọ mẹ aza ana aa chamayịị yị Anisirẹrị.”

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 22:19

Ẹnẹyịmavara kà ọnị vaa sị ọ, dị ọnị jị ọ hụrẹ udi anị.

Ayịsaya 23:9

Ẹnẹyịmavara Ochẹtẹẹngụ ọ vavọọ mẹ nị, ka ọnị ọ̀ tẹ avaba aza ana aā mẹ eyi, dị ọnị ọ̀ rẹ mẹ̀ ụhị nyị avaba aza anị anẹhẹ aa sị ụbanyị yị.

Ayịsaya 25:11

Animowabi vaa gana ụvọ anka ọza ana aa mẹrị enyi avọọ. Ama Ohomorihi vaa tẹ wa tụ́ ịrẹsụ avaba ịsị e ro ka ẹnị ẹ zụ mẹ.

Ayịsaya 26:5

Aza ana aa mẹ eyi vị oni Ohomorihi vaa mẹ ụhịị nyị; Anẹkụra ene ee wuu zị vị ọnị ọ vaa vàa nẹtẹ. Dị ọ maanị kà a chi, dị ọ vara a eteesu.

Ayịsaya 42:25

Agụvị avọọ, ộ sị ọyịkụ anị zụ yị, dị ọ mẹ̀ ka à kụ́ ịrẹkụ tu yi, dị ya rị ụya nị. Dị ọyịkụ anị rị avaba ẹtẹ Isirẹrị anka ịra mẹẹ rị avọọ. Ama yẹ yị yẹ ịsaa mẹ̀, yẹ yị va kọ ọsẹ ịsa ọnyọọnyị hụụnị anị.

Ijeremaya 48:29

Ẹnẹyịmavara kà Animowabi nịnị aa sị ẹngụ ẹnịnịị tụ ẹba baaba. Ọnị ộ wụ́ ẹnịnị mẹmẹ aa sị ẹngụ ẹnịnịị tụ ẹba, di eyee wùu zị. Ọnị ộ wụ́ eyi ene eyee sii ré ẹngụ ẹnịnị.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ịdanịyẹrị 4:24

Dị Ịdanịyẹrị ka: Taarụ! Iruvo ụra ọnọọ yị: Ohomorihi ene hu kere-kere ọ́ sị ọ kà ká ịsị e vee tù ohinọyị yị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Ịnahụmị 1:8

Ẹnẹyịmavara vi ene vee vu ọnịvị anị ẹtẹ anka ọhaara enyi mẹẹ̄ kụ ịsa avọọ. Dị ọ sị ọnịvị anị nịnị na gẹrẹ usu.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Iwe Ọhụhị Imosiisi ana aa hị́ Ọyịvatụrọda 32:22

Ọ kà, ọyịkụ anị vaa sị mẹẹ anka ịra ana za giri-giri avọọ nị. Avaba ịsa ene hi ịrẹsụ ẹtẹ vi ana rị ịra na ngụ ini eku. Avọọ avaba iruvo ataba mẹ vaa rị ịra bemi-bemi nị.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.